Vil du ha ein variert arbeidskvardag der du jobbar tett med både kundar og verkstad?

Hos oss får du ei nøkkelrolle i kundereisa – og moglegheit til å påverke korleis vi jobbar med service og kvalitet.

Vi jobbar etter prinsippa «litt betre kvar dag» og «kvalitet i alle ledd» – og søkjer no både kundemottakar/delelager-medarbeidar og kundevert.

Kundemottakar / delelager-medarbeidar

Dette er rolla for deg som vil ha ei sentral rolle i verkstaden og vere bindeleddet mellom kunde, mekanikar og delar.

Du vil mellom anna:

ta imot og følgje opp kundar – fysisk, på telefon og e-post
koordinere verkstadoppdrag og planleggje arbeid saman med verkstaden
registrere og følgje opp arbeidsordre
bestille, handtere og organisere delar og lager
sikre rett del til rett jobb til rett tid
bidra til meirsal og gode kundeopplevingar
utvikle og vidareutvikle butikkdelen vår

Dette er ei variert rolle med både kundekontakt, logistikk og ansvar.

Kundevert

Dette er rolla for deg som trivst i front og skaper gode førsteinntrykk. Du er den første kunden møter og den som sørgjer for at opplevinga blir trygg, profesjonell og positiv.

Du vil mellom anna:

vere første kontaktpunkt for kundane
ta imot og levere ut bilar
booke verkstadtimar og følgje opp kundar
forklare arbeid på ein trygg og forståeleg måte
handtere betaling, fakturering og enkle avklaringar
jobbe aktivt med kundedialog og oppfølging
bidra til god flyt og struktur i kundemottaket

Dette er ei rolle for deg som likar menneske og skaper tillit.

Kven vil trivast i rolla?

Du vil trivast hos oss dersom du:

likar å jobbe med menneske og skape gode opplevingar
trivst i ein variert kvardag med høgt tempo
er strukturert og følgjer opp oppgåver heilt til dei er løyste
likar å ha oversikt og skape orden
tek initiativ og ser kva som kan forbetrast

Det er ein fordel om du:

har erfaring frå bilbransjen, verkstad eller kundemottak
har jobba med kundeservice tidlegare

Men det viktigaste er at du har rett innstilling og vilje til å lære.

Kva kan vi tilby deg?

Ei spennande og variert arbeidshverdag
Gode moglegheiter for utvikling i ein etablert og framtidsretta bilforhandlar
Opplæring og sertifisering gjennom våre importørar og samarbeidspartnarar
Konkurransedyktige vilkår
Moderne lokale og eit positivt, engasjert arbeidsmiljø

Klar for å bli ein del av teamet? Send oss ein søknad – vi vurderer kandidatar fortløpande og gler oss til å høyre frå deg

Om Bilhuset Førde

Bilhuset Førde AS er ein autorisert forhandlar av Mercedes‑Benz, KIA og Peugeot, og held til i moderne og oppgraderte lokale på Øyrane 6 i Førde. Verksemda omfattar sal av nye og brukte bilar, eigen bruktbilhall og verkstad under same tak – tilrettelagt for ei effektiv og heilskapleg kundeoppleving.

I 2025 oppnådde vi ein omsetnad på 229 millionar kroner, med totalt 445 selde nye og brukte bilar. Dette stadfestar ein solid posisjon i regionen. Samstundes viser historikken eit endå større potensial, mellom anna med 600 selde bilar i 2021 og ein toppomsetnad på 316 millionar kroner i 2022.

Den nye butikken, som vart opna i 2021, gir god plass og oversikt over både nye og brukte bilar. Med eigen bruktbilhall er det enkelt å ta turen innom for å sjå utvalet. Finn vi ikkje den rette bilen hos oss der og då, skaffar vi han. For verkstadkundar tilbyr vi mellom anna lånekontor, slik at du kan jobbe effektivt eller delta i digitale møte medan bilen er til service.

I desse dagar er vi i gang med ei ny oppgradering av verkstaden, der vi riggar oss for framtida og aukande behov i marknaden. Oppgraderinga gjer oss i stand til å utføre service og reparasjonar på minibussar og større campingbilar, bygd på Peugeot‑ og Mercedes‑Benz‑chassi, og styrkar ytterlegare vår posisjon innan varebil- og nyttekøyretøysegmentet.

Bilhuset Førde AS er eigd 60 % av Bilgruppen og 40 % av ANI Gruppen, og er medlem av Norges Bilbransjeforbund. Gjennom vår importør Bertel O. Steen vert det stilt høge krav til kvalitet, kompetanse og profesjonalitet. Alle våre tilsette gjennomfører jamleg opplæring og sertifisering for å sikre høg fagleg standard.

Vi arbeider etter prinsippa om kontinuerleg forbetring og å bli litt betre kvar dag.

Kvalitet i alle ledd er ikkje berre eit slagord hos oss – det er ein standard vi lever etter, i møte med kundar, samarbeidspartnarar og framtida.

Rapporter annonse