Vert du sjarmert av miljøet som vert skildra i tv-serien «Alt for Årdal»? No er det er ledig stilling som sokneprest i Sogn prosti med sokna i Årdal som tenestestad!

Kyrkja i Årdal ønskjer å verta opplevd som ei open og inkluderande folkekyrkje. Kyrkje og kommune har felles mål: saman om eit godt lokalsamfunn.

Årdal er ei perle når det gjeld naturopplevingar, med eit vell av moglegheiter for friluftsliv. Med Jotunheimen som nærast nabo, ligg Årdal inst i Sognefjorden, og utgjer saman med kommunane Lærdal og Aurland eit naturleg og nært samarbeidsområde. Årdal har to sokn og to kyrkjer, Nedre Årdal sokn med Årdal kyrkje (1867) og Øvre Årdal sokn med Farnes kyrkje, ei særs tenleg arbeidskyrkje frå 1970. Det er gode arbeidstilhøve med tenlege kontor, og kyrkjelydshus tett ved Årdal kyrkje.

Årdal er ei folkekyrkjebygd, der folket er glade for ei fast og stabil presteteneste. Det er ynskeleg med engasjement for ei open og inkluderande kyrkje, då kyrkja i Årdal gjev gode høve til å koma i kontakt med det breie lag av folket. For kyrkja i Årdal står trusopplæring og kyrkjemusikalsk samarbeid med kulturlivet sentralt. Eit nytt arbeid som har sett kyrkja i Årdal på kartet, er Vaffelhjarte-kafè, ein inkluderande og internasjonal møteplass som famnar breitt i bygda.

Det er svært god oppslutning om dåp, konfirmasjon og trusopplæringstiltaka.

Nøkkeltal for dei to sokna tilsaman i 2023 er 71 gudstenester, 29 døypte, 46 konfirmerte, 7 vigsler og 65 gravferder.

I Årdal vil du møta ein kreativ stab som likar å gjera kvarandre gode gjennom tverrfagleg samarbeid. I staben er det kyrkjeverje (60%), trusopplærar (75%), to organistar (100% og 50%) sekretær (100%) og kyrkjetenar (100%). I tillegg til den utlyste 100% sokneprestestillinga, er det ein 50% sokneprest som er medlem i Øvre Årdal sokneråd. Den som vert tilsett, vil bli fast medlem i Nedre Årdal sokneråd. Det vil elles vera samarbeid om kyrkjelege handlingar i samarbeidsområdet Årdal, Lærdal og Aurland.

Sogn prosti omfattar kommunane Vik, Sogndal, Luster, Årdal, Lærdal og Aurland. Sokneprestane i Årdal vil ha samarbeid med Aurland og Lærdal om mellom anna tenesteveker og konfirmant-arbeid. Prestetenesta i prostiet vert leia av prosten. Med jamne mellomrom samlar prosten prestane i prostiet til fagleg utvikling, åndeleg fellesskap og kollegafellesskap.

Skriftspråket er nynorsk.

Søkjar må ha førerkort og disponere bil.

Bjørgvin bispedøme skal vere ein arbeidsplass med rom og respekt for mangfald, uavhengig av kjønn, alder, etnisk bakgrunn, seksuell orientering og funksjonsevne. Vi oppfordrar alle kvalifiserte kandidatar til å søke.

Det vil bli utarbeida ei offentleg søkjarliste etter offentleglova § 25, jf. kyrkjeordning for Den norske kyrkja § 42. Dersom du ønskjer unntak for denne, må du grunngje det i søknaden. Søkjarlista kan bli offentleg sjølv om du ber om unnatak. Grunnlag for handsaming etter personvernforordninga er artikkel 6 nr. 1 bokstav b og artikkel 9 nr. 2 bokstav b og g.

Den som blir tilsett må vise tilfredsstillande politiattest (barneomsorgsattest) jf. politiregisterloven § 39 jf. trossamfunnsloven § 20.

Vi ber om at søknad med CV, vitnemål og referansar vert sendt elektronisk via Webcruiter.

Arbeidsoppgåver

Strategisk utvikling av gudstenesta og kyrkjelydsliv i samarbeid med råd og tilsette
Samarbeid med skule og nærmiljø
Beredskap etter gjeldande ordning for Den norske kyrkja

Kvalifikasjonar

Cand.theol. med praktikum eller tilsvarande/master i teologi og praktikum
Medlemskap i Den norske kyrkja

Personlege eigenskapar

Evne til å bygge inkluderande relasjonar
Gode samarbeidsevner
Gode kommunikasjonsevner med menneske i alle aldrar
Ynskjer å vere kontaktskapande gjennom engasjement for lokalsamfunn og folkekyrkje
Søker må kunne samarbeide også liturgisk med kollegaer uavhengig av kjønn eller teologisk usemje

Vi tilbyr

Stillingskode 1555 sokneprest etter KA sitt tariffområde
Pensjonsordning hos KLP
Reiseutgifter godtgjort etter gjeldande regulativ
Til løna kjem særskilte regulativmessige godtgjersler
Arbeidsvegleiing (ABV)
Hjelp til å skaffe bustad, i samarbeid med Tilflyttar-kontoret i Årdal kommune

Kontaktinformasjon

Kjell Olav Høstaker Nordheim, Prost i Sogn, 48243056
Therese Nesse Mokkelbost, HR-sjef i Bjørgvin bispedøme, 93612276

Arbeidsstad

Statsråd Evensens veg 1
6885 Årdalstangen

Nøkkelinformasjon:

Arbeidsgivar: Den norske kirke

Referansenr.: 4903763623
Stillingsprosent: 100%
Fast
Søknadsfrist: 09.03.2025

Informasjonskapsler på arbeidsplassen.no

Rapporter annonse