Helse Bergen, Haukeland universitetssjukehus har ledig to faste stillingar for lege i spesialisering i blodsjukdommar. Tilsetjing etter avtale. Vi prioriterer søkarar med interesse for indremedisin og blodsjukdommar. Etter fullført spesialisering vil stillinga bli omgjort til stilling som legespesialist.

Medisinsk klinikk har om lag 600 tilsette og har seksjonar for blodsjukdommar, hormonsjukdommar, fordøyingssjukdommar, infeksjonssjukdommar og nyresjukdommar. Klinikken omfattar og seksjon for klinisk ernæring og seksjon for sosionomtenester.

Seksjon for blodsjukdommar diagnostiserer og behandlar pasientar med ulike sjukdommar i blod og beinmarg. Seksjonen har regionalt ansvar for behandling av akutte leukemiar og autolog stamcelletransplantasjon for plamsacellesjukdommar, samt fleir-regional funksjon for allogen stamcelletransplantasjon saman med Oslo Universitetssjukehus. Seksjonen har og nasjonal oppgåve for autolog stamcelletransplantasjon for multippel sklerose. I mars 2025 flytta sengepost og poliklinikk til nye lokale og ein opna ei utvida transplantasjonseining. Seksjonen har ein sengepost med 18 heildøgnsenger, tre dagbehandlingsplassar og ei stor poliklinisk verksemd, med om lag 12000 årlege konsultasjonar og behandlingar.

Seksjonen har og ein stor utdanningsaktivitet for medarbeidarar. Seksjonen har stor og aukande forskingsaktivitet, der Klinisk Institutt 2 ved Universitetet i Bergen er største samarbeidspartnar. Det er knytt 2 professorar til seksjonen og ein 1ste amanuensis i delt stilling.

Vedkommande som får tilbod om tilsetjing må legge fram godkjend politiattest (vandel) jfr. Lov om helsepersonell §20a.

Arbeidsoppgåver

Delta i seksjonen sine ulike aktivitetar
Delta i medisinsk forvaktsordning
Delta i undervisning i Medisinsk klinikk og seksjon for blodsjukdommar
Kliniske undervisning for studentar inngår i oppgåvene

Kvalifikasjonar

Den som blir tilsett som LIS må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggast til grunn for tilsetting i LIS 2/3-stilling i indremedisin
Ved rangering blir det lagt vekt på gjenståande tid til spesialitet, opparbeida kompetanse og referansar/personlege eigenskapar
Søkjar må meistre norsk munnleg og skriftleg

Personlege eigenskapar

Vi søker etter lege med interesse for indremedisin og blodsjukdommar
Bør ha stor arbeidskapasitet og gode evner til pasientretta arbeid
Bør vere ryddig, godt motivert, fleksibel og ha gode samarbeidsevne

Vi tilbyr

Stimulerande og aktivt arbeidsmiljø i ei avdeling med høg fagkompetanse og sterkt fokus på praktisk og teoretisk opplæring, undervisning og forsking på høgt internasjonalt nivå
Gode tilhøve for deltaking i forsking
Gode pensjons- og forsikringsordningar
Lønn etter gjeldane overeinskomstar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Astrid Olsnes, Seksjonsoverlege, 55970564

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 4953990861
Stillingsprosent: 100%
Fast
Søknadsfrist: 04.05.2025

Informasjonskapsler på arbeidsplassen.no

Rapporter annonse