Brannkonstablar - deltid

Kort om stillinga

Osterøy kommune samarbeidar tett med Bergen brannvesen om drift av lokalt brannvern. Personalet er operativt underlagt brannsjefen i Bergen, men er tilsett i Osterøy kommune. Alle våre brann- og redningsmannskap er tilsett på deltid (1,06% stilling), og forplikta til å bæra radio for utkalling til brann- og redningsoppdrag, ta del ved øvingar og naudsynt opplæring.

Osterøy brann-redning skal, i hht. dagens brannordning, ha om lag 30 brannkonstablar fordelt på Osterøy stasjon (Oddalsmyra), Fotlandsvåg stasjon og Bruvik depot.

Me søkjer no etter fleire brannkonstablar ved Osterøy brannstasjon og ved Fotlandsvåg brannstasjon.

Me søkjer

Personar som:

• har anledning til å bære radio på fritida si og som kan rykke ut døgnet rundt
• har kort frammøtetid til stasjonen både frå bustad og frå arbeidsplass
• har førarkort klasse B, og disponerer eigen bil
• fortrinnsvis førarkort klasse C
• består helse- og fysisk test, og tar del i dei kurs som vert krevd
• har god samarbeidsevne
• behersker norsk skriftleg og muntleg godt

Er du interessert?

Deltidstilling som brannkonstabel inneber å møte på stasjonen ved alarm. Ved Osterøy brannstasjon inngår ein i vaktordning i helger, høgtider og i feriar for å sikre minimumsbemanning i heile kommunen.

Dine personlege eigenskapar og haldningar vil vere svært viktige, og vi er på jakt etter deg som har lyst til å bidra til å skape ein tryggare og betre kvardag for innbyggjarane i kommunen vår.

Aktuelle søkjarar vert kalla inn til intervju.

Deltaking i Osterøy brann-redning må vere avklart med hovudarbeidsgjevar og før evt. tilsetting må politiattest leggast fram.

Me tilbyr

• Gode pensjons- og forsikringsvilkår
• Det vert utbetalt kompensasjon gjennom året for å bære radio. I tillegg vert det betalt for deltaking på øvingar, utrykningar og evt. vaktordning
• Bedriftshelsetjenesteordning
• Opplæring og kurs etter godkjent opplæringsplan for brannvesenet
• Godt miljø med engasjerte, dedikerte og flinke kollegaer som gjer sitt ytterste for å utføre dei oppgåvene dei møter på best mogeleg måte