Stokkalandsmarka barnehage har ledig to 100 % vikariat, som barne- og ungdomsarbeidar, frå 15.08.2026.

Kven er du?
Du er den som ser det beste i kvart enkelt barn, og som brenn for å gi barna ein kvardag fylt av magi og eventyr.

Du har eit stort hjarte for menneske, og har rom for alle. Du er trygg, ansvarsfull og god på leik og samspel. Du veit at leiken er barna sin viktigaste læringsarena og du varierer mellom fri leik og aktivitetar som du legg til rette for med glede og engasjement. Du skapar gode relasjonar og inkluderer alle med varme og respekt.

Du blir ein del av ei triveleg personalgruppe med folk i alle aldrar. Me arbeider for at det skal vera godt å gå på jobb og å sjå den enkelte sine behov både sosialt og fagleg. Me støttar kvarandre, lærer av kvarandre og har det gildt saman.

Å jobba i barnehage er verdas viktigaste og beste jobb, men det er også ein utfordrande jobb. Derfor treng me deg som er god til å samarbeida med både foreldre og medarbeidarar.

Om barnehagen og området rundt:
Stokkalandsmarka er eit byggefelt i utvikling mellom Vigrestad og Brusand i Hå kommune på Jæren. Her er det mange spennande leikeplassar og flotte nærturar rett utanfor porten. Barnehagen er ein moderne kommunal barnehage med store og lyse lokale. Her har me alt me treng for å skapa eit godt læringsmiljø for barna: gymrom, baderom, formingsrom og arbeidsrom med gode fasilitetar. Det skal også opparbeidast eit heilt nytt uteområde i næraste framtid. Det er plass til 120 barn fordelt på åtte avdelingar i barnehagen.
Stokkalandsmarka barnehage er eit viktig knutepunkt i bygda. Med Haugstadskogen som næraste nabo kan me boltra oss i eit lunt og triveleg skogsområde som inviterer til leik og læring året rundt. Her kan me ta med barna på spennande eventyr i naturen eller laga bål i grillhytta vår som har panoramautsikt over det jærske landskapet.

Arbeidsoppgåver:
• Omsorg for det enkelte barn og barnegruppa
• Er aktiv i leik og aktivitetar saman med barna, ute og inne
• Vera ein god rollemodell
• Bidra til et godt og trygt lærings- og arbeidsmiljø for barn og tilsette
• Har gode samarbeidsevner og godt humør
• Evne til å arbeida sjølvstendig og i team
• Er oppteken av å skapa gode relasjonar
• Er fleksibel og tek ansvar

Kvalifikasjonar
• Fagbrev som barne- og ungdomsarbeidar
• Relevant erfaring frå barnehage kan kompensera for manglande fagbrev
• Norskkunnskapar tilsvarande nivå A2 skriftleg og B1 munnleg (Barnehagelova)
• Personlege eigenskapar blir vektlagd

Me tilbyr:
• Dyktige og engasjerte medarbeidarar som speler kvarandre gode
• Fagleg miljø som støttar og utfordrar
• Flotte naturområde
• Moglegheiter for å være med å utvikle barnehagen
• Gode pensjons- og forsikringsordningar med ulukkesforsikring på fritida
• Lønn etter Hå kommune sine lønns- og stillingsregulativ

Dersom du kjenner at dette høyrest ut som noko for deg, så ikkje nøl med å søka! Me gler oss til å høyra frå deg!

Attestar og vitnemål
Vi ber om at du lastar opp attestar og vitnemål, i PDF-format, saman med søknaden din. Utenlandske vitnemål må vera godkjende av Direktoratet for høyere utdanning og kompetanse (https://hkdir.no) og utenlandske attestar oversatte til eit skandinavisk språk eller engelsk.

Politiattest
Gyldig politiattest nyare enn tre månader må leverast før tiltreding.

Tilsetjingsvilkår
Tilsetjinga skjer på dei vilkår og med dei plikter som framgår av utlysninga, og dei til einkvar tid gjeldande lovar, regler og tariffavtalar. Kommunen har gode pensjons- og forsikringsordningar med ulykkesforsikring i fritida. Kommunen har ei prøvetid på 6 månader og regler for flyttegodtgjersle.

Link til søknadsskjema: Søk her

Rapporter annonse