Rus og Avhengigheitsklinikken har ca 600 medarbeidarar og består av avdeling LAR, to ruspoliklinikkar, ein ambulant seksjon og fleire lang og korttids-døgnavdelingar, både innan akutt og planlagt behandling. Vi har ein solid forskingsavdeling, som mellom anna forskar mykje på LAR populasjonen.

Avdeling LAR har ca 130 tilsette og er organisert i 7 ulike poliklinikkar, inkludert HAB og TSB Bergen og Bjørgvin fengsel. Det er no i LAR Poliklinikk Øvregaten og Åsane det er ledige stillingar. Det er ledig e fast stilling og to vikariat i 1 år. Alle poliklinikkanen er tverrfagleg sammansett med seksjonsleiar, overlege, LIS, psykolog, sjuke- og vernepleiar, sosionom, erfaringskonsulent og merkantil. Behandlinga av pasientane skjer gjennom tverrfagleg team, men og gjennom samarbeid med kommunen og andre delar av spesialisthelsetenesta.

LAR Psykologen. Å jobbe som psykolog i LAR er ein annleis og spennande måte å bruke kompetansen og faget sitt på. Stillinga har stor grad av fleksibilitet og variasjon, og ein jobbar både individuelt med pasientar samt tett saman med andre yrkesgrupper internt i tverrfagleg team. Pasientgruppa varierer i funksjon og behov, frå pasientar i full jobb og med stabil rusmeistring over år - til pasientar som har store og samansette vanskar på mange område. Som psykolog er du aldri åleine om pasientane, men jobbar tett saman med lege og LAR-behandlar og eventuelt andre instansar som kommunale tenester eller DPS. Du er også del av avdelinga sitt fagleiarteam og jobbar saman med seksjonsleiar og overlege med fagleg utvikling på avdelingsnivå.

LAR er opptatt av å utvikle tenestetilbodet og har dei siste åra implementert traumebehandling på ulike nivå. Alle fast tilsette psykologar har det siste året blitt kursa i EMDR eller TF-CBT og dette er ei satsing vi ønsker å vidareføre også med nye psykologar. Som seksjon skal vi også i tida framover ha auka fokus på ROP-problematikk, da vi ser at dette er område vi ønsker å bli betre på.

Psykologgruppa består av 8 psykologar, med eit fast møtepunkt i veka som er leia av seksjonspsykolog, i tillegg til månedlege driftsmøte. LAR har i tillegg til bydelsvise poliklinikkar også kontorlokale på Murhjørnet i sentrum og her samlast psykologane ein dag i veka for å fremme det psykologfaglege fellesskapet. I dei ulike poliklinikkane og faggruppene har vi som avdeling eit fokus på å ha gode sosiale og faglege miljø for våre tilsette, da vi veit at alle treng støtte på ulike måter i det som er ein veldig givande men også tidvis krevande jobb.

Arbeidsoppgåver

Diagnostisering og behandling av avhengigheits- og psykiske lidingar
Rettleiing internt til medarbeidarar og eksternt til samarbeidspartnarar
Samarbeid om behandlingsplan og oppfølging av pasientar
bidra til utvikling av tenestetilbod

Kvalifikasjonar

Offentleg godkjend psykolog, gjerne med godkjend relevant spesialitet
Erfaring med arbeid innan rusbehandling og psykisk helsevern er ein fordel
Norsk autorisasjon
Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må kunne dokumentere ferdigheiter i norsk på minimum B2/NOR-U3- nivå eller høgare. Dokumentasjon må leggast ved søknad

Personlege eigenskapar

Du har eit godt lag med folk og får fram det beste i dei rundt deg
Du har motivasjon og interesse for fagfeltet
Du bidrar positivt til eit fagleg og kollegialt godt miljø
Du har god fagleg vurderingsevne, arbeider målretta og strukturert
Du må kunne arbeide godt både sjølvstendig og i team
Du tilpassar deg lett og er løysingsorientert og fleksibel
Du kommuniserer og samarbeider godt med pasientar og kollegaer

Vi tilbyr

Løn etter avtale
Gode pensjons- og forsikringsordningar
Triveleg arbeidsmiljø
Høgt fagleg nivå
Fagleg og personleg utvikling
Ein arbeidsplass som er inkluderande arbeidsliv-bedrift ( IA bedrift)
Vidareutdanning og rettleiing

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Gry Irmelin Dale, Leiar, 55214800

Arbeidsstad

Østre Murallmenningen 7
5012 Bergen

Nøkkelinformasjon:

Arbeidsgivar: Helse Bergen HF

Referansenr.: 5054692020
Stillingsprosent: 100%
Fast, Vikariat
Søknadsfrist: 18.01.2026

Rapporter annonse