Det er ledig stilling som Prest under utdanning (PUU-stilling) med teneste som kapellan i Vågøy og Myrbostad sokn i Molde domprosti.

Stillinga er fast og vert lyst ut som ei rekrutteringsstilling innanfor ordninga Prest under utdanning. I stillinga er det sett av tid til studiar, normalt 40%. For å kunna gå inn i stillinga, kan du mangle maksimalt 120 studiepoeng på å oppfylla kvalifikasjonskrava for kyrkjelydsprestar. Det vert gjeve inntil 4 år for å fullføra studiane.

Ved tilsetting utarbeidar du saman med arbeidsgjevar og studiestad ein individuell plan for studieprogresjon og arbeidsmengde. Undervegs i studiet følgjer du programmet for Vegen til vigsling (VTV), og får i tillegg oppfølging av ein personleg mentor som er ein erfaren prest. Ved fullført studieløp og VTV er du kvalifisert for å kunna vigslast til presteteneste i Den norske kyrkja, og du vil gå over i fast stilling som kapellan i Myrbostad og Vågøy sokn i Molde domprosti.

Etter fullførte studiar vert stillinga lønna etter vilkår i gjeldande tariffavtale for den aktuelle stillingstypen. Det vil normalt vera 2 års bindingstid etter studieperioden.

Dersom du ønskjer å søkja stillinga, må du kontakta ein utdanningsinstitusjon for å få ei stadfesting på at du er kvalifisert til opptak på aktuelle studiar. Du som søkjer stillinga vert oppfordra til å skissera eit konkret studieløp som ein del av søknaden. Les meir om ordninga Prest under utdanning på kirken.no eller ta kontakt med oss om du har spørsmål.

Om kyrkjelyden
Vågøy og Myrbostad sokn har eit innbyggjartal på om lag 6.000, ligg rundt Frænfjorden og omfattar m.a. kommunesentret Elnesvågen.

Prestane og dei fellesrådstilsette i Hustadvika har kontor- og stabsfellesskap på kyrkjekontoret i Elnesvågen og på kyrkjekontoret på Eide. Her vil du jobbe i fellesskap med dei 3 andre prestane, kyrkjeverje, assisterande kyrkjeverje, tre organistar, diakon, kyrkjelydspedagog, kontorfullmektig, kyrkjetenarar og kyrkjegardsarbeidarar. Hustadvika har ein godt utbygd trusopplæringsplan og kyrkjelydspedagogen har ansvar for trusopplæringa. Denne stillinga er finansiert ved trusopplæringsmidlar.

I Hustadvika er det fleire bedehus med god aktivitet. Elnesvågen bedehus blir mykje nytta av kyrkja til m.a. konfirmantundervisning og trusopplæringstiltak. I Hustad sokn er det òg ein leirstad eigd av Nordmøre og Romsdal Indremisjon. Mykje kyrkjebyggjande arbeid blir gjort av uløna og engasjerte medarbeidarar. Der er vaksenkor knytta til kyrkjelydane i Elnesvågen. Alle sokna har inngått avtale om misjonsprosjekt. I mange bygdelag er det misjonsforeiningar. Det finst søndagsskular i fleire bygdelag og speidararbeid fleire stader.

Stillinga har Vågøy og Myrbostad sokn som særskilt arbeidsområde. Soknet har to kyrkjer. Dei fire prestane i Hustadvika samarbeider om prestetenesta i dei fire sokna, Vågøy og Myrbostad, Bud, Hustad og Eide. Molde domprosti er tenestedistrikt. Prestane i Domprostiet møtest regelmessig til kollega- og fagsamlingar.
Soknepresten i Vågøy og Myrbostad er næraste overordna.
Du kan lese meir om Kyrkja i Hustadvika og Hustadvika kommune

Søknad med CV, vitnemål og referansar sendes til vårt elektroniske system, Webcruiter. Dersom du ikkje ønsker namnet ditt på den offentlege søkjarlista, må dette grunngjevast i søknaden. Grunnane vil bli vurdert individuelt. Dersom bispedømeadministrasjonen ikkje finn dei tilstrekkelege, vert søkjaren kontakta før søkjarlista vert offentleggjort.

Arbeidsoppgåver

Kapellanene skal i tråd med "Tjenesteordning for menighetsprester" forvalte Ord og sakrament slik at kristen tru og liv blir fremja i kyrkjelyden.
I tillegg til gudstenester, tenesteveker som blir fordelte etter oppsett arbeidsplan, tek presten del i dåps- og konfirmantopplæring, sjelesorg og andaktar på sjuke- og aldersinstitusjonane. Det vil så langt råd bli teke omsyn til kompetanse, erfaring og interesse i fordelinga av oppgåvene mellom prestane.

Kvalifikasjonar

Kandidat som med 120 stp kan oppnå cand.theol/kvalifikasjonskravene i § 3.2
Søkjerar som oppfyller kvalifikasjonskrava for prest, kan søke på kapellanstillinga og tilsettast på ordinære vilkår
Søker må kunne samarbeide også liturgisk med kollegaer uavhengig av kjønn eller teologisk uenighet.

Utdanningsnivå

Annet
Annet
Annet

Personlege eigenskapar

Personlege og faglege eigenskapar vil bli vektlagt.
God samarbeidsevne og syn for heilskapen i kyrkjelyden
Evne til å komme i kontakt med folk og bygge nettverk.
Evne til å formidle evangeliet til ulike aldersgrupper

Vi tilbyr

Løn etter hovedavtalen i KA, som prestevikar stillingskode 0950. Innskot i Statens pensjonskasse/Pensjonsinnskot
Inntil 40% avsatt tid til studier i 4 år, deretter fast tilsetting som kapellan
Godtgjersler og tilskot etter dei vilkår som til kvar tid er fastsette. Den som vert tilsett, må rette seg etter endringar i lover, tariffavtalar, særavtalar, reglement m.v og andre avgjerder som kan ha verknad på gjeremåla i tenesta
Gode vilkår for kompetanseutvikling, arbeidsvegleiing (ABV) og andre former for vegleiing.
Eit godt samarbeid mellom dei tilsette i prostiet, og prestane møtest regelmessig til morgonbøn og tekstsamtale og andre kollega- og fagsamlingar.

Anna:

For å bli tilsett må ein ha sertifikat og kunne disponere eigen bil.
Den som får tilbod om stillinga må leggje fram politiattest, jfr Lov om tros- og livssynssamfunn § 20.
Det er innført prøvetid på 6 månader for alle faste tilsette.
Møre bispedømme arbeider for å oppnå ei balansert alders- og kjønnssammensetning og ønsker å legge til rette for menneske med redusert funksjonsevne.

Kontaktinformasjon

Olav Gading, Domprost, (+47) 91 84 60 26, olav.gading@molde.kirken.no
Lars Skagestad, Rådgjevar, (+47) 90 98 63 53, ls273@kirken.no

Arbeidssted

Bøen 7
6440 Elnesvågen

Nøkkelinformasjon:

Arbeidsgiver: Molde domprosti

Referansenr.: 4629859375
Stillingsprosent: 100%%
Søknadsfrist: 05.05.2023

Informasjonskapsler på arbeidsplassen.no

Rapporter annonse