Tilkallingsvikarar - reinhald

Bemanningssenteret søker tilkallingsvikarar til oppdrag i Hospitaldrift Reinhald. Aktuelle kandidatar vil bli tilsett via Bemanningssenteret, men vil gå vakter ved Hospitaldrift Reinhald.

Hospitaldrift er ei av avdelingane i Drift/teknisk Divisjon i Helse Bergen HF, og leverer ikkje-medisinske tenester og produkt til føretaket. Hospitaldrift har 8 einingar og ca. 750 medarbeidarar. Hospitaldrift Reinhald er ei av einingane.

Hospitaldrift Reinhald har som oppgåve å utføre dei reinhaldsoppgåvene som Haukeland universitetssjukehus har behov for. Eininga er delt i åtte seksjonar og har ca. 350 tilsette. Hovudoppgåvene er regelmessig reinhald, hovudreingjering, smittevask og vask/reiing av senger.

I reinhaldsseksjonane våre vil du få jobbe med eit spesielt reinhald, kor hygiene er viktig. Du får spesialopplæring innan sjukehusreinhald og blir ei viktig brikke for å skape trivsel og tryggleik for våre pasientar og tilsette.

Tilkallingsvikarane våre vil kunne få opplæring i fleire einingar og være ein viktig ressurs i sjukehuset si daglege drift. Vi søker deg som likar variasjon i oppgåvene, og samtidig er god til å følgje gjeldande rutiner for god kvalitet i arbeidet. 

Hovudarbeidstida er 07-15, men vi har også mange vakter på ettermiddag/kveld med variabel start- og slutt tid.

Arbeidsoppgåver

• Arbeidoppgåver vil hovudsakleg vere utføring av regelmessig reinhald, smittevask samt andre reinhaldsoppgåver
• Vi treng vikarar både til dagvakter og seinvakter, kvardagar og helg

Kvalifikasjonar

• Vi søker etter personar med interesse for og gjerne erfaring frå reinhaldsfaget, til dømes gjennom arbeid ved helseinstitusjon, i hotell- og sørvisnæringa eller frå kurs- og konferansedrift
• Det vil bli stilt krav til gode norskkunnskapar
• Det er ikkje krav til fagbrev, men søkarar med dette er og av interesse
• Full opplæring vil bli gitt i forhold til arbeidsoppgåvene

Personlege eigenskapar

• Sørvisinnstilt, fleksibel og kvalitetsbevisst
• Gode samarbeidsevner
• Kunne jobbe både i team og sjølvstendig
• Ansvarsbevisst, strukturert og punktleg
• Kunne utføre og trivast med eit arbeid som til tider kan vere fysisk krevjande

Vi tilbyr

• Løn i samsvar med gjeldande overreinskomst
• Kurs- og utviklingsmoglegheiter
• Bedriftsidrettslag
• Gode pensjons- og forsikringsordningar
• Ein veldriven organisasjon med eit godt arbeidsmiljø
• Ein arbeidsplass som er ei inkluderande arbeidsliv-bedrift (IA-bedrift)

 

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Cathrine Fauske Haferkamp, Seksjonsleiar, cathrine.fauske-haferkamp@helse-bergen.no

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5038441784
Stillingsprosent: 0%
Anna
Søknadsfrist: 20.11.2025