I mai 2025 flyttar me inn i Noregs finaste sjukeheim! Eit høgteknologisk, topp moderne bygg med flotte fasilitetar og god plass. For oss er det viktig å bruke rett kompetanse til rett tid. Helsepersonell skal få bruka tida si på helsehjelp.

No søker me etter 3 husassistentar i faste stillingar, som skal løyser oppgåver som ikkje krev helsefagleg kompetanse. Stillingane er på 82,16% i turnus med langvakter og arbeid kvar 3. helg. Me søkjer deg som trivast med folk og møter pasientane våre på deira premisser.

Om eininga

Nye Suldal sjukeheim får 38 plasser fordelt på to avdelingar. Suldal sjukeheim er heimen til innbyggjarane som av ulike orsakar ikkje har helse til å bu i eigen heim lenger. Me har langtidsplassar og korttidsplassar, kommunal akutt døgnpost, og drive avansert sjukepleie og medisinsk behandling. Me driv rehabilitering, avlastning og palliativ omsorg ved livets slutt. Innan fem år har me mål om å vera sertifisert Livsglede sjukeheim. Å ha gode etiske haldningar og tid til refleksjon er viktig for oss. Me har fokus på gode pasientforløp og jobbar etter «Kva er viktig for deg?» prinsippet. Me yt personsentrert omsorg, og er i ferd med å implementere TID-modellen.
Me har eige kjøkken og vaskeri, og samarbeider tett med helseavdelinga, tildelingskontoret og Suldal heimetenester.

Korleis kan du lukkast og trivast hos oss?
Dersom du trivast med høgt tempo, er opptatt av å bidra til eit trygt og godt bu- og arbeidsmiljø, vil du trivast og lukkast hjå oss. Om du i tillegg er systematisk og strukturert og har gode samarbeidsevner er me sikre på at du vil finne plassen din hjå oss!

Kva kan me tilby som arbeidsplass?

Du vil få arbeid med avlaste og legge til rette for at helsepersonell får nytte kompetansen sin til pasientanes beste.
Dyktige og erfarne kollegaer
Unike ordningar for kompetanseutvikling og utdanning. Vil du utvikla deg i ein ret-ning, og me deler draumen din – er me gjerne med og støttar deg på vegen.
Fleksibel arbeidstid og avspaseringsordningar. Treng du å begynne seinare fordi du skal levera i barnehagen? Treng du fri ein fredag for å ta ein langhelg på hytta? Ingen problem! Me forstår at det kan vera viktig å ha rom for fleksibilitet i ulike fasar av li-vet og det får du gjennom våre fleksitidsordningar og høve til avspasering.
Me er opptatt av å vera i stadig utvikling og er stolte av å kalla oss ein LEAN-kommune. Hos oss får du høve til å vera med å skape framtidas Suldal.
Me har eit aktivt velferdsutval som fleire gongar i året arrangerer felles aktivitetar og samlingar.
Løn i tråd med tariff
Det er mange andre godar ved å arbeida hos oss, trykk på denne lenka for å lese meir om dei.

Kva gjer ein husassistent ved Suldal sjukeheim?

Deltar i måltida.
Bestille og sørger for at det er nødvendig mat tilgjengeleg i avdelingskjøkkena.
Ansvar for å sikre god mathygiene på avdelingskjøkkena.
Helde orden og opprettheld god hygiene i avdelingane.
Byter på senger, ryddar og held orden på pasientromma.
Miljøarbeid som bidrar til trivsel og livskvalitet for bebuarane.
Rydde på plass bebuartøy.
Helde orden og fylle på lager og skap.
Trivselstiltak som å pynte i fellesareal og stelle blomar.
Andre oppgåver i tråd med einingas behov.

Kven søkjer me?

Me søkjer deg som er omgjengeleg, har godt humør og vil bidra til eit godt bu- og arbeidsmiljø. I jobben som husassistent er det viktig at du er sjølvstendig, strukturert og har gode samarbeidsevner. Du må òg vara open for endring og kontinuerleg forbetring. Det er ikkje krav til formell utdanning i denne stillinga. Personleg eignaheit vil bli vektlagt.
Me nyttar nynorsk i all skriftleg kommunikasjon i Suldal kommune. Er nynorsken litt rusten? Ikkje la vera å søk! Me hjelp deg med å friske opp kunnskapane.

Om stillingane

Type stilling: Fast stilling i turnus med langvakter
Stillingsstorleik: 82,16%
Tal stillingar: 3

Hos oss i Suldal kommune får du:

Faglege og personlege utfordringar i eit godt og inspirerande arbeidsmiljø.
Engasjerte og dyktige kollegaer.
Gode moglegheiter til fagleg utvikling.
Gode pensjons- og forsikringsordningar.
Bedriftshelseteneste.
Løn- og tilsetjingsvilkår i samsvar med lov- og avtaleverk.
Nynorsk som administrasjonsspråk.

Andre opplysningar

Aktuelle søkjarar vert kalla inn til intervju.
Originalvitnemål skal verta tatt med på intervju.
Det er krav om godkjend politiattest etter gjeldande lovverk ved tiltrede. Attesten kan ikkje vere eldre enn tre månadar.
Kontaktinformasjon for stillinga finn du til høgre for annonsa.
Kommunen følg offentlighetslova § 25 ved eventuell offentleggjering av søkjarliste

Slik søkjer du

Me ber om at du søkjer elektronisk. Klikk på «send søknad» og følg vidare instruksjonar.
Du kan logge inn via ID-porten, med brukarnamn og passord, via Facebook-profil eller søkje utan å logge inn.
Skriv litt om deg sjølv og kva bakgrunn, fagområde og interesser du har i skulegang og som student til no.
Treng du hjelp, kan du venda deg til kommunen på tlf 52 79 22 00

Velkomen som søkjar! Me ser fram til å høyra frå deg.

Link til søknadsskjema: Søk her

Informasjonskapsler på arbeidsplassen.no

Rapporter annonse