Politioverbetjent/politiførstebetjent med funksjon som informantveileder

Om stillinga

I Vest politidistrikt, for tida ved Felles eining for etterforsking og etterretning, Seksjon for etterretning, avsnitt for strategisk etterretning, er det ledig fast stilling som politioverbetjent eller politiførstebetjent med funksjon som informantveileder. 

Etterretningsseksjonen har det overordna fagansvaret for etablering og drift av etterretningsfunksjonane i Vest politidistrikt. Seksjonen har også eit sjølvstendig ansvar for produksjon av etterretning, samt koordinering og kvalitetssikring av all etterretningsproduksjon i distriktet. Etterretningsfunksjonen i Vest politidistrikt produserer beslutningsstøtte til strategisk, operasjonelt og taktisk nivå, og medverkar til at politiet jobbar kunnskapsstyrt, målretta og effektivt. Dette gir grunnlag for betre prioritering av politiet sin innsats og disponering av ressursar. Etterretningsseksjonens arbeid medverkar til auka kunnskap og forståing for kriminalitetsutfordringane i Vest politidistrikt. 

Seksjon for etterretning består av to avsnitt - avsnitt for strategisk etterretning og avsnitt for operativ saksanalyse. Det overordna ansvaret for politidistriktet si informantverksemd ligg per i dag på avsnitt for strategisk etterretning. Stillinga er plassert i Bergen. 

Etterretningsseksjonen sine informantveiledere har saman med blant anna informanthovedveileder og innhentingsleiar ei sentral rolle i distriktet si etterretningsproduksjon. Etterretningsfaget er i sterk utvikling, både nasjonalt og lokalt. Avsnittet har starta eit utviklingsarbeid lokalt i Vest politidistrikt, for å etablere kapasitet innan skjult tilstedeværelse på nett og basis UC. Vår nye informantveileder vil få eit medansvar i dette utviklingsarbeidet, samt oppgåver knytta til å både etablere og drifte desse metodane. 

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidreg til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Vi ser etter motiverte personar som er interesserte i fagfeltet, og som ønskjer å vidareutvikle seg på avsnittet over tid. Arbeid med kjelder og informantar krev eit stort spekter av kvalifikasjonar, kunnskap og ferdigheiter.

Personleg egnaheit, motivasjon, etisk og moralsk integritet, samt gode samarbeidsevner vil bli særleg vektlagt. Stillinga som informantveileder krev også stor grad av kontroll, nøyaktigheit og notoritet.

I tillegg legg vi vekt på at du passar inn i fagmiljøet si samansetting og portefølje, og bidreg til eit inkluderande og respektfullt arbeidsmiljø.

Du må kunne arbeide analytisk, effektivt og sjølvstendig, og samtidig ha gode samarbeidsevner og like å jobbe i team på tvers av politiorganisasjonen. Du må vere villig til å delta på studier, kurs og seminar som er relevante for funksjonen, noko som kan kreve reiser utanfor Bergen.

Arbeidsoppgåver

• Ansvar for at kilde- og informantverksemda vert gjort etter gjeldande sentrale og lokale instruksar, herunder kvalitetssikring av informasjonsinnhentinga, samt fortløpande involvering av eigen leiing om bruken av metoden når sentral og lokal instruks krev dette
• Bidra til oppfølging av avvik og brot på sentrale og lokale instruksar
• Ansvarleg saman med hovedveileder for i tilstrekkeleg grad å involvere påtale og etterretningsjurist i behandlinga av kjelde og informant, herunder ved å gi tilgang til og formidle naudsynt informasjon om verksemda
• Ansvarleg saman med hovedveileder for tilstrekkeleg involvering av påtale når kjelde og informantopplysningar blir innhenta som eit ledd i ei pågåande etterforskning
• Saman med innhentingsleiar følge opp innhenting gjennom informantbehandling og løpande evaluere om etterretnings- og informasjonsbehova vert svart ut i tråd med gjeldande informasjonsbehov i etterretningsprosessen
• Ansvar saman med hovedveileder for samhandling, nettverksbygging, kompetanseoverføring og fagutvikling i Vest politidistrikt
• Drive eigen innhenting gjennom avansert informantbehandling
• Pårekne fagleg medansvar for utvikling og utøving av metodar innan skjult tilstedeværelse på nett, samt basis UC i politidistriktet
• Andre oppgåver pålagt av overordna

Kvalifikasjonar

For stilling som politioverbetjent:

• Tilfredsstille kompetansekravet for pb3 og ha arbeida innan informantbehandling i minimum 5 år. Ved anna relevant bachelor- eller mastergrad kan heile eller deler av kravet fråvikast
• Tilfredsstille kravet om gjennomført utdanning innan informantveiledning eller forplikte seg til å gjennomføre denne
• Tilfredsstille kravet om gjennomført utdanning innan avansert informantbehandling ved Politihøgskolen

For stilling som politiførstebetjent:

• Tilfredstille kompetansekravet for pb3 og ha arbeida innan informantbehandling i minimum 3 år. Ved anna relevant bachelor- eller mastergrad kan heile eller deler av kravet fråvikast
• Må ha gjennomført grunnkurs innan informantbehandling og forplikte seg til å gjennomføre vidareutdanning innan avansert informantbehandling og veiledning ved politihøgskolen

For begge stillingar:

• Vitnemål frå Politiskolen/Politihøgskulen. 
• Må kunne sikkerhetsklarerast for HEMMELEG
• God skriftleg og munnleg framstillingsevne
• Godkjent IP4 og utrykningskøyring, eventuelt kvalifisert og villig til å oppnå godkjenning innan eitt år
• Du må ha plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetjing, jf. politiloven § 18 og politiregisterloven § 41. Ved å søkje på stilling i politiet samtykkjer ein til at det vil bli gjort ei skikkaheitsvurdering, herunder søk i registre, i forkant av eventuelt intervju

Det er også ønskjeleg med:

• Gjennomført utdanning innan avansert informantbehandling og rettleiing
• Relevant erfaring frå etterforsking og samarbeid med påtale
• God kjennskap til etterretningsarbeid og vurdering av føremålet med innhenting gjennom kjelde og informant
• God kjennskap til dei skjulte etterforskingsmetodane til politiet
• Ønskjeleg med kompetanse innan skjult tilstedeværelse på nett, og/eller Basis UC, eller eventuelt vere villig til å gjennomføre kurs/utdanning for å få denne kompetansen

Personlege eigenskapar

• Høg etisk og moralsk integritet
• Engasjert, motivert og utviklingsorientert – med vilje til å stå i endring over tid
• Evne til å byggje relasjonar og vere ein god rettleiar og pedagog i høve til kollegaer og eksterne samarbeidspartar
• Strukturert, profesjonell og kunne vise til stor grad av notoritet, kontroll og nøyaktigheit
• Sjølvstendig, løysingsorientert og med pågangsmot innanfor gjeldande rammer og føringar
• Svært gode samarbeids- og kommunikasjonsevner
• Audmjuk og evne til refleksjon over eigen praksis

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Dette kan vi tilby om du vel oss

• Stillinga vert lønna som politioverbetjent med funksjon som spesialist stillingskode 0287 frå kr 790.000,- brutto per år eller som politiførstebetjent stillingskode 0285 med funksjon som spesialmedarbeidar med årslønn frå kr 720.000,- brutto per år. Vidare lønnsutvikling vil skje i henhold til hovudtariffavtalane i staten. 
• Medlemskap i Statens pensjonskasse, med mellom anna gode pensjons- og forsikringsordningar. Les meir på www.spk.no 
• Gode arbeidsvilkår (dagtid, turnus, fleksibel arbeidstid, trening i arbeidstida, o.l)

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.