Radiograf/sonograf

Radiologisk avdeling Ålesund søkjer ein radiograf med funksjon som ultralydradiograf. Vi har ledig ei fast 100 % stilling ved Ålesund sjukehus.

Har du allereie denne kompetansen og kan tenkje deg ei stilling hos oss? Eller er du radiograf med spesiell interesse for ultralyd, og kan tenkje deg ei utdanningsstilling, som utførande ultralydradiograf? Då ønskjer vi å høyre frå deg!

Arbeidet vil bestå i å utføre ultralydundersøkingar av definerte område i kroppen. Opplæring vil skje ved direkte rettleiing frå radiolog eller ultralydradiograf, og ved sjølvstudium. Det vil bli gjeve grundig opplæring i ultralyd ved oppstart. Arbeidsoppgåver vil kunne bli utvida etter opparbeiding av kompetanse.

Avdelinga vår er ei fellesavdeling for radiologi for Ålesund og Volda, og har ansvar for det radiologiske tilbodet til pasientar på Sunnmøre. Vi tilbyr eit breitt utval av undersøkingar innan røntgen, ultralyd/doppler, CT, MR, beintetthetsmåling og nuklærmedisin med PET-CT og SPECT-CT. Vi har ein topp moderne intervensjonslab for generelle og avanserte intervensjonar, inkludert EVAR. Ålesund har også brystdiagnostisk senter for mammografiscreening og kliniske undersøkingar. Vi har høg produksjon, og dekker dagleg fagområder innanfor lunge, hjarte, urologi, gastro, gynekologi, muskel- og skjelett, barneradiologi, nevro/ØNH, og brystdiagnostikk.
I avdelinga finn du ein god kombinasjon av unge og erfarne radiografar, eit hyggeleg sosialt miljø og engasjerte kollegaer. Vi søker deg som likar faglege utfordringar, er lærevilleg og kan medvirke positivt i avdelinga, både fagleg og sosialt.

Høyrast dette lovande ut? Send oss ein søknad, vi vil gjerne høyre frå deg!

Helse Møre og Romsdal HF ønskjer at medarbeiderane våre skal speile mangfoldet i befolkninga, og vi oppfordrar kvalifiserte til å søke hos oss uansett kjønn, alder, funksjonshemming, nasjonal eller etnisk bakgrunn. Det samme gjeld dersom du har hatt eit opphald i arbeidslivet.   

I tillegg til søknad og CV, ber vi om at du legg ved dokumentasjon på vitnemål, arbeidserfaring og referansar. Dette for å dokumentere kvalifikasjonar som kjem fram i CV, og til å fastsette lønn.

Ved eventuelt internt opprykk vil vikariat bli ledig. Intervju vil bli gjort fortløpande. Oppstart etter avtale med seksjonsleiar.

Ikkje kjent i området? Sunnmøre er eit eldorado av fjordar, fjell, vakre byar, historie, kulturliv og aktivitetar både for vaksne og born. På Sunnmøre vil du trivast!  Med Ålesund som utgangspunkt har du kort veg, både til høge fjell og til sjø, samt nærleik til flyplass (ca 25 min fra sjukehuset) som byr på gode høve for å nå destinasjonar i både innland og utland. Les meir om Sunnmøre her.

Arbeidsoppgåver

• Delta i dagleg drift
• Utføre ultralyd sjølvstendig
• Fagansvar
• Sørge for å oppretthalde eigen kompetanse, samt legge til rette for at kollegaer sin kompetanse er i samsvar med krav og retningslinjer
  
• Utarbeide og oppdatere prosedyrar i EQS, i samarbeid med intervensjonsradiolog
• Oppfølging og vurdering av forbruksartiklar som er hensiktsmessig tilknytt prosedyrar innan fagområdet, i samarbeid med intervensjonsradiolog
• Opplæring av andre må påreknast
• Medverke til eit positivt og godt arbeidsmiljø

Kvalifikasjonar

• Norsk autorisasjon som radiograf
• Gode norskkunnskapar, både munnleg og skriftleg
• Fagleg oppdatert innan radiograffaget
• God kompetanse i ultralydundersøkingar, anatomi og bildeoptimalisering
• Gode datakunnskapar

Personlege eigenskapar

• Strukturert og fagleg engasjert
• Gode samarbeids- og kommunikasjonsevner
• Evne til sjølvstendig arbeid og gode vurderingar innan eige ansvarsområde
• Evne til å tenke heilskapleg mellom faggruppene i avdelinga og på tvers, for å oppnå god arbeidsflyt og drift

Å vere personleg eigna vert vektlagt ved tilsetting. 

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentlig pensjonsordning og fordelaktige forsikringsvilkår

Kontaktinformasjon

Lisa Steinberg, Seksonsleiar, lisa.steinberg@helse-mr.no

Arbeidsstad

Åsehaugen 5
6017 Ålesund

Nøkkelinformasjon:

Arbeidsgivar: Helse Møre og Romsdal HF

Referansenr.: 5086901670
Stillingsprosent: 100%
Fast
Søknadsfrist: 22.03.2026