Seksjonsleiar – Seksjon kompleks rehabilitering Sandviken (KRS)

Vil du vere med og vidareutvikle eit viktig og framtidsretta behandlingstilbod i psykisk helsevern?

Helse Bergen HF søker ny seksjonsleiar til Seksjon for kompleks rehabilitering (KRS) – ein lukka seksjon med 8 døgnplassar fordelt på to pasientgrupper. Seksjonen er ein del av det som i framtida skal inngå i Nye Sandviken, eit område under utvikling med mål om å tilby heilskaplege og langsiktige behandlingstilbod til pasientar med samansette behov.

Om seksjonen

KRS har eit rehabiliteringstilbod med fokus på relasjonsbygging, meistring og overgang til bustad og daglegliv. Vi gir behandling til følgande pasientgrupper:

Personar med psykoseliding og kompliserande tilstandar som rus og personlegdomsforstyrringar (6 plassar)
Personar med kombinasjon av alvorleg psykisk liding og psykisk utviklingshemming og/eller utviklingsforstyrring (2 plassar)

Seksjonen arbeider tverrfagleg og har eit sterkt fokus på miljøterapi, ADL-trening, sansestimulering og musikkterapi som verktøy for kjensleregulering og meistring. Fysisk helse er ein integrert del av behandlinga, med tilgang til fysioterapeut og treningsfasilitetar.

Om stillinga
Som seksjonsleiar får du ansvar for fagleg og personalmessig leiing av seksjonen, og for vidare utvikling av miljøterapien og samarbeidet med innsøkande instansar og kommunale tenester. Du vil inngå i eit leiarteam og bidra til utvikling av Nye Sandviken som fagområde.

Arbeidsoppgåver

Seksjonsleiar har saman med ass. seksjonsleiar:

ansvar for forsvarleg drift av seksjonen
ansvar for å utvikle det miljøterapeutiske arbeidet i seksjonen
ansvar for ivaretaking av personalet
ansvar for arbeidstidsplanlegging/bemanning
ansvar for økonomisk drift
ansvar for godt samarbeid internt med andre seksjonar og eksternt med DPS/kommune
delta i leiarteamet knytt til eininga seksjonen høyrer til

Kvalifikasjonar

Søkar må ha norsk autorisasjon som sjukepleiar eller vernepleiar, samt relevant vidareutdanning i psykisk helsearbeid eller rus
Relevant sjukehus- og/eller leiarerfaring er ønskeleg
Leiarutdanning er ein fordel
Erfaring frå samarbeid på tvers av etatar og yrkesgrupper er ønskeleg

Personlege eigenskapar

Ansvarsbevisst/sjølvstendig
Strukturert
Pasientorientert
Fleksibel
Gode kommunikasjonsevner
Engasjert
Trivast med å jobbe i eit tverrfagleg team
Må vere personleg eigna til arbeidet

Vi tilbyr

Medlemskap i pensjonsordning, 2% pensjonstrekk, yrkesskadeforsikring, gruppelivsforsikring og tjenestereiseforsikring
Lønn i samsvar med gjeldande overeinskomst
Ein arbeidsplass som er ei inkluderande arbeidsliv-bedrift (IA-bedrift)

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Igne Sinkeviciute, Avdelingssjef, 55958580

Arbeidsstad

Hatleveien 7D
5038 Bergen

Nøkkelinformasjon:

Arbeidsgivar: Helse Bergen HF

Referansenr.: 5021892733
Stillingsprosent: 100%
Fast
Søknadsfrist: 27.10.2025

Vi bruker cookies

Rapporter annonse