I Watermoon er me på eit oppdrag: Å revolusjonere havbruket for framtidige generasjonar. Me trur det er mogleg å metta verdas befolkning med sunn sjømat, utan å belasta havet. Difor har me utvikla ein ny teknologi som gjev oss full kontroll på produksjonen, og null påverknad på det marine miljøet. Ingen rømming. Ingen lus. Ingen avfall.

Om rolla

Som prosjektingeniør i Watermoon vil du ha ei sentral rolle i å setje standarden for framtidas havbruk. Saman med resten av teamet i Watermoon skal du omsetja strategiske satsingar til konkrete teknologiar. Dette skal resultere i lønsame produkt og løysningar, og oppfylling av Eide sine strategiske satsingar. Målet er berekraftig havbruk basert på fornybare ressursar og dei naturgitte forholda i fjord og hav. Rolla som prosjektingeniør i Watermoon er brei og utviklingsorientert. Me søker deg som ønskjer å bruke kompetansen din innan design, engineering eller teknologiutvikling, og som motiverast av å vere med frå idé til ferdig produkt. Avhengig av fagleg bakgrunn og interessefelt vil stillinga kunne tilpassast og utviklast i ulike retningar, med moglegheit for spesialisering eller brei tverrfagleg rolle over tid.

Arbeidsoppgåver inkluderer:

Detaljera og visualisera nye løysingar, konsept og komponentar.
Bidra til produksjonsmessig, biologisk eller teknisk optimalisering og forbetring av design på eksisterande komponentar og funksjonar i Watermoon-eininga
Delta i innovasjon og teknologiutvikling saman med både operasjonelle og tekniske ressursar i bedrifta/prosjektteam, og bistå til at ideane blir skissert og gjort om til konsept
Samarbeide med andre ressursar som utfører FEM-analysar og statiske berekningar for å sørge for at designet oppdaterast iht. beregningsresultantene
Vere rådgjevar og ressursperson i val av materialar, installasjonar, utstyr og verktøy
Identifisera moglegheiter og avgrensingar i konsept og design, og gi konstruktive innspel
Delta i utvikling, testing og vidareutvikling av prototypar og komponentar fram til ferdig produkt
Vere ein støttespelar for disiplinleiar design, disiplinleiar engineering, leiar FoU eller prosjektleiar ved å bidra til å sikra ønska kvalitet, tid og kostnader i prosjekt
Vere ein aktiv sparringpartner for disiplinleiar design, disiplinleiar engineering, leiar FoU eller prosjektleiaren i vegval og evaluering av prosjekt
Bistand til å hente ut illustrasjonar av produkt og komponentar i forbindelse med marknadsføring og søknadsarbeid

Ynskja kvalifikasjonar

Høgare utdanning innan relevant fagfelt, til dømes maskiningeniør, ingeniør innan produktutvikling mekanisk eller industriell designer. Kompetanse eller forståing for produksjonsprosessar innan ein eller fleire av følgande: PE, stål, tekstil og kompositt.

Fordel med kjennskap til programvare som Inventor, Solidwork og lignende.

Personlege eigenskapar

For å lykkast i rolla er det viktig at du:

Handlar på eiget initiativ, får ting til å skje og tar ansvar
Blir motivert og inspirert av å gjere ein forskjell saman med vårt dyktige team
Trivast med ulike typar oppgåver og variasjon i arbeidskvardagen
Samarbeider godt med andre; deler kunnskap, erfaringar og gjer støtte
Gjennomfører planar, og oppnår gode resultat
Er systematisk, planlegg framover og gjer klare prioriteringar
Analyserer problemstillingar effektivt og tar gode faglege vurderingar
Produserer nye og innovative idéar og løysningar

Kvifor bli ein del av Watermoon?

Hos oss vil du arbeide med høgteknologi på sjø, og ditt fagfelt vil vere heilt sentral for verksemdas framtidige suksess. I Eide tør me å satse, både på visjonar og på folk. Fagmiljøet i verksemda er i dag lite, men i sterk vekst. Dette gjer at du vil ha gode mogelegheiter for vekst og utvikling hos oss.

Me har eit motto: Det viktigaste er å ha det gøy. Me har eit veldig godt arbeidsmiljø der du får faglege utfordringar og kjem til å ha det kjekt på jobb. Som tilsett hos oss vil du komme inn i ei verksemd med stor grad av utvikling og innovasjon, og du vil vera med på å skapa ei meir berekraftig framtid.

I Eide har me fokus på mål og gjennomføring, og kan tilby fleksibel arbeidstid i ein fast 100 % stilling. I tillegg har me gode forsikringar og pensjonsordning. Du vil ha tilgang på moderne kontorfasilitetar både i Bergen og ved hovudkontoret i Eidestøa.

Søknadsinformasjon

Me ynskjer deg velkomen til å sende inn søknad, cv, og relevante dokument. Har du spørsmål knytt til stillinga, ta kontakt med: Head of R&D / Design Kristoffer Hermansen / +47 90 53 80 97 / kristoffer.hermansen@efb.no, eller Discipline lead Engineering Maria Danielsen / +47 99 22 76 62 / maria.danielsen@efb.no

Informasjonskapsler på arbeidsplassen.no

Rapporter annonse