Nav arbeidslivssenter Vestland søker kontorleiar i ei nyoppretta stilling. Vi er ein del av Nav Vestland si satsing for å levere betre og meir heilskaplege tenester til arbeidslivet. Senteret ligg under Nav Vestland arbeid og helse, som har ansvar for tenester i heile Vestland. Senteret er for tida under omorganisering og stillinga som kontorleiar inngår i eit nytt organisasjonskart.

Vi jobbar for å oppnå måla i IA-avtalen, som inkluderer å forebygge sjukefråvær og hindre fråfall frå arbeidslivet. Arbeidslivssenteret skal hjelpe verksemder med å redusera sjukefråværet, styrke jobbnærværet, betre arbeidsmiljøet samt utvikle partssamarbeidet. Dette inneber å gi råd, rettleiing og støtte til verksemder i ulike prosessar. Vi legg stor vekt på eit nært og godt samarbeid med andre einingar i etaten. Medarbeidarane har variert og høg kompetanse og jobbar både sjølvstendig og i team. Vi arbeider etter prinsippa for kontinuerleg forbetring (Lean).

Som kontorleiar vil du ha fag-, budsjett- og personalansvar for Nav Arbeidslivssenter Vestland, og rapporterer til Avdelingsdirektør for Arbeid og helse i Nav Vestland. Du vil leie di eiga leiargruppe beståande av 2 avdelingsleiarar og 2 fagkoordinatorar. Du vil og ha direkte personalansvar for desse. Rolla inngår i Avdelingsdirektør for Arbeid og helse sitt leiarteam og i Avdelingsdirektøren si arbeidsgruppe, som bidreg til utvikling og prioritering på tvers av verksemda.

Nav Vestland er organisert i ni regionar og Arbeidslivssenteret er geografisk fordelt til dei ulike regionane. Som kontorleiar vil du ha arbeidsstad ved eitt av regionskontora. Du må forventa arbeidsdagar på fleire av stadane, noko reiseverksemd må derfor påreknast. Avdelingsdirektør har arbeidsstad i Bergen, og regelmessig nærvær i Bergen vil vere nødvendig. Leiargruppa i eininga samarbeider tett. I kvar region samarbeider vi også med Nav si lokale leiargruppe.

Arbeidsoppgåver

Personal-, fag- og resultatansvar for senteret
Vere ein pådrivar for kontinuerleg utvikling av kompetanse og tenester innafor dei ulike fagområda i senteret
Jobbe aktivt mot arbeidsmarknadane og interesseorganisasjonar
Delta aktivt i avdelingsdirektøren si leiargruppe og bidra til heilskaplege løysingar med regionkontora i bu- og arbeidsregionane, og samtidig leie og utvikle eiga leiargruppe 
Sikre eit godt og hensiktsmessig samarbeid med dei ulike regionane og lokale Nav-kontor
Vidareutvikle tenester i eit tverrfagleg samarbeid med dei tilhøyrande regionkontora
Støtte utviklingsarbeidet for den einskilde medarbeidar  
Sikre likeverdige tenester i heile fylket innan eige ansvarsområde

Nav er ein organisasjon i stadig endring og utvikling, du må derfor pårekne endringar i ansvar og arbeidsoppgåver. Administrasjonsspråket i Nav Vestland er nynorsk.

Kvalifikasjonar

Du må ha:

fullført utdanning på minimum bachelornivå. Relevant erfaring og/eller utdanning kan kompensere for kravet til utdanning.
leiarerfaring, fortrinnsvis frå leiing av kunnskapsmedarbeidarar og/eller tilsette i endringsprosessar
forståing for leiing i staten og samfunnsoppdraget til Nav
erfaring med tenesteområda for senteret
erfaring frå prosess- og læringsaktivitetar
førarkort klasse B

Det er ein fordel om du har:

utdanning eller vidareutdanning i leiing
erfaring med å leie leiarar og/eller arbeide på eit strategisk nivå
erfaring med strategisk planlegging, organisasjonsutvikling og implementering av tiltak på tvers av avdelingar
god forståing for prosessleiing med LEAN som metode

Personlege eigenskapar

Vi ser etter deg som:

har leiareigenskapar i tråd med etaten sine verdiar og krav til leiing
utøver ditt leiarskap etter prinsippa for tillitsbasert leiing
kan forstå komplekse problemstillingar og sjå heilskap i organisasjonen, samt omsette strategi til operasjonelle tiltak
har gode evne til å skape eit inkluderande arbeidsmiljø med fokus på utvikling, motivasjon og engasjement på tvers av avdelingar og lokasjonar  
har evne til å skape tillit gjennom kommunikasjon og samarbeid, både internt og eksternt

Som tilsett hos oss får du

Spennande og meiningsfylte arbeidsoppgåver innafor eit viktig samfunnsområde 
Moglegheit for å forme ny leiarrolle med strategisk påverknad og operativt eigarskap
Eit aktivt og engasjert arbeidsmiljø  
Fleksibel arbeidstid og mogelegheit for trening i arbeidstida
Stillinga blir plassert i stillingskode 1054 kontorsjef i lønnsspenn 750 000 kr - 850 000 kr. For særs kvalifiserte søkarar kan høgare løn vurderast. 
God pensjonsordning, låneordning og forsikringar gjennom Statens pensjonskasse

Les meir om Nav som arbeidsgivar

Kontaktinformasjon

Thorleif Nesse, Avdelingsdirektør, 406 06 621, thotleif.oivind.madsen.nesse@nav.no

Arbeidsstad

Møllendalsveien 8
5009 Bergen

Nøkkelinformasjon:

Arbeidsgivar: NAV

Referansenr.: 5023400142
Stillingsprosent: 100%
Fast
Søknadsfrist: 23.10.2025

Cookies for en trygg og bedre tjeneste

Rapporter annonse