Ambulerende maskinsjef Sunnmøre

Ei stilling for deg som ønsker ein variert og fagleg utfordrande kvardag

I denne rolla vil du vere utsjekka på både hovudfartøy og reservefartøy, og du vil tenestegjere på ulike samband på Sunnmøre og i Romsdalen etter behov. Arbeidskvardagen blir variert, med ulike fartøy, ruter og utfordringar, noko som krev at du er erfaren, dyktig og trygg i rolla som maskinsjef. Du må kunne tilpasse deg endringar og nye situasjonar, og ha evna til å ta raske og gode avgjerder når det trengst.

Du får fast turnus og grunnlønn, med ei ordning på to veker arbeid og to veker fri, noko som gir god balanse mellom jobb og fritid. Vi tilbyr gode arbeidsvilkår med 84-timars arbeidsveke. 

For å kunne utføre stillinga må du disponere eigen bil, då du vil ha teneste på ulike samband i regionen. Du vil få ein fast avløysingsavtale der arbeidsgjevar dekker reiseavstand som overstig 15 km mellom arbeidsstad og bustad.

Stillinga er engasjement i 1 år med mulighet for fast tilsetting. Oppstart august/september.

Søkar må bu lokalt.

Arbeidsoppgåver

Teknisk leiar om bord har ansvar for at skipet sitt tekniske utstyr og system fungerer i samsvar med krav frå klasseselskap og styresmakter. Du vil ha ei sentral rolle i vedlikehald etter AMOS-systemet, og bidra til at tryggleikstyringssystemet følgjer ISM-koden.

Du skal bidra til energieffektiv og trygg drift av fartøyet gjennom målretta oppfølging av SEEMP-tiltak, energileiing og optimal bruk av teknisk utstyr i samsvar med ISO 50001.

Arbeidet omfattar opplæring, teknisk vedlikehald og dokumentasjon, forbrukskontroll, reinhald og brannførebygging, og blir utført i tråd med gjeldande stillingsinstruks.

Kvalifikasjonar

• Minimum M3-sertifikat.
• FSE e- læringskurs
• Sikkerheitskurs i høve til kvalifikasjonsføreskrifta.
• Krise- og passasjerhandtering.
• Gyldig helseerklæring.
• Skandinaviske språkkunnskaper muntlig og skriftlig

Rederiet dekkjer kurs i krise- og passasjerhandtering for den som er aktuell for stillinga.

Personlege eigenskapar

Vi ser etter ein erfaren og dyktig maskinist som er ansvarsbevisst, fleksibel og tilpassingsdyktig. Du må ha gode samarbeidsevner, høgt fokus på tryggleik og kvalitet, og trivast med ein variert arbeidskvardag der endringar kan oppstå.

Vi tilbyr

• Konkurransedyktig lønn etter avtale mellom NHO Sjøfart og Det Norskse Maskinistforbund.
• Tilsetting i eit solid og anerkjent selskap.
• Eit godt arbeidsmiljø med dyktige kollegaer.
• Attraktive velferdsordningar: firmahytter, leiligheiter og gode rabattordningar.
• Skiftordning: 84t avtale, 2 veke på og 2 veker av.
  

Kontaktinformasjon

Sigrunn Hellebust, Rekrutteringsmedarbeider, +47 47330488, sigrunn.hellebust@fjord1.no

Arbeidsstad

Riksveg 61
6060 Hareid

Nøkkelinformasjon:

Arbeidsgivar: Fjord1 AS

Referansenr.: 5128089340
Stillingsprosent: 100%
Engasjement
Søknadsfrist: 26.05.2026