Seniorkonsulent - Avsnitt for passutstedelse, Vest politidistrikt

Om stillinga

I Vest politidistrikt,  for tida ved Felles eining for utlending og forvaltning, seksjon for forvaltning er det ei ledig stilling i 100%   som seniorkonsulent  SKO 1363.  Bergen Vest politistasjon i Krokatjønnveien er oppmøte- og arbeidsstad. 

Me søkjer deg som er strukturert og sjølvstendig og som ønskjer å bidra i eit viktig samfunnsoppdrag. Du vil få ei sentral rolle i forvaltningsarbeidet knytt til pass og ID, med stor grad av ansvar og fagleg sjølvstende.

Me er på jobb for eit trygt Noreg. Som ein del av Politiets viktige samfunnsoppdrag, skal me førebyggja og få bukt med kriminalitet, skapa tryggleik og vareta rettstryggleiken. Me trur at mangfald bidreg til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil me gjera vårt beste for å gi deg det du treng.

Dette ser vi etter hos ein ny medarbeidar

Vi søkjer motiverte og engasjerte medarbeidarar som ønskjer å bidra til førebyggjande arbeid i eit tett og travelt arbeidsmiljø. Du har god skriftleg og munnleg framstillingsevne, og trivst med ansvar og klare forventningar.

Det blir stilt høge krav til fagleg forståing, motivasjon, arbeidsmoral og etisk integritet. Stillinga eignar seg for deg som har god forståing for regelverk, og som evnar å gjere sjølvstendige og kvalifiserte vurderingar innanfor gjeldande rammer. Du må vere komfortabel med å ta avgjerder utan kontinuerleg oppfølging, og evna til å jobbe strukturert, målretta og med god gjennomføringsevne vil bli særleg vektlagd. 

Vi ser etter ein medarbeidar som til ei kvar tid opptrer profesjonelt, og som gjennom haldningar, framtoning og handlingar er ein god ambassadør for politiet i det daglege arbeidet. Desse eigenskapane vil bli tillagde vekt i den samla vurderinga av kandidatane.

Høyrest dette interessant ut? Då kan det vere nettopp deg vi ønskjer velkommen på laget vårt i Fyllingsdalen.

Arbeidsoppgåver

• Sjølvstendig saksbehandling av søknader om tillatelser gitt av Politiet 
• Sjølvstendig saksbehandling av pass- og id-kortsaker opp mot aktuelle lov- og regelverk
• Saksbehandlar i kontrollinje, under dette ta i mot og registrera søknad om norske pass/ID-kort, kontrollera identitet og sikra korrekt opptak av biometriske data
• Delta aktivt i utvikling av drifta og arbeidsprosessane i eininga ved behov
• Bidra til lik forvaltningspraksis i heile distriktet med fokus på førebygging gjennom forvaltning
• Andre forvaltingsoppgåver knytt til publikumsmottak
• Andre oppgåver delegert av leiar

Kvalifikasjonar

Dette må du ha for å vera kvalifisert:

• 3-årig utdanning på høgskule eller universitetsnivå 
• Erfaring frå anna relevant arbeid
• Relevant arbeidserfaring blir vektlagd og kan i særkilde høve kompensere for kravet til utdanning
• Evne til å ta i bruk digitale løysingar for effektivt å løysa arbeidsoppgåvene
• God munnleg og skriftleg framføring på norsk og engelsk

Du må ha plettfri vandel og vera skikka for teneste i politiet. Politiattest (uttømmande og utvida) må hentast inn ved eventuell tilsetjing, jf. politiloven § 18 og politiregisterloven § 41. Ved å søkje på stilling i politiet samtykkjer ein til at det vil bli gjort ei skikkaheitsvurdering, herunder søk i registre, i forkant av eventuelt intervju.

Personlege eigenskapar

• Løysingsorientert og sjølvstendig
• Takle stressande situasjonar
• God til å bevara  roa og yta god service, sjølv i utfordrande kundeinteraksjonar
• Serviceinnstilt og ansvarsfull 
• Positiv, samarbeidsvillig og fleksibel
• Like å arbeida i eit tett og travelt miljø

Som medarbeidar i politiet har du høgt etisk medvit, du blir kjenneteikna av å vera modig og heilskapsorientert, du viser respekt og er tett på. Du kan lesa meir om dei etiske retningslinjena våre og medarbeidarplattforma her.

Dette kan vi tilby om du velger oss

• Stillinga blir lønt som seniorkonsulent  (stillingskode 1363) med årslønn frå kr. 620.000. Vidare lønnsutvikling vil skje i henhold til hovudtariffavtalane i staten. 
• Medlemskap i Statens pensjonskasse, med mellom anna gode pensjons- og forsikringsordningar. Les meir her
• Gode arbeidsvilkår, du må pårekne éin til to ettermiddagsvakter i veka

Mangfold i politiet

Dersom du har funksjonsnedsetjing, innvandrarbakgrunn eller hol i CV-en, er det høve for å kryssa av for dette i søknaden. Er du kvalifisert for stillinga, vil du bli vurdert for positiv særbehandling. 
Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukte til å utarbeida anonymisert statistikk som alle statlege verksemder rapporterer i årsrapportane sine.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å skriva eit kort søknadsbrev, registrera utfyllande CV og leggja ved relevante vitnemål og attestar.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.