ID 1065 Sakshandsamar – 100 % fast stilling - Tenestekontoret

Vil du vere med og forme ei berekraftig helse- og omsorgsteneste i Fitjar kommune?

Fitjar kommune er i utvikling. Auka behov, forventningar frå innbyggjarane og moglegheitene i velferdsteknologi krev at vi jobbar smartare, meir heilskapleg og meir førebyggjande. Me søkjer no ein erfaren og fagleg sterk sakshandsamar som vil vere med å sikre gode prioriteringar og berekraftige tenester innan helse og omsorg.

Tenestekontoret har ansvar for å sikre innbyggjarane forsvarleg og naudsynte helse- og omsorgstenester, og skal jobbe etter prinsippa likebehandling, fagleg kvalitet og god brukardialog.

Dette er ei nøkkelstilling for deg som ønskjer å arbeide meir heilskapleg, med større rom for faglege vurderingar og påverknad. Som sakshandsamar jobbar du i tett samhandling med øvrige helse- og omsorgstenester i kommunen og spesialisthelsetenesta.

Stillinga er organisert i stab helse og omsorg og rapporterer direkte til kommunalsjef.

Ansvar og nøkkeloppgåver

Du vil få ei sentral rolle i utviklinga av heilskaplege tenesteforlaup:

• Kartleggje og vurdere innbyggjarane sine behov og ressursar, med vekt på meistring og sjølvstende.

• Sakshandsame helse- og omsorgstenester i tråd med lovverk og prioriteringar.

• Berekning av eigenbetaling for kommunale helse- og omsorgstenester i og utanfor institusjon.

• Bidra aktivt i drift, utvikling og implementering av velferdsteknologi.

• Tildele bustadar og ha oversikt over kommunen sine utleigebustadar.

• Sakshandsame startlån.

• Styrkje brukarmedverknad og samhandling med pårørande.

Kven ser vi etter?

Me søkjer deg som forstår samanhengen mellom fag, ressursbruk og prioriteringar.

Du:

• Relevant helse- og sosialfagleg høgskuleutdanning med bachelor grad.

• Har erfaring med sakshandsaming og innsikt i aktuelt lovverk

• Evnar å gjere sjølvstendige vurderingar i komplekse saker.

• Målretta, strukturert og ryddig, initiativrik i høve til nye arbeidsmåtar, system og rutinar.

• Evne til fleksibilitet, kreativitet, sjølvstendig arbeid.

• Gode kommunikasjons- og samarbeidsevner, høg relasjonskompetanse, og gode datakunnskapar.

• Førarkort i klasse B.

Det vert lagt vekt på personleg eignaheit.

Kva tilbyr me?

• Ei nøkkelrolle i utviklinga av framtidas helse- og omsorgstenester.

• Eit fagmiljø som er oppteke av kvalitet, utvikling og samarbeid.

• Gode moglegheiter for fagleg utvikling og påverknad.

• Løn etter avtale, og gode pensjons- og forsikringsordningar.

Har du spørsmål kring stillinga ta kontakt med kommunalsjef Anne Økland på telefon nr 90 98 69 71.