Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video: https://youtu.be/M5n6RnScNgA

Om stillinga:

Ved Universitetsbiblioteket i Bergen er det ledig ei fast 100 % stilling som seksjonssjef (kode 1211) i seksjonen for brukarmøte og akademiske ferdigheiter.

Seksjonssjef for brukarmøte og akademiske ferdigheiter
Vi søker etter ein pådrivar som skal bygge opp ein ny seksjon og skape saumlause, inspirerande og inkluderande brukarmøte for både studentar og forskarar ved universitetet. Seksjonen er inngangsporten til universitetsbibliotekets tenester, og spiller ei sentral rolle i møte med våre brukarar.

Seksjon for brukarmøte og akademiske ferdigheiter har ansvaret for drift og utvikling av fysiske og digitale førstelinetenester, dokumentlevering, lærings- og bibliotekareal, kurs og rettleiing, samt forvaltning av dei fysiske samlingane. Seksjonen har strategisk ansvar for UBs dialog med fagmiljø og studentar på tvers av fakulteta, og for bibliotekets samla undervisningstilbod. Seksjonen samarbeider tett internt og eksternt. Seksjonen har også ansvar for Digital Lab, ein tverrfagleg møtestad som støttar bruk og utvikling av digitale verktøy og metodar for forskarar, undervisarar og studentar.

Seksjonssjefen rapporterer til bibliotekdirektøren og inngår i bibliotekdirektørens leiargruppe. Det vert forventa at seksjonssjefen aktivt bidreg i leiargruppa og tar eit heilskapleg ansvar for universitetsbibliotekets samla oppgåveportefølje.

Universitetsbiblioteket er under omstilling. Seksjonssjefen får ansvar for å byggja opp den nye seksjonen for brukarmøter og akademiske ferdigheiter med om lag 35 tilsette.

Ansvars- og arbeidsområde:

Leiing og strategisk utvikling av seksjonens arbeid i tråd med universitetsbibliotekets målsettingar
Økonomi-, drifts- og resultatansvar
Overordna personalansvar for alle tilsette i seksjonen og direkte personalansvar for to gruppeleiarar
Leiing og koordinering av tverrgåande arbeidsprosessar internt og eksternt

Kvalifikasjonar og eigenskapar:

Kvalifikasjonskrav:

Høgare utdanning på minst masternivå. I særskilte tilfelle kan relevant realkompetanse kombinert med relevant etter- og vidareutdanning kompensere for utdanningskravet.
Du må ha gode leiareigenskapar og leiarerfaring med dokumenterbare resultat
Kunnskap om UH sektoren er ein føresetnad
Erfaring med drift og utvikling av bibliotektenester er eit fortrinn
Erfaring med utforming av bibliotek- og læringsareal er eit fortrinn
Erfaring med undervisning, rettleiing, formidling og arrangement er eit fortrinn
Gode IT-kunnskapar og digitale ferdigheiter blir vektlagt
Du må ha god munnleg og skriftleg framstillingsevne på norsk og engelsk

Personlege eigenskapar:

Opptatt av brukarperspektivet i tenesteutvikling
Strategisk, handlekraftig og med høg arbeidskapasitet
Initiativrik, utviklingsorientert og nytenkjande
Gode samarbeids- og kommunikasjonsevner og som også evner å jobbe sjølvstendig
Motiverande og legg til rette for eit godt arbeidsmiljø

Ved vurdering av søkjarane vil det bli lagt stor vekt på dei personlege eigenskapane som er naudsynte for stillinga.

Vi tilbyr:

UB kan tilby eit godt arbeidsmiljø med kunnskapsrike medarbeidarar. Den som vert tilsett vil få ein unik sjanse til å vera med å forma ein spennande organisasjon i tråd med UiB sine faglege og strategiske mål.
Løn som seksjonssjef (kode 1211) i årsløn kr. 870 000 - kr. 900 000 i det statlege lønsregulativet, avhengig av kvalifikasjonar. For særleg kvalifiserte søkjarar kan høgare løn vurderast.
Medlemskap i Statens pensjonskasse
Gode velferdsordningar (https://www.uib.no/foransatte/17399/velferd)

Generell informasjon:

Utfyllande opplysningar om stillinga kan ein få ved å vende seg til bibliotekdirektør Maria-Carme Torras Calvo, telefon 91545139 / 55582501, e-post: maria.carme.torras@uib.no.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen arbeider målbevisst for økt likestilling og vektlegger kjønnsbalanse og mangfold i ledergruppene. Kunnskap om og resultater fra aktivt likestillings- og mangfoldsarbeid tillegges vekt ved rekruttering av ledere.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her (https://www.uib.no/hr/74251/ansettelsesprosessen).

Rapporter annonse