Me i Skjold barnehage har behov for deg som kan og har lyst å vera ringevikar på kort varsel. Kanskje er du ein ungdom som har eit friår og ynskjer å arbeida med barn? Eller er du heimeverande av andre årsaker og kunne tenke deg å jobbe med barn og unge i eit trivelig og godt miljø? Det vil vera arbeid på ulike avdelingar både på småbarn og storbarn. Tiltreding er snarast mogleg, og søknadar vert vurdert fortløpande.

Me kan tilby:

Ein jobb med meinig og faglege utfordringar som vil gi deg meistring.
Arbeid med engasjerte kollegaer som ønsker at du skal trivast og lykkast.
Støtte og opplæring for å hjelpa deg å komma godt i gong med den nye rolla di.
Kjekke tilsettgoder som blant anna gratis parkering og rabatt på treningssenter.
Ein av Norges sikraste pensjonsordningar: offentleg tenestepensjon.
Lønn etter gjeldande tariff og avtaleverk.

Kvalifikasjonar:

Du må ha lyst og interesse for å arbeide med barn.
Du må vera personleg eigna for å jobba i barnehage.
Du må kunne framvisa godkjent politiattest.

Personlege eigenskapar:

Du er positiv, engasjert, fleksibel og initiativrik, og er villig og positiv til å arbeide opp mot fleire aldersgrupper.
Du må lika å vere i samtale med barn og kunne bruke språket aktivt saman med barna.
Du må kunne bidra positivt til eit godt arbeidsmiljø og godt samarbeid mellom kolleger.

Personlege egenskaper vert vektlagt.

Andre opplysningar:

Skjold barnehage er 8-avdelings barnehage som ligg på Vikaneset, nær sjø og skog.
Me har eit aktivt og engasjert personale.
Me har fokus på fagleg kompetanse og utvikling hos dei tilsette.

Ved arbeid i barnehage, skule, barnevern, helse og omsorg, skal det leggast fram godkjent politiattest. Ved arbeid i barnehage, skule eller helse og omsorg skal det leggast fram godkjend dokumentasjon på tuberkulinkontroll før oppstart i jobb dersom du har budd eller opphalde deg i land med høg tuberkuloseførekomst i meir enn tre månadar.

Slik søker du:

Vindafjord kommune tek berre i mot elektroniske søknadar. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.

Link til søknadsskjema: Søk her

Informasjonskapsler på arbeidsplassen.no

Rapporter annonse