Dagleg leiar Moster Amfi - og kyrkjehistoriske senter AS

Moster Amfi - og kyrkjehistoriske senter AS søkjer ein engasjert og samlande dagleg leiar som vil vera med å vidareutvikla senteret som ein nasjonal og regional arena for kultur, historie og opplevingar.

Om stillinga

Som dagleg leiar har du det overordna ansvaret for fagleg, administrativt og økonomisk drift av selskapet. Du får ei sentral rolle i vidareutvikling av verksemda, både strategisk og operativt, og vil arbeida tett med styret, tilsette, samarbeidspartnerar og frivillige.

Stillinga byr på stor variasjon i arbeidsoppgåver og høve til å setje tydeleg preg på utviklinga av ein viktig kultur- og historiestad.

Arbeidsoppgåver

· Overordna ansvar for dagleg drift og økonomistyring

· Strategisk utviklingsarbeid og prosjektleiing

· Planlegging av arrangement og aktivitetar

· Søknadsarbeid, rapportering og dialog med tilskotsgjevarar

· Samarbeid med kommune, kyrkje, kulturliv, reiseliv og frivillige

· Formidling

Ein må rekne med noko kvelds - og helgearbeid i samband med arrangement og anna.

Kvalifikasjonar

· Relevant høgare utdanning og /eller solid leiarerfaring innan fagfeltet eller dokumentert relevant erfaring

· Erfaring med økonomi, budsjett, administrasjon og prosjektleiing

· God kunnskap og forståing av historie, kultursektoren, formidling og reiseliv

· Gode kommunikasjonsevner, munnleg og skriftleg

Personlege eigenskapar

· Engasjert, strukturert og sjølvstendig

· Initiativ og løysingsorientert

· Gode samarbeidsevner og relasjonsbyggar

· Evne til å tenkja heilskapleg og langsiktig

· Gjennomføringskraft og praktisk tilnærming

Me tilbyr

· Ei spennande leiarstilling i eit unikt historisk og kulturelt miljø

· Store moglegheiter til å påverka og utvikla verksemda

· Varierte og meiningsfylte arbeidsdagar

· Løn og vilkår etter avtale

Søknad

For nærare opplysningar om stillinga, ta kontakt med styreleiar Arild Steinsland tlf 915 55 580

Send søknad med CV til post@mosteramfi.no

Søknadsfrist: 1. mars 2026.

Rapporter annonse