Ved Askvoll helsestasjon i Askvoll kommune har vi ledig 100 % mellombels stilling som helsesjukepleiar i tida 01.08.2026-30.07.2027, med moglegheit for forlenging.

I vår kommune er vi opptatt av at tenestene skal vere fagleg gode og medverke til god livskvalitet. Helsestasjonen i Askvoll kommune inneheld jordmorteneste, helsestasjon for barn og ungdom og skulehelseteneste. Helsestasjonen legg vekt på tidleg innsats, der fleire tenester og faggrupper jobbar saman for å nå felles mål.

Helsestasjonen er lokalisert i fine lokale i sentrum av Askvoll, i tilknyting til Askvoll legesenter.

Arbeidsoppgåver:

Helsefremjande og førebyggjande oppgåver i samsvar med nasjonalfaglege retningslinjer for helsestasjon og skulehelsetenesta
Helsestasjonskontrollar av barn i aldersgruppa 0- 5 år, gjennomføring og oppfølging av barnevaksinasjonsprogrammet
Skulehelseteneste, med oppfølging av elevar individuelt og undervisning i grupper/ klassar
Helsestasjon for ungdom
Flyktninghelseteneste
Tverrfagleg samarbeid
Plan- og systemarbeid

Kvalifikasjonar:

Autorisasjon som helsesjukepleiar
Ønskjeleg med erfaring frå helsestasjon og eller skulehelsetenesta
Ønskjeleg med erfaring med foreldrerettleiing
Gode norskkunnskapar munnleg og skriftleg
Den som blir tilsett må ha førarkort
Det er krav om framlagd politiattest før oppstart

Personlege eigenskapar:

Ha gode samarbeids- og kommunikasjonsevner
Er sjølvstendig, positiv, fleksibel og fagleg engasjert
Ha evne til å samhandle og arbeide tverrfagleg
Like utfordringar og er løysingsorientert
Kan møte menneske i ulike livssituasjonar og med ulike behov på ein verdig og respektfull måte
Ha evne til å handtere tidvis travle periodar og høgt tempo

Vi tilbyr:

Varierte og spennande arbeidsoppgåver i eit aktivt og positivt arbeidsmiljø
Offentleg pensjonsordning (KLP)
Løn etter sentralt løns- og stillingsregulativ, og lønspolitisk plan

Noko kveldsarbeid kan førekomme i samband med deltaking på foreldremøter.

Tilsetjing skjer på dei vilkår og med dei plikter som til ei kvar tid går fram av gjeldande lover, reglar og tariffavtalar.
Askvoll kommune legg vekt på mangfald på arbeidsplassen og oppfordrar kvalifiserte kandidatar til å søkje - uavhengig av alder, seksuell orientering, kjønn og kjønnsidentitet, funksjonsnedsetting og nasjonal eller etnisk bakgrunn. Arbeidsvilkåra vert tilrettelagde for personar med nedsett funksjonsevne.

Vi gjer merksam på at søkjarar vil verte offentleggjort (offentleg søkjarliste). Søknadar om å verte unnateke offentlegheita må grunngjevast, og vert vurdert fortløpande. Dersom det ikkje er særlege grunnar for å unnta offentleggjering, vil søkjaren bli kontakta og få høve til å trekke søknaden sin før søkjarliste blir gjort offentleg.

Link til søknadsskjema: Søk her

Rapporter annonse