Seksjonsleiar

Avdeling for radiologi Ålesund og Volda er organisert under Klinikk for diagnostikk Helse Møre og Romsdal og har to lokasjonar, Ålesund og Volda. Vi er ei moderne og dynamisk avdeling med spennande fagområde innan radiologi og avdelinga er prega av høgteknologisk utvikling, tverrfagleg samarbeid og ei sterk fagleg utvikling. Eininga i Ålesund har modalitetar innan generell røntgen, intervensjon, DXA, CT, MR, SPECT/CT, PET/CT og UL, samt mammografi og nukleær medisin. 

Avdelinga har nyleg gjennomgått ei omorganisering og vil frå 02.04.2026 bestå av fem seksjonar. I samband med dette har vi to ledige stillingar i Ålesund:

• Seksjonsleiar for nukleær medisin og støttefunksjonar – 100 % vikariat i 6 månader
• Seksjonsleiar for MR, Intervensjon og Brystdiagnostisk – 100 % fast stilling
  

Vi har dyktige medarbeidarar med høg fagleg kompetanse og eit sterkt engasjement for faget, pasientsikkerheit og kvalitet. Vi tilbyr eit inkluderande arbeidsmiljø der samarbeid, innovasjon og fagleg utvikling står i sentrum. Dette er staden for deg som ønsker å kombinere leiing, fagleg utvikling og innovative løysingar i radiologiens spennande verd. Som leiar hos oss vil du få moglegheit til å påverke avdelinga si utvikling, drive faglege og organisatoriske forbetringar, samt samarbeide med eit kompetent team av fagpersonar og teknikarar.

Vi søker deg som er tydeleg, motivert og fagleg engasjert med interesse for å utvikle avdelinga vidare. 

Arbeidsoppgåver

• Personal og ressursstyring (PRS)
• Rekruttering
• Sikre fagleg forsvarleg drift i tråd med lover, forskrifter og interne rutinar
• Oppfølging av kvalitetssystem, avvik og dokumentasjon
• Budsjett, økonomi, MTU oppfølging 
• Bidra til strategisk utvikling, forbetringsarbeid og kompetanseplanlegging
• Delta i leiarmøte og støtte avdelinga sine mål og prioriteringar
• Seksjonsleiar for nukleær medisin og støttefunksjonar vil få ansvar for studiar i avdelingen
• Seksjonsleiar for MR, Intervensjon og brystdiagnostisk vil koordinere legedrift med turnus, vaktplanar og fakturahandtering

Kvalifikasjonar

• Norsk autorisasjon som radiograf
  
• Minimum 5 år klinisk erfaring i fagfeltet kan erstatte utdanningskravet
• God kjennskap til drift og fagfelt er ein fordel
• Ønskeleg med leiarerfaring og/eller leiarutdanning
• Erfaring med kvalitetsarbeid, HMS og forbetringsprosessar
• God digital kompetanse og erfaring med administrative system
• God skriftleg og munnleg framstillingsevne på norsk
  

Personlege eigenskapar

• Tydeleg, trygg, profesjonell og beslutningsdyktig leiar
• Strukturert med gode planleggings- og gjennomføringsevner
• Ansvarsbevisst, samarbeidsorientert og løysingsfokusert
• Motiverande og tillitsskapande i leiarrolla
• Fleksibel, endringsvillig og utviklingsorientert

Personleg eignaheit vil bli vektlagd ved tilsetting.

Vi tilbyr

• Sterkt tverrfagleg samarbeid
• God leiarrstøtte
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

 

Vi ber om at attestar og vitnemål vert scanna og lasta opp som vedlegg til din søknad.
 
Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyar og fjell som ventar på å få begeistre deg. Les meir her!

Kontaktinformasjon

Gulay Kar, Avdelingssjef, gulay.kar@helse-mr.no

Arbeidsstad

Åsehaugen 5
6017 Ålesund

Nøkkelinformasjon:

Arbeidsgivar: Helse Møre og Romsdal HF

Referansenr.: 5057868371
Stillingsprosent: 100%
Fast, Vikariat
Startdato: 02.04.2026
Sluttdato: 30.11.2026
Søknadsfrist: 22.03.2026