Lurer du på kva du skal spesialisere deg i? Har du lyst å jobbe med ein spennande spesialitet og samtidig ha ei "gunstig vaktordning"?
Då må du søke denne stillinga!

Vi har ledig vikariat for lege i spesialisering innan fysikalsk medisin og rehabilitering i perioden 01.10.2025 til og med 31.03.2026. Stillinga er ved seksjon for fysikalsk medisin og rehabilitering som høyrer til Klinikk for kreftbehandling og rehabilitering. Seksjonen inneheld sengepost med 20 senger + 4 senger på pasienthotellet. Pasientgruppa som får tilbod på døgnpost er pasientar med komplekse fysiske og/eller kognitive funksjonsnedsettingar som følge av skade/sjukdom i sentralnervesystemet, det perifere nervesystemet, multitraumer og amputasjoner. Seksjonen yter også ambulante tenester og poliklinisk oppfølging før/etter innlegging til desse pasientgruppene. Seksjonen inneheld også poliklinikk for fysikalsk medisin, inklusiv HelseIArbeid poliklinikk. Det er tett arbeid i tverrfaglege team både på sengepost og poliklinikk. Legegruppa er ein ung og framoverlent gruppe som bidreg til fagutvikling og til utdanning av nye spesialistar. Vi har eit godt arbeidsmiljø med sosiale møtepunkt både i og utanfor arbeidsplassen.
Sjekk gjerne vår instagramkonto FYSMED_ALESUND_HMR.
Vi ber om at attestar og vitnemål vert lasta opp som vedlegg til søknaden din.

Arbeidsoppgåver

Poliklinisk arbeid
Sengepostarbeid
Det er forventa at ein deltek i seksjonen si vaktordning
LIS har vakt for tida kvar 5. veke med heimevakt med utrykningsplikt på kvardagar frå 16.00 - 21.00, og i helg frå 09.00 – 14.00
Det er ikkje vakt på raude dagar i jul og påske

Kvalifikasjonar

Det er ønskeleg med erfaring innan fysikalsk medisin og rehabilitering, erfaring fra allmennmedisin er også positivt
Godkjent del 1 av spesialistutdanninga eller turnusteneste etter gammal ordning
Søkarar som ikkje har fullført LIS1 kan også vurderast

Personlege eigenskapar

Du er fleksibel, løysingsorientert og initiativrik
Du har evne og interesse for tverrfagleg samarbeid
Du har gode kommunikasjonsevner
Du må beherske norsk munnleg og skriftleg

Å vere personleg eigna vert vektlagt ved tilsetting.

Vi tilbyr

Varierte oppgåver i eit tverrfagleg miljø med ca 10 ulike faggrupper
Ein inkluderande arbeidsplass
Vaktordning med heimevakt 16-21 på kvardagar og 9-14 i helg
Vaktfri på raude dagar i jul og påske
Ein framtidsretta arbeidgivar som hensyntar alle livsfasar
Internundervisning og fagutvikling
Rabattavtaler på treningssenter og sportskjeder
Deltaking i seksjonen si eiga løpe- og/eller innebandygruppe
Løn etter gjeldande overeinskomstar
Medlemskap i god offentleg pensjonsordning og fordelaktige forsikringsvilkår

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir om Ålesund og omland her.

Kontaktinformasjon

Synnøve Opsahl Melseth, Seksjonsleiar, synnove.opsahl.melseth@helse-mr.no

Arbeidsstad

Åsehaugen 5
6017 Ålesund

Nøkkelinformasjon:

Arbeidsgivar: Helse Møre og Romsdal HF

Referansenr.: 4990960744
Stillingsprosent: 100%
Vikariat
Søknadsfrist: 17.08.2025

Informasjonskapsler på arbeidsplassen.no

Rapporter annonse