Er du engasjert i barn, leik og utvikling? Ønsker du å vera ein viktig vaksen i kvardagen til barna? Då vil vi gjerne høyre frå deg!

Ål kommune har 5 kommunale barnehagar, med storleik frå 2 til 6 avdelingar. Her jobbar styrarar, barnehagelærarar, fagarbeidarar og assistentar tett saman for å skape trygge og gode barnehagemiljø.

No søkjer vi ein engasjert barnehagelærar i 100 % vikariat som pedagogisk leiar p.t. i Sando barnehage, i perioden 01.12.2026–30.11.2027, med moglegheit for forlenging.

Sando barnehage er ein to-avdelings barnehage som ligg ca fem kilometer frå Ål sentrum. Barnehagen legg vekt på å skape gode kvardagar for barna der tryggheit, fellesskap, omsorg og det å bry seg om kvarandre står sentralt. Vi vil vera tydelege og nærverande vaksne for barna, og gje dei trygge rammer – KVAR DAG.

Som pedagogisk leiar hos oss er du ein aktiv del av det pedagogiske arbeidet i kvardagen;

• Deltek i planlegging, gjennomføring og vurdering av pedagogisk arbeid.
• Bidreg til ein trygg, leikande og lærande kvardag for barna.
• Er ein nær og tilgjengeleg vaksen som ser kvart enkelt barn.
• Samarbeider tett med kollegaer, føresette og leiing.
• Er med på å utvikle eit inkluderande og fagleg sterkt miljø i barnehagen.

Hos oss er leiken sentral. Vi trur på den leikande vaksne og verdset fantasien, nysgjerrigheita og undringa til barna.

• Utdanning som barnehagelærar, eller anna relevant utdanning med godkjent pedagogisk kompetanse.
• Kjennskap til barnehagelova og rammeplanen.
• Gode norskkunnskapar, både munnleg og skriftleg.

Ål kommune nyttar nynorsk som målform.

Vi legg stor vekt på kven du er som person. Vi ønskjer deg som:

• Brenn for barnas beste og barnehagefaget.
• Er ein trygg og omsorgsfull vaksen med gode relasjonelle evner.
• Er leiken, kreativ og til stades i møte med barna.
• Samarbeider godt og bidreg positivt i personalgruppa.
• Har humor og rausheit i ein travel kvardag.

Hos oss får du ikkje berre ein jobb; du blir ein del av eit fagleg fellesskap;

• Eit inkluderande og utviklande arbeidsmiljø.
• Fadderordning for ein god start.
• Fokus på fagleg utvikling og kompetanseheving.
• Ressursar innan språk, tidleg innsats og pedagogisk arbeid.
• Ein kvardag prega av psykologisk tryggleik og arbeidsglede.
• Kollegaer som heiar på kvarandre – og har det kjekt saman.

• Lønn og arbeidsvilkår etter Hovudtariffavtala.
• God pensjonsordning i KLP.
• Moglegheit for kurs og vidareutdanning.

• Vitnemål og attestar legg du inn saman med søknaden.
• Dei som blir tilsette må legge fram politiattest som ikkje er eldre enn tre månader.
• Kommunen følgjer offentleglova § 25 ved eventuell offentleggjering av søkjarlista.

Link til søknadsskjema: Søk her