UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

. Video: https://youtu.be/vtJLmcUJ3-w

Stipendiat

Ved Det medisinske fakultet, IGS, er det ledig ei stilling som stipendiat (100 %) for ein periode på tre (3) år. Stillinga er knytt til ” Forhelse SFI”, eit senter for forskingsbasert innovasjon finansiert av Norges Forskningsråd (forhelse.no).

Om prosjektet/arbeidsoppgåver:

Kunnskap om kva som verkar for kven er sentralt i all behandling av pasientar. Innan psykisk helse har 30 års internasjonal forsking gitt relativt lite kunnskap om kven som har nytte av ulike typar behandling. Innan digitale helsetenester har det å integrere og analysere digitale spor og pasientrapporterte data før, undervegs og etter digital behandling gitt lovande resultat.

Arbeidsoppgåver:

Hente ut pasientrapporterte- og bruksdata frå ulike digitale behandlingsprogram og klargjere desse for analysar.
Analysere samanhengen mellom bruksdata og nytte på tvers av ulike brukargrupper og program
Publisere 3 vitskaplege artiklar i internasjonale fagfellevurderte tidsskrift
Inngå i fagfellesskapet til forskingssenteret Forhelse ved Haukeland Universitetssjukehus. I tillegg vil stipendiaten verte knytt til ei relevant forskingsgruppe ved IGS og ta del i Forskarskule for Samfunnsmedisin ved IGS.
Samarbeide med brukarrepresentantar, industri og helsetenester om å formidle kunnskap og mogleg nytte av denne tilnærminga.

Kvalifikasjonar og eigenskapar:

Søkjaren må ha ein mastergrad eller tilsvarande innan feltet helsefag, samfunnsvitskap eller IT, eller eit relatert fagområde, eller må vere i ferd med å fullføre masterstudiane med planlagt eksamensdato før oppgitt tiltredingsdato for stillinga. Det er eit vilkår for tilsetjing at mastergraden er fullført og eksamen bestått (minimum karakter C ved bokstavkarakterar). Det vert ikkje gitt utsetjing på tiltreding i stillinga grunna forseinkingar i fullføring av mastergrad.
Erfaring frå relevante forskingsprosjekt vil telje positivt.
Den som vert tilsett må kunne arbeide sjølvstendig og strukturert, og ha gode samarbeidsevner.
Evne og motivasjon til å gjennomføre eit doktorgradsprosjekt.
God skriftleg og munnleg engelsk, sjå dokumentasjonskrav.
Det er ønskeleg at søkjar har god kjennskap til databehandling i ulike format som til dømes csv, spss, sav, og med ulike verktøy som til dømes Stata, SPSS, R.
Vi ønsker at søkjar har erfaring med ulike dataplattformer og brei systemforståing på tvers av plattformer.
Søkjar må vere komfortabel med import, eksport og behandling av store datamengder.
Der er ein føremon om søkjar har erfaring med bruk og utvikling av digitale behandlingsforløp for psykisk helse.
Det er ønskeleg at søkjar har grunnleggande kunnskap om GDPR, pasientlovgjeving, behandlingsgrunnlag og andre avtalemessige høve knytt til behandling av pasientdata.
Erfaring med samarbeid med aktørar frå ulike sektorar, som akademia, privat og offentleg sektor, er ein føremon.

Personlege eigenskapar blir vektlagd ved vurderinga.

Søkjarar med utanlandsk utdanning må legge ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg legge ved Direktoratet for høyere utdanning og kompetanse (HK-dir) si generelle vurdering om utdanninga (bachelor og master) samsvarar med norsk mastergrad. Sjå https://hkdir.no/ for meir informasjon om generell vurdering av høgare utdanning. Vi gjer merksam på at søknad om vurdering frå HK-dir kan ta tid og søknaden bør sendast så tidleg som mogleg når du veit du vil søkje stillinga. Dersom du ikkje har fått svar innan søknadsfristen, legg du ved dokumentasjon frå HK-dir om at dei har mottatt søknaden din. Merk at den automatiske godkjenningsordninga til HK-dir ikkje er tilstrekkeleg. Søkjarar med nordisk utdanning, eller medisinutdanning frå EØS-området som har fått lisens til å arbeide som lege i Norge er unntatt kravet om HK-dir vurdering, sjå Opptakskrav | Det medisinske fakultet | UiB

Sjå krav om engelsk-kunnskapar: http://www.uib.no/med/115525/krav-til-engelskkunnskaper-ved-opptak-til-phd-programmet

For stillinga gjeld følgande:

Forskarutdanning (Ph.d.-programmet):

Stilling som stipendiat har fullført forskarutdanning fram til doktorgrad som mål. Stipendiaten skal gå inn i eit godkjend opplegg for ein doktorgrad innafor ei tidsramme på 3 år, utan andre pålagte arbeidsoppgåver ved instituttet. Endeleg plan for gjennomføring av forskarutdanninga skal vere godkjent av fakultetet innan tre månader etter start i stillinga. Opptak i fakultetet sitt ph.d.-program er ein føresetnad for tilsetjing i stillinga.

Stipendiatstilling:

Stipendiatstillinga er ei åremålsstilling. Ingen kan vere tilsett som stipendiat i meir enn ein åremålsperiode ved same institusjon. Du kan heller ikkje tilsetjast i stipendiatstilling dersom du tidlegare har hatt slik tilsetjing ved ein annan institusjon i regionen. Undervisningsspråket er til vanleg norsk.

Vi tilbyr:

Spanande og utviklande arbeidsoppgåver i eit sterkt fagmiljø
Løn for tida kr 540 500 (kode 1017, lønssteg 55) i lønsregulativet til staten. For søkjarar med minst eitt års tilsetjing i lege- eller tannlegestilling er løn for tida kr 557 100 (kode 1017, lønssteg 57). For søkjarar med spesialistutdanning er løna for tida kr 575 400 (kode 107, lønssteg 59)
Medlemsskap i Statens pensjonskasse
Gode velferdsordningar

Søknaden skal innehalde:

Ei kort utgreiing om søkjaren sine forskingsinteresser og motivasjon for å søkje stillinga
Karakterutskrifter og vitnemål (all høgare utdanning) og relevante attestar
Søkjarar med utanlandsk utdanning (både bachelor og/eller master) må legge ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg legge ved HK-dir si generelle vurdering om utdanninga (bachelor og master) samsvarar med norsk mastergrad. Sjå https://hkdir.no/ for meir informasjon om generell vurdering av høgare utdanning. Har du ikkje fått svar innan søknadsfristen, kan du legge ved dokumentasjon frå HK-dir om at dei har mottatt søknaden din
Dokumentasjon på engelsk-kunnskapar
Ei fullstendig liste over publikasjonar og eventuelle andre faglege arbeid du vil det skal takast omsyn til
Eventuelle publikasjonar (pdf)
To referansar (namn og kontaktinformasjon)

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Generell informasjon:

Nærare opplysingar om stillinga kan ein få ved å kontakte Tine Nordgren, tine.nordgren@uib.no

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.

Livet som ph.d.-kandidat ved UiB

Astrid Nybø forteller om livet og arbeidshverdagen som ph.d.-kandidat ved UiB.

. Video: https://www.youtube.com/watch?v=Eo3Z63yzkKA&list=PLf8ZIYfAO0qjhROTj6SthDbSScg0lSO6G&index=5

Informasjonskapsler på arbeidsplassen.no

Rapporter annonse