Om stillinga

Ved Sogn og Fjordane friomsorgskontor, har vi ledig ein fast 100 % stilling som førstekonsulent i turnus. Stillinga har arbeidsstad i Florø.

Sogn og Fjordane friomsorgskontor er ein del av Kriminalomsorgen. Vi har hovudkontor i Florø og lokalkontor i Sogndal, og er til saman 12 tilsette med sosialfagleg, juridisk og administrativ bakgrunn.

Friomsorga jobbar med straffegjennomføring i samfunnet. Vårt straffegjennomføringssystem er basert på humanistiske prinsipp og individuell tilrettelegging for dei domfelte. Dei domfelte skal møtast med tryggheit, forutsigbarheit og respekt. Arbeidet er utfordrande, og vi legg vekt på å ha eit godt fagleg og sosialt arbeidsmiljø, der vi jobbar tett i tverrfaglege team.

Den som blir tilsett i den utlyste stillinga, skal først og fremst jobbe med straffegjennomføring med elektronisk kontroll (EK), det vil seie gjennomføring av ubetinga fengselsstraff i eigen bustad med elektronisk fotlenke. Frå 15. august 2025 blir det vidare mogleg med gjennomføring av varetekt med elektronisk kontroll. Det er også venta ytterlegare utvikling når det gjeld bruk av elektronisk fotlenke. Den som blir tilsett får altså ta del i ein spanande utvikling på straffegjennomføringsfeltet.

I tråd med kriminalomsorgen sin visjon om «straff som endrar», vil endringsarbeid vere ein sentral del av jobben til den som blir tilsett. Ein skal motivere den domfelte til å gjennomføre straffa utan brot, og til framover å leve eit kriminalitetsfritt liv. Samtidig har alle tilsette i kriminalomsorga eit ansvar for sikkerheita til dei domfelte, tilsette og samfunnet elles. Den som blir tilsett vil få opplæring i sikkerheitstenking og risikovurderingar.

EK-teamet vil etter tilsettinga bestå av fem tilsette i turnus, der tre er lokalisert i Florø og to i Sogndal. Teamet har dessutan ein EK-koordinator, som jobbar tett på dei tilsette. Den som blir tilsett vil inngå i tilsvarande turnus som dei to andre tilsette på teamet i Florø.

Arbeidsoppgåver

Som førstekonsulent i EK-teamet er du en nøkkelperson i den daglige drifta av straffegjennomføring med elektronisk fotlenke. Du vil få ansvar for å:

Vurdere om domfelte er eigna for straffegjennomføring med elektronisk kontroll
Vurdere om sikta er eigna for varetekt med elektronisk kontroll
Setje i verk og administrere straffegjennomføring og varetekt
Leggje til rette for og følgje opp fagleg innhald
Drive planmessig endringsarbeid i samarbeid med andre offentlege instansar og samarbeidspartar
Kontrollere at vilkår for straffegjennomføring og varetekt blir overheldt
Utstrakt kontakt med domfelte, både i fysiske møter og over telefon/videosamtale

Ein må rekne med ein del bilkøyring i samband med utføring av arbeidsoppgåvene. Ved behov må ein også rekne med å ta del i andre typar straffegjennomføring i samfunn. Vidare finn det for tida stad ein utvikling på straffegjennomføringsområdet. Den som blir tilsett må av den grunn rekne med endringar i ansvars- og arbeidsområde.

Utdanning og erfaring

Du må ha:

Fortrinnsvis sosialfagleg eller annan relevant høgare utdanning på minimum bachelor-nivå, men anna relevant høgskule/universitetsutdanning kan også vere aktuelt
Førarkort klasse B
God munnleg og skriftleg framstillingsevne
God kommunikasjonsevne på engelsk
God kunnskap om og erfaring i bruk av IKT-system eller -verktøy

Det er ønskjeleg at du har relevant erfaring, for eksempel med:

Offentleg saksbehandling
Klientrelatert arbeid
Arbeid med unge, rus og/eller psykisk helse

Personlege eigenskapar

Ein førstekonsulent skal utføre sjølvstendig saksbehandling, ha evne til å setje seg inn i problemstillingar og bidra til å utvikle området.

Du må vidare ha:

God kommunikasjons- og samarbeidsevne
Evne til å prioritere oppgåver, arbeide målretta og overhalde fristar
Personlige eigenskapar i tråd med etatens verdiar

Det er ønskjeleg at du:

Har evne til å motivere til endring av åtferd
Har evne til å setje grenser og handheve regelverk
Har engasjement for fagfeltet og evne til etisk refleksjon
Er fleksibel, omstillingsvillig og utviklingsorientert
Er ein positiv bidragsytar i arbeidsmiljøet

Vi tilbyr

Meiningsfulle oppgåver i ein etat med eit viktig samfunnsoppdrag
Eit fagmiljø i utvikling
Eit arbeidsmiljø med dyktige og engasjerte medarbeidarar, og stor takhøgd
Gode pensjons-, forsikrings- og låneordningar i Statens pensjonskasse
Moglegheit for trening i arbeidstida, tilgang til treningsrom og parkeringsordningar
Stillinga vert lønna som 1408 førstekonsulent, med ei grunnlønn på kr 482 000 – 600 000 per år. Endeleg lønnsplassering finn stad på bakgrunn av kvalifikasjonar og ansiennitet. Det blir trekt 2 % innskot til Statens pensjonskasse
Stillinga er per i dag i turnus, noko som inneber dag, kveld og helgearbeid. Endringar i arbeidstid må påreknast

Generell informasjon

Kriminalomsorga meiner at inkludering og mangfald er ei styrke. Vi ønskjer oss medarbeidarar med ulik kompetanse, livserfaring og perspektiv for å kunne bidra til ei enda betre oppgåveløysing. Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju. Kjenner du deg igjen i ein av desse kategoriane, kan du krysse av i jobbsøkjarportalen vår. Du kan lese meir om krava for å bli vurdert som søkjar i desse gruppene søkjar i desse gruppene her.

Det må ikkje vere noko å utsetje på vandelen til den som blir tilsett. Dette må dokumenterast med ein uttømmande politiattest før tilsetjing.

Vi gjer oppmerksam på at opplysningar om søkjarar kan bli offentleggjorde sjølv om søkjar har bede om å vere unnateke søkjarlista. Søkjar vil i så fall bli varsla om dette og gjeve høve til å trekkje søknaden.

Den som blir tilsett, må rette seg etter organisasjonsmessige eller andre endringar som blir bestemte om arbeidsområdet.

Nærare opplysningar om stillinga får du ved å kontakte EK-koordinator, Mari Knapstad Nilssen, tlf. 48 99 46 89, eller fungerande friomsorgsleiar, Birte Reed Solheim, tlf. 40 44 47 44.

For spørsmål om elektronisk utfylling av CV kan Jobbnorge kontaktast på 75 54 22 20.

Informasjonskapsler på arbeidsplassen.no

Rapporter annonse