100% vikariat som personleg assistent (BPA) i Tyssedal

Er du på utkikk etter ein meiningsfull fulltidsjobb frå midten av sommaren? Vi søkjer ein trygg og aktiv person til eit 4-månaders vikariat i 100 % stilling!

Vi søkjer ein engasjert assistent for ein blid, nysgjerrig og aktiv 17-åring i Tyssedal. Han har behov for tett oppfølging og støtte i kvardagen, og du vil bli ein sentral del av hans kvardag både i heimen og ute på aktivitetar.

Om stillinga

• Stillingsstorleik: 100 %.

• Varigheit: 4 månader i første omgang, med gode moglegheiter for forlenging.

• Oppstart: Midten av sommaren (juli/august etter avtale).

• Arbeidstid: Turnus med langvakter i hovudsak på natt, inkludert helgearbeid hver tredje helg. 

Som personleg assistent er du med på å leggje til rette for eit aktivt og sosialt liv. 17-åringen elskar fysisk aktivitet og gode opplevingar, og dine oppgåver vil vere:

• Aktivitet: Delta på symjing, sykling, turar og treningssenter.

• Sosialt: Følgje til kino, fritidsaktivitetar og sosiale hendingar.

• Meistring og struktur: Bidra til tryggleik og gode rutinar i kvardagen.

• Samarbeid: Jobbe tett med familien og det øvrige teamet for å sikre best mogleg oppfølging.

Vi ser etter deg som er i god fysisk form og som trivst med å jobbe med ungdom. Du treng ikkje helsefagleg utdanning, då personleg eignaheit og kjemi veg tyngst. Opplæring blir gitt av mor, som er arbeidsleiar.

Vi søkjer deg som:

• Er trygg, stabil og pliktoppfyllande 

• Har godt humør og er løysingsorientert.

• Ønskelig med førarkort klasse B. 

• Snakkar godt norsk

• Kan handtere ein variert kvardag og halde deg roleg i ulike situasjonar.

• Ein stabil 100 % stilling i ein meiningsfull jobb.

• Moglegheit for lengre arbeidsforhold for den rette personen.

• Ein aktiv arbeidskvardag fylt med varierte oppgåver og opplevingar.

• Eit trygt og inkluderande arbeidsmiljø

• Arbeidsstad: Tyssedal.

• Politiattest: Krav om gyldig politiattest før tilsetjing.

Vi vurderer søknader fortløpande og ønskjer å ha på plass rett person i god tid før oppstart i sommar.

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/