Høgskulen på Vestlandet, Fakultet for helse- og sosialvitskap har ledig åremålsstilling som prodekan for forsking

Fakultet for helse- og sosialvitskap søkjer prodekan for forsking i fireårig åremålsstilling frå 01.01.2026. Prodekan for forsking har på vegne av dekan eit strategisk ansvar for at forskinga vår held høg internasjonal kvalitet og skjer i samarbeid med samfunns og arbeidslivet.

Vi ser etter ein samlande og framtidsretta leiar, med sterk motivasjon for å utvikle fruktbare samband mellom forsking, utdanning og nyskaping. Du har ein sterk forskingsprofil, leiarerfaring og solid kunnskap om universitets- og høgskulesektoren.

Forskinga vår blir teken i bruk i utdanningane våre og får gjennomslag i samfunns- og arbeidslivet, også internasjonalt. Prodekan for forsking har på vegne av dekan eit strategisk ansvar for å realisere HVL og fakultetet sin strategi og ambisjon om å bli og vere eit profesjons- og arbeidslivsretta universitet.

Prodekan for forsking sitt samla ansvar skal utøvast i tett samarbeid med institutta og Senter for omsorgsforsking vest. Prodekan har medansvar for heilskaplege vurderingar for å realisere høgskulens og fakultetets strategi, målsetjingar og verdigrunnlag.

Det er for tida ikkje tillagt personalansvar i stillinga, men dette kan bli endra og delegert frå dekan. Prodekan for forsking inngår i fakultetet si leiargruppe, og har mynde delegert frå dekan. Stillinga rapporterer til dekan.

Prodekan for forsking kan ha hovudarbeidsstad i Bergen, Stord, Haugesund, Sogndal eller Førde. Det må påreknast ein del reiseverksemd.

Ansvars- og arbeidsoppgåver:

Strategisk utvikling av FOUI-verksemda i fakultetet
Realisere, styrke og vidareutvikle fakultetets forskingsambisjonar i samarbeid med institutta og Senter for omsorgsforsking vest
Strategisk ansvar for PhD-utdanninga Helse, funksjon og deltaking
Styrke det strategiske arbeidet med ekstern forskingsfinansiering
Styrke arbeidet med forskingsetikk og følgje opp forskingsetisk komité ved fakultetet
Styrke samspelet med samfunns- og arbeidsliv i regionane ved aktivt å delta i samskaping av kunnskap
Delta i og utvikle fruktbare samband mellom utdanning, forsking og nyskaping
Vere ein pådrivar for internasjonalisering i utdanning og forsking
Bidra til heilskapleg campusutvikling ved alle høgskulen sine campus, og bidra til tverrfagleg og interfakultært samarbeid
Posisjonere og profilere høgskulen som ein attraktiv forskingsinstitusjon kjend for høg kvalitet i undervising og forsking
Andre oppgåver pålagt/gitt av dekan

Kvalifikasjonskrav:

Formell utdanning og kompetanse:

Relevant høgare utdanning og høg vitskapeleg kompetanse på førstestillingsnivå, helst toppkompetanse
Vitskapeleg kompetanse blir vektlagt, med erfaring frå prosjektutvikling, forskingsleiing og kunnskapsformidling
Dokumentert erfaring og kompetanse innanfor fakultetet sine profesjonar og fagområde er ein føremon
Leiarerfaring og dokumenterte resultat frå fagleg leiarstilling blir vektlagt

Generelle kompetansekrav:

God innsikt i høgskulen sitt samfunnsoppdrag
God erfaring frå, og/eller solid kunnskap om, universitets- og høgskulesektoren
Erfaring med å utvikle og vedlikehalde relasjonar til ulike aktørar regionalt, nasjonalt og internasjonalt
God pedagogisk kompetanse, god forståing for kunnskapsformidling og læreprosessar
God kjennskap til nasjonale og internasjonale forskingssystem
God forståing for digitale løysingar
Forståing for verdien av kontinuerleg arbeid med likestilling og mangfald
God munnleg og skriftleg framstillingsevne i norsk og engelsk

Personlege eigenskapar:

Gode leiareigenskapar
Ein motiverande og inkluderande leiarstil med vekt på samarbeid og medverknad
Evne til strategisk heilskapleg perspektiv
Gode evner til kommunikasjon, samhandling, bygge tillit og relasjonar
Gjennomføringsevne, utvikling- og resultatorientert
Stort engasjement for å nå høgskulen og fakultetet sine ambisjonar
Må kunne handtere komplekse utfordringar

Vi tilbyr:

Gode pensjons-, forsikrings-, og låneordningar i Statens pensjonskasse
Spennande fagmiljø med moglegheit for kompetanseheving - og utvikling
Høve for trening i arbeidstida

Stillinga som prodekan er lønt etter Statens lønsregulativ, i stillingskode 1474 - dekan.

Frå løna vil det bli trekt 2 % innskot til Statens pensjonskasse.

Korleis søke på stillinga?

Send søknad og CV ved å klikke på knappen merka ”Søk stilling” på denne sida.

Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad. Sjå www.hkdir.no for meir informasjon om vurdering av høgare utdanning.

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga. Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din.

Søknadar kan ikkje sendast på e-post til enkeltpersonar ved høgskulen.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.

Arbeids- og opphaldsløyve i Norge er ein føresetnad for å tiltre stillinga.

Høgskulen på Vestlandet er underlagt eksportkontrollforskriften. Forskrifta kan komme til anvending i behandlinga av søknadane.

Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.

Inkludere, utfordre og samhandle

Les meir på våre heimesider.

Informasjonskapsler på arbeidsplassen.no

Rapporter annonse