Fjell, fullverdige fagmiljø og flinke flotte folk -- kven kan takke nei til det?

Psykolog/ psykologspesialist 100% fast stilling

Rehabiliteringssenteret AiR i Rauland samarbeider med Vinje kommune om ei spennande stilling med arbeidsoppgåver spesielt retta mot barn og unge innan både spesialist- og kommunehelsetenesta. Stillinga er delt med 50% arbeid ved AiR og 50% arbeid i Vinje kommune. Arbeidsgjevaransvaret ligg hos AiR.

Vi ser etter deg som er omgjengeleg, nysgjerrig, nytenkande og som likar å påverke eigen arbeidskvardag.

Rehabiliteringssenteret AiR er landets leiande senter innan arbeidsretta rehabilitering (ARR), og ein landsdekkande ideell institusjon i spesialisthelsetenesta. Senteret ligg i Rauland i Telemark, omgjeve av flotte fjell, fine vatn og venleg skogsterreng, som også nyttast aktivt i rehabiliteringsarbeidet. Fjellbygda Rauland er rik på natur og kultur og ligg sentralt plassert mellom aust og vest.

Senteret har to klinikkar, ein i Rauland og ein poliklinikk i Oslo. Klinikken i Rauland har døgntilbod innan ARR og CFS/ME. Unge vaksne utanfor arbeid eller utdanning er ei aukande utfordring i samfunnet, og AiR har sidan 2021 hatt eigne tilbod retta mot denne gruppa (18-30 år). Vi jobbar kontinuerleg med å utvikle tilbodet til unge. Stillinga vert spesielt knytt til UNG- og CFS/ME-tilboda våre i Rauland. Felles for deltakarane på desse tilboda er at dei ofte står lenger frå arbeid/utdanning samanlikna med dei andre ARR-deltakarane.

AiR-klinikk har tverrfaglege team som består av lege, psykolog eller samtaleterapeut, fysioterapeut, arbeidskonsulent og idrettspedagog. Sjå www.air.no for meir informasjon.

Arbeidsoppgåver AiR:

Undervising av deltakarar i grupper
Kartlegging- og vurderingssamtaler, individuell rettleiing, arbeid med epikriser m.v.
Kontakt med NAV, arbeidsgjevar og/eller andre involverte
Særfagleg oppfølging inkl. tilvisingar ved behov

Vinje kommune

Som kommunepsykolog vert du organisert i verksemda helse- og førebygging saman med helsestasjon og skulehelsetenesta, lege og legevakt, fysio- og ergoterapitenesta og det interkommunale jordmorsamarbeidet. Tverrfagleg samarbeid er viktig for oss og me er stolte av å ha høg kompetanse i alle ledd av tenestene våre. Du vil samarbeide tett med andre kommunale tenester som skule, psykisk helse og rustenesta. Sjå meir om kommunen vår på https://vinjenaturlegvis.no/

Hovudfokus i arbeidet ditt vil vera barn og unge, med moglegheit til å forme di eiga stilling med utgangspunkt i arbeidsoppgåver knytt til:

System- og samfunnsretta arbeid
Rettleiing og fagstøtte
Helsefremjande og førebyggjande arbeid
Lågterskel behandling og oppfølging
Tverrfagleg/fleirfagleg samarbeid

Kvalifikasjonar for begge stillingane:

Profesjonsstudie i psykologi med norsk autorisasjon
Gjerne kompetanse innan kognitiv terapi, MCT, ACT eller liknande terapimetodar
Ønske om, eller erfaring frå å jobbe med unge og personar med CSF/ME
Erfaring med individuelle samtaleforløp
Engasjement i tverrfagleg samarbeid
Gode kommunikasjonsevner munnleg og skriftleg, samt god samarbeidsevne som bidreg til eit utviklande fagmiljø

Vi tilbyr:

Arbeidsmiljø prega av høg kompetanse, fagleg trygge og dyktige arbeidskollegaer
Variasjon og breidde i arbeidet som psykolog
Høve til personleg og fagleg utvikling internt, ved kurs, etter- og spesialistutdanning
Arbeidstid, dagtid på kvardagar
Konkurransedyktige løns- og pensjonsvilkår
Hjelp til å skaffe bustad

Om du er interessert i natur og friluftsliv vil omgjevnadane i Vinje kommune og Vest-Telemark kunne gje deg rike opplevingar gjennom alle årstider.

Me ser fram til å høyre frå deg.

Søknadsfrist 15. oktober 2023

For meir informasjon, kontakt:

Leiar klinikk AiR Guri Sogn-Larssen, tlf. +47 414 33 433 / guri.sogn-larssen@air.no

eller nestleiar klinikk AiR, Siri Mørch, tlf.+47 474 63 408 / siri.morch@air.no

Verksemdsleiar helse og førebygging Vinje kommune, Lill Iren Djuve

Tlf: +47 902 83 278 / lill.iren.djuve@vinje.kommune.no

Informasjonskapsler på arbeidsplassen.no

Rapporter annonse