Seksjonsleiar

Om stillinga

Er du vår nye leiar for seksjon for etterretning, førebygging og etterforsking ved Molde politistasjon?

Vi søkjer ein dedikert og resultatorientert leiar som vil ha personal-, mål- og resultatansvar for seksjonen. Vi ser etter deg med gode relasjonelle eigenskapar og sterk motivasjon for å utvikle fagområda etterforsking, førebygging og etterretning i samhandling med andre. 

Seksjonen er delt inn i avsnitt for etterforsking og avsnitt for etterretning og førebygging, til saman 16 motiverte, dyktige og engasjerte medarbeidarar som bidreg til høg aktivitet og eit godt arbeidsmiljø. Seksjonsleiar har personalansvar for 11 etterforskarar, medan avsnitt for etterretning og førebygging har eigen avsnittsleiar. Som seksjonsleiar vil du også inngå i leiargruppa ved Molde politistasjon. Derfor treng vi deg med god heilskapsforståing og gode samarbeidsevner knytt til politiet sitt samfunnsoppdrag. 

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Vi oppmodar særskilt kvinner om å søkje på politileiarstillingar.

Dette ser vi etter hos ein ny leiar

Vi søkjer deg med kompetanse innan leiing og etterforsking, og som blir motivert av moglegheita til å vidareutvikle norsk politi til eit kompetent og effektivt nærpoliti i tråd med samfunnsutviklinga. Du må kunne delta i arbeidet med etterforsking av saker og leie etterforskingar.

Som leiar i politiet skal du oppnå gode resultat på alle område, i dagleg drift og ved kriser. Vi ser etter deg som set retning, skapar framdrift og oppslutning om mål, og som gjennomfører nødvendige endringar. Du skapar resultat i samhandling med andre, har god gjennomføringskraft og sørgjer for høg kvalitet. Du er medarbeidarorientert og har evne til å motivere, støtte og utvikle medarbeidarane dine.

Arbeidsoppgåver

• dagleg leiing av seksjonen med personal- og resultatansvar 
• organisere og leie etterforskinga i driftseininga i tett samhandling med funksjonelle driftseiningar og andre tenesteeiningar
• etterforskingsleiing og ansvar for etterforsking av saker
• ansvar for effektiv ressursutnytting, måloppnåing og høg kvalitet i leveransane til seksjonen
• setje retning og skape resultat og felles måloppnåing i samhandling med andre
• utvikle godt medarbeidarskap, ønskt kultur og god medarbeidartilfredsheit ved seksjonen
• sikre heilskapleg styring i eininga i tråd med gjeldande lover, regler og retningslinjer, og overordna avgjerder og prioriteringar
• sikre eit helsefremjande arbeidsmiljø gjennom dialog og samarbeid (HMS og internkontroll)
• delta i SLT-samarbeidet med kommunene
• rettleiing av studentar/medarbeidarar og opplæring/kompetansehevande tiltak ved eininga
• kan påleggjast andre arbeidsoppgåver

Kvalifikasjonar

Dette må du ha for å vere kvalifisert:

• bestått grunnutdanning frå Politi(høg)skule, juridisk embetseksamen eller mastergrad i rettsvitenskap
• solid kompetanse innan straffesaksbehandling og etterforskingsleiing
• relevant leiarerfaring og/eller leiarutdanning
• god resultatoppnåing i tidlegare stillingar
• kunnskap om HMS-arbeid, eller at slik kompetanse opparbeidast innan avtalt tid etter tilsetjing
• plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jamfør politiloven § 18 og politiregisterloven § 41. Ved søknad på stillinga må ein rekne med at det blir henta inn opplysningar frå enkelte av politiet sine register og system til bruk i vandels- og skikkaheitsvurderinga

Det er også ønskjeleg med

• vidareutdanning innan etterforsking og etterforskingsleiing
• kunnskap om offentleg forvaltning
• erfaring med leiing av endrings- og utviklingsprosessar

Personlege eigenskapar

• mål- og resultatorientert med god gjennomføringskraft
• evne til å setje retning, drive endring og skape resultat i samhandling med andre
• god evne til kommunikasjon, teambygging og relasjonsbygging internt og eksternt
• medarbeiderorientert med god evne til å motivere, støtte og utvikle andre
• samfunnsorientert og har forståing for eininga si rolle i politiet sitt samfunnsoppdrag
• god rollemodell som leiar og for politiet si medarbeidarplattform gjennom eigen åtferd

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Personlege eigenskapar vert særleg vektlagt i leiarstillingar.

Dette kan vi tilby om du vel oss

• ei utfordrande og utviklande leiarstilling for deg som vil vere med og forme politiet for framtida
• fast stilling som seksjonsleiar, stillingskode 0326 med funksjonstittel politiavdelingsleiar, med lønn frå kr. 790 000 til kr. 870 000. For særskilt kvalifiserte kan høgare lønnsplassering vurderast
• godtgjersle etter gjeldande ATB, som for tida er kr. 44 708, og tillegg for eventuell turnusteneste
• medlemskap i Statens pensjonskasse, med mellom anna gode pensjons- og forsikringsordningar Les meir på www.spk.no. Det blir trekt to prosent frå løna til innskot i Statens pensjonskasse
• mogelegheit for trening i arbeidstida
• Møre og Romsdal politidistrikt er ei IA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.