Fast stilling som reinhaldar

Det er ledig fast stilling i 80 % som reinhaldar/vaktmeisterassistent ved Suldal bad og idrett frå snarast. 

Om stillinga 

Suldal bad og idrett omfattar Suldal bad, idrettshallane og utandørsanlegget på Eide. 
I denne stillinga vil du ha hovudansvar for reinhald av bygg, fasilitetar og bassengområdet, men òg bidra med dagleg drift, enkle vedlikehaldsoppgåver og praktisk tilrettelegging i anlegga. 

Arbeidet er organisert i team og du blir ein del av eit positivt og engasjert miljø med fokus på samarbeid, trivsel og god service. Det kan vere turnusarbeid med kvelds- og helgevakter ved behov og arbeidstida kan variere noko i samband med ferieopningstider og sesongaktivitetar. 

Arbeidsoppgåver 

• Dagleg og periodisk reinhald av anlegga 
• Enkle vaktmeister- og tilsynsoppgåver (t.d. skifte av lyspærer, små reparasjonar, orden og oppfølging av teknisk utstyr) 
• Bidra til at anlegga framstår trygge, reint og triveleg for gjestene 
• Oppfølging av reinhaldsrutinar, HMS og avvikssystem 
• Delta ved arrangement og praktisk tilrettelegging 

Kvalifikasjonar – kven er du? 

Krav til utdanning: fagbrev som reinhaldsoperatør, lang erfaring kan kompensere for manglande utdanning. Stillingskode: 6986 reinhaldsoperatør eller 7210 reinhaldar, avhengig av utdanning. 

Me ser etter ein person som: 

• Har erfaring frå reinhald, drift, vaktmeisterarbeid eller liknande 
• Er praktisk anlagt og i god fysisk form – det er tidvis tunge tak og varmt klima 
• Kan bestå livredningsprøve (opplæring og test blir gitt etter tilsetjing) 
• Er fleksibel, løysingsorientert og trivst med varierte oppgåver 
• Har god samarbeidsevne og serviceinnstilling – me er gode saman og har fokus på gjestene våre 
• Har førarkort klasse B (eller er i ferd med å ta det) 
• Meistrar norsk godt, både munnleg og skriftleg 

Me tilbyr 

• Eit aktivt og triveleg arbeidsmiljø 
• Varierte og meiningsfulle arbeidsdagar 
• Opplæring og utviklingsmoglegheiter 
• Moderne anlegg og gode fasilitetar