Dette er NTNU

NTNU er et breddeuniversitet med en teknisk-naturvitenskapelig hovedprofil og et tyngdepunkt innen profesjonsutdanning. Universitetet er lokalisert i tre byer med hovedsete i Trondheim.

På NTNU jobber 9 000 ansatte og 43 000 studenter med å skape kunnskap for en bedre verden.

Du finner mer informasjon om NTNU som arbeidsplass og søkeprosessen her.

. Video: https://youtu.be/Xt-yHCN5QS0

Om stillinga

Ved Institutt for psykologi er det ledig ei fast stilling som universitetslektor i klinisk nevropsykologi.

Institutt for psykologi har omkring 1300 studentar og meir enn 180 tilsette. Instituttet har eit stort og variert fagmiljø med brei kompetanse innan psykologi. Me tilbyr psykologutdanning, og studiar på bachelor-, master- og ph.d.-nivå. Instituttet driv også tre psykologiske opplæringsklinikkar (poliklinikkar): voksen-, barne- og nevroklinikk (nevropsykologisk poliklinikk). Instituttet har omfattande forskingssamarbeid, både internt og med andre forskingsmiljø nasjonalt og internasjonalt.

Me leitar etter ein universitetslektor med engasjement for utdanning av framtidas psykologar.

Som universitetslektor ved Institutt for psykologi vil du jobba med opplæring av psykologstudentar i klinisk nevropsykologi. Ved instituttet vil du samarbeida med erfarne testteknikarar, vitskapleg tilsette, og spesialistar i klinisk nevropsykologi. Du vil også samarbeida med relevante eksterne miljø som ein naturleg del av våre undervisnings- og fagutviklingsaktivitetar. Hovudvekta av arbeidet i stillinga vil omfatta opplæring og rettleiing av studentar i nevropsykologisk arbeid med pasientar, med vekt på nevropsykologisk utgreiing. Du vil få høve til å påverka undervisningsopplegget i nevropsykologi for framtidas psykologar.

Din næraste leiar vil vera instituttleiar.

Arbeidsoppgåver

Undervisning i klinisk nevropsykologi og relaterte tema som t.d. evnekartlegging, nevropsykologisk utgreiing og behandling/rehabilitering av ulike skadar og sjukdommar.
Opplæring av psykologstudentar i praktisk klinisk nevropsykologisk arbeid.
Ansvar for planlegging og gjennomføring av undervisning innan klinisk nevropsykologi.
Ivareta det faglege ansvaret i eininga saman med dei andre vitskapleg tilsette.
Delta i gjennomføringa av undervisningsopplegget etter gjeldande studieplan, og i arbeidet med vidareutvikling av fagområdet og undervisningsopplegget, under dette også etter- og vidareutdanning.
Eksamensarbeid.
Administrative oppgåver.
Det kan også bli aktuelt å bidra i anna undervisning og rettleiing ved instituttet.
Stillinga er i hovudsak ei undervisningsstilling, men med moglegheit for forsking og utviklingsarbeid innanfor fagområdet i det omfanget som ei universitetslektorstilling opnar for. Normalt kan 20 % av tida i stilling som universitetslektor blir brukt til forskings- og utviklingsarbeid, under dette fagleg oppdatering.

Kvalifikasjonskrav

Du må kvalifisera for stilling som universitetslektor innanfor fagområdet klinisk nevropsykologi i samsvar med krav referert i §1-6 i Forskrift om tilsetjing og opprykk i undervisnings- og forskarstillingar

Norsk autorisasjon som psykolog
Fullført spesialisering i klinisk nevropsykologi innan tilsetjingsdato
Brei klinisk nevropsykologisk erfaring
Erfaring og kompetanse innan evnetesting (t.d. WISC-V og WAIS-IV)
God munnleg og skriftleg framstillingsevne i norsk og engelsk

I tråd med Personalreglementet for undervisnings- og forskarstillingar ved NTNU må du dokumentera relevant grunnleggjande kompetanse for undervisning og rettleiing på universitets- og høgskulenivå:

Gjennomført eige program (minimum 200 timar)/relevante kurs og eiga praktisk undervisning, og opparbeidd grunnleggjande ferdigheiter innan planlegging, gjennomføring, evaluering og utvikling av undervisning og rettleiing (grunnleggjande kompetanse for undervisning og rettleiing på universitets- og høgskulenivå).

Dersom du ikkje kan dokumentera dette, blir du pålagd å gjennomføra eit godkjent kurs i universitetspedagogikk i løpet av to år etter tilsetjing. NTNU tilbyr kvalifiserande kurs.

Ønska kvalifikasjonar

Klinisk erfaring med både barn og vaksne
Erfaring med systematisk klinisk kvalitetsarbeid (til dømes utarbeiding og evaluering av pasientforløp) og forsking på klinisk praksis
Leiarerfaring / kjennskap til klinikkdrift
Bakgrunn frå forsking og akademia

Personlege eigenskapar

Selvstendig, initiativrik og løysingsorientert
Nøyaktig
Sosial og samarbeidsvillig
Motivert til å bidra til eit godt arbeidsmiljø

 Personlege og mellommenneskelege eigenskapar vil bli lagt vekt på.

Me tilbyr

spennende og utviklende oppgaver i et sterkt og internasjonalt fagmiljø
åpent og inkluderende arbeidsmiljø med engasjerte kolleger
gunstige vilkår i Statens pensjonskasse
ansattegoder og fordeler

Lønn og vilkår

I stillinga som universitetslektor kode 1009 vil du normalt lønnast frå brutto kr  608 000 - 770 000 pr. år avhengig av kvalifikasjonar og ansiennitet. Frå lønna blir 2 % lovfesta innskot trekte til Statens pensjonskasse. 

Tilsetjinga blir gjennomført etter prinsippa i statstilsettelova, og lovverk som regulerer eksport av kunnskap, teknologi og tenester. Etter tilsetjinga må du rekna med at det kan skje endringar i arbeidsområdet.

Det er ein føresetnad at du kan vera til stades ved og tilgjengeleg for institusjonen på dagleg basis.

Om søknaden

Søknaden og beskrivinga av dei eventuelle vitskaplege arbeida som skal leggjast til grunn for vurderinga skal liggja føre på eit skandinavisk språk eller engelsk.

Me gjer merksame på at søknaden berre blir vurdert ut frå den informasjonen som du har gitt oss innan søknadsfristen. Sørg derfor for at søknaden din tydeleg viser korleis ferdigheitene og erfaringane dine oppfyller kriteria som er beskrivne over.

Om du har hatt permisjon eller anna avbrekk i karrieren din, er det viktig at dette kjem fram i søknaden din slik at utvalskomiteen kan ta omsyn til dette og at mengda av forskinga di kan vera redusert som eit resultat.

Søknaden må innehalda:

CV, attestar og vitnemål
pedagogisk mappe, der den utdanningsfaglege kompetansen din blir framstilt systematisk og samla, jf Dokumentasjon av pedagogiske kvalifikasjonar ved søknad og tilsetjing i vitskapleg stilling
publikasjonar el anna relevant forskingsarbeid, dersom du har det (opp til 5 utvalde publikasjonar)
namn og kontaktinformasjon til tre relevante referansar

Me tek omsyn til fellesarbeidar. Dersom det er vanskeleg å identifisera innsatsen din i fellesarbeida, må du leggja ved ei kort forklaring for medverknaden din.

Ved vurdering av den best kvalifiserte legger me vekt på personlege eigenskapar, motivasjonen din for stillinga og dine pedagogiske evner og kvalifikasjonar. Vår vurdering vil byggja på dokumentert pedagogisk materiale, framstillingsformer i dei vitskaplege arbeider, erfaring frå undervisning og rettleiing, og dessutan pedagogisk bakgrunn av annan art. Kvalitet og breidd vil bli vurdert.

Søknaden din vil bli vurdert av ein sakkunnig komité. Aktuelle kandidatar vil bli inviterte til prøveundervisning og intervju.

NTNU forpliktar seg til å følgja evalueringskriterium for forskingskvalitet i samsvar med The San Francisco Declaration on Research Assessment – DORA. Dette inneber at me legg spesielt vekt på kvaliteten og den faglege breidda desse arbeida dokumenterer. Me tek også omsyn til forskingsleiing og deltaking i forskingsprosjekt. Me legg størst vekt på dei vitskaplege arbeida dine frå dei siste fem år.

Generell informasjon

NTNU trur på at inkludering og mangfald er ein styrke. Me ønskjer at våre tilsette skal spegla befolkninga, og søkjer til kvar tid dei beste hovuda. Dette gir NTNU auka produktivitet, innovasjon, betre avgjerdsprosessar, auka medarbeidartilfredsheit og det konkurransefortrinnet me treng for å gjennomføra samfunnsoppdraget vårt innan forsking og utdanning. NTNU legg vekt på tilrettelegging og oppmodar deg som kvalifisert kandidat til å søkja uavhengig av kjønn, funksjonsevne, hol i CV eller kulturell bakgrunn.

Som tilsett ved NTNU må du til kvar tid retta deg etter endringar som utviklinga i faget medfører, og dei organisatoriske endringane som blir vedtekne.

Offentleg søkjarliste med namn, alder, stillingstittel og bustadkommune blir utarbeidd etter utløpet av søknadsfristen. Dersom du ønskjer å reservera deg frå oppføring på offentleg søkjarliste må dette grunngivast. Vurdering vil bli gjord i samsvar med gjeldande lovverk. Du vil bli varsla om reservasjon ikkje blir teken til følgje. 

Om du har spørsmål om stillinga kan du ta kontakt med førsteamanuensis/klinikkleiar ved nevroklinikken, Institutt for psykologi, NTNU Ramune Grambaite - tlf. 73597427, e-post ramune.grambaite@ntnu.no.

Om du har spørsmål om tilsetjingsprosessen kan du ta kontakt med Kristin Skogen, e-post kristin.skogen@ntnu.no.

Synes du dette ser interessant ut, og i samsvar med kvalifikasjonane dine, sender du oss søknaden din elektronisk via jobbnorge.no med CV, vitnemål og attestar vedlagt. Ved førespurnad må du kunna skaffa stadfesta kopiar av dokumentasjonen din. Merk søknaden din med referansenr.: SU-987

Søknadsfrist: 10.04.2025

Informasjonskapsler på arbeidsplassen.no

Rapporter annonse