Sekse barnehage og SFO:

Ledig fast stilling som pedagogisk leiar 100%, dersom det ikkje er kvalifiserte søkerar vil andre verte vurderte. Oppmodar derfor andre, helst med treårig høgskuleutdanning til å søkje.

Sekse barnehage ligg plassert ca. midt på austsida av Sørfjorden, midt mellom fjord, fjell og gardar. Her er det fin pendleavstand til både Odda og Kinsarvik. Plasseringa gjer oss òg mange moglegheiter til variert uteliv, noko barnehagen nyttar seg mykje av i kvardagen. Me samarbeider godt med bønder og andre i nærmiljøet. Barnehagen som ligg i den gamle skulen på Sekse gjer at me har mykje areal som gjer oss unike moglegheiter for å leggja til rette for barna sin trivsel og utvikling. Barnehagen har no i haust 36 barnehageplassar fordelt på to avdelingar, i tillegg har me ettermiddags SFO.

Me ynskjer oss ein pedagogisk leiar som evnar å ta barnas perspektiv, og til å sjå og skapa gode relasjonar med alle barna. I Sekse barnehage og SFO ser me på alle barn, føresette og kollegaer som betydningsfulle og viktige for fellesskapet.

Du må ha evne til refleksjon, gjera vurdering og setja inn tiltak til det beste for barna. Me ynskjer oss ein pedagogisk leiar med gode samarbeidsevner, både med interne og eksterne aktørar. For å få til dette set me gode kommunikasjonsferdigheiter høgt. Me har jobba med at me skal både gje og få konstruktive tilbakemeldingar på ein god måte. Me har eit stort fokus på eit godt arbeidsmiljø, og me ser etter nokon med godt humør og positiv innstilling, nokon som er løysningsorientert, fleksibel og kreativ.

Som pedagogisk leiar vert det viktig å vera ein synleg og tydeleg leiar Du er opptatt av kvalitet i barnehagen, og ynskjer å utvikle deg faglig. Du må ha evne til å vere med på å utvikle verdiane og læringsmiljøet i barnehagen. Som leiar må du har fokus på å inspirera og involvere medarbeiderar i arbeidet mot felles mål. Du må ha gode fremdrifts- og gjennomføringsevner, og stå trygt i utfordrande situasjonar - men søkje hjelp når du står fast.

Ring gjerne verksemdsleiar Kristina Garen på telefon 48137843, eller send ein mail til kristina.garen@ullensvang.kommune.no for meir informasjon. Me ser fram til å høyre frå deg!

Arbeidsoppgåver:

Som pedagogisk leiar har du ansvar for

barna sin trivsel og utvikling i det daglige arbeidet med barna.
å planleggja, tilretteleggja, gjennomføra, vurdera og dokumentera det pedagogiske og praktiske arbeidet på avdelinga i samsvar med gjeldande lovverk
å medverka til eit godt arbeidsmiljø
å leggja til rette for eit godt foreldresamarbeid.
å vurdera avdelingen sine samla ressursar; som medarbeidarens kvalifikasjonar, tid ein har til disposisjon, barnehagens fysiske rammebetingelsar og barnegruppas forutsetningar.
at barn med spesielle behov vert integrerte i barnehagen, og har nytte av barnehagetilbodet
gje pedagogisk rettleiing på avdelinga
tverrfagleg samabeid med ulike instansar

Kvalifikasjonar:

Utdanning som barnehagelærar

Me/vi tilbyr:

Varierte arbeidsoppgåver i eit travelt, men kjekt arbeidsmiljø
Løn etter hovudtariffavtalen
Løn etter avtale (avhengig av stilling)
Gode rekrutteringsavtalar for utdanna barnehagelærerar
- Rekrutteringstilskot:
  Etter 1 år i arbeid kr.: 30 000,- (utbetaling etter 1 år i stillinga)
  Etter 2 år i arbeid kr.: 30 000,- (utbetaling etter 2 år mnd i stillinga)
Pedagogisk leiar tillegg: 36 000,-
Gode moglegheiter for kompetanseheving med støtte frå kommunen
Gode permisjons- og pensjonsvilkår.
Rekrutteringsbustad i Hovlandstunet

Krav:

Ved tiltreding må gyldig politiattest og tuberkulinstatus leggjast fram, jf. lov om barnehage.
Norskkunnskapar tilsvarande nivå B2 på delprøvane i skriftlig framstilling, leseforståelse, lytteforståelse og muntlig kommunikasjon., jf. lov om barnehage.

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:
Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/

Link til søknadsskjema: Søk her

Informasjonskapsler på arbeidsplassen.no

Rapporter annonse