Då vil vi gjerne høyre frå deg!
Hos oss i Helse Fonna er reinhald, tekstil og logistikk heilt avgjerande for at pasientbehandlinga skal gå sømlaust – kvar einaste dag. No ser vi etter deg som vil ta leiarskap for denne viktige delen av sjukehuset vårt – anten du har leiarerfaring frå før, eller berre kjenner deg klar for det no.

Avdeling for husøkonomi ved Stord sjukehus leverer tenester som gir klinikkane dei beste føresetnadene for å yte god pasientomsorg. Her treng vi ein engasjert og tydeleg leiar som vil utvikle både drifta og arbeidsmiljøet vidare – og som blir motivert av å sjå at gode system gir gode kvardagar.

Du vil få tett oppfølging frå avdelingsleiar og erfarne medarbeidere – og blir del av eit fellesskap med fleire leiarar som spelar kvarandre gode.

👉 Høyrest dette ut som noko for deg? Då er du velkommen til å søkje stillinga!

Kva går jobben ut på?

Som husøkonom har du ansvar for å leie og koordinere tenestene innan reinhald, sengesentral, garderobar og tekstillager. Du har personal- og budsjettansvar – og er ein viktig samarbeidspart for både klinikkar og leverandørar.

Noko av det du vil gjere:

Leie og følgje opp den daglege drifta i avdelinga.
Ha ansvar for bemanning, økonomi og personaloppfølging.
Sikre god kvalitet på reinhald og logistikkløysingar.

Kva kompetanse ser vi etter?

Vi ser etter deg som:

Har leiareigenskapar - og har lyst å bruke dei.
Er trygg på å ta ansvar, skape struktur og bygge lag.
Har erfaring frå reinhald, drift eller tekstil. men ikkje eit krav.
Gode norskkunnskapar, både munnleg og skriftleg, er heilt avgjerande.

Du treng ikkje vera utdanna husøkonom - det viktigaste er at du har motivasjon for leiing.

Kven passar inn hos oss?

Hos oss er det viktig at du:

er tydeleg, strukturert og god på å skape oversikt
har god gjennomføringsevne - og står stødig når det stormar litt
er opptatt av å bygge eit trygt og godt arbeidsmiljø
likar å samarbeide - og får energi av å sjå andre lykkast

Kvifor skal du velje oss?

Jo, for hos oss får du:

God støtte i rolla di.
Tilgang til leiarutviklingskurs og faglig oppfølging.
Ein jobb der du verkeleg kan påverke kvardagen til både kollegaer og pasientar.

🟢 Du blir del av eit leiarfellesskap med møteplassar på tvers – der vi heiar på kvarandre og deler erfaringar.

📩 Ta gjerne kontakt med avdelingsleiar Robert Holmstrøm om du lurer på noko.

Kontaktinformasjon

Robert Holmstrøm, Avdelingsleiar, +47 992 88 040, robert.eddie.holmstrom@helse-fonna.no

Arbeidsstad

Tysevegen 64
5416 STORD

Nøkkelinformasjon:

Arbeidsgivar: Helse Fonna HF

Referansenr.: 4967214301
Stillingsprosent: 100%
Fast
Søknadsfrist: 01.06.2025

Informasjonskapsler på arbeidsplassen.no

Rapporter annonse