Funksjonsleiar for dialogsenter og sentralbord – vil du leie ei nøkkelavdeling på Haugesund sjukehus?

Likar du ein variert kvardag der du får bruke både oversikt og relasjonsbygging? Vi ser etter deg som trivst med å handtere mange ulike oppgåver på ein strukturert måte. Du motiverer og byggjer gode relasjonar – og gjennom leiarskapen din inspirerer du medarbeidarane til både samspel og kontinuerleg kvalitetsforbetring.

Som funksjonsleiar hos oss får du ansvar for dialogsenter og sentralbord i Helse Fonna. Du får leiaransvar for fag, kvalitet, drift, personell og økonomi i ei avdeling med 17 flinke medarbeidarar. Samtidig blir du ein del av leiargruppa i klinikken - med moglegheit til å påverke både utviklinga av tenesta og kvardagen til mange, frå første telefon til siste arkiverte dokument.

👉 Kjenner du deg igjen? Då håper vi du søker – vi gler oss til å bli kjent med deg!

Kva går jobben ut på?

Arbeidsoppgåvene dine vil blant anna vere å:

Ha drift-, økonomi, kvalitet- og personalansvar for avdelinga.
Svare på telefonhenvendelsar til poliklinikkane
Endre og avbestille timar i samarbeid med pasientar og poliklinikkar
Bidra til godt samarbeid med poliklinikkane og sikre god informasjonsflyt
Delta i leiar-, strategi- og investeringsmøte i klinikken
Bruke og følgje opp arbeidet i pasientsystemet DIPS

Kva kompetanse er viktig i denne rolla?

Det er ønskeleg med utdanning innan leiing.
Relevant leiarerfaring, gjerne frå helsevesenet, kan vege opp for manglande formell utdanning.
God kjennskap til IKT og pasientsystem (DIPS-erfaring er ein fordel)
Søkjar må kunne norsk munnleg og skriftleg og grunnleggande ferdigheter i engelsk munnleg.

Kva ser vi etter hos deg?

Hos oss er det viktig at du

kommuniserer tydeleg og klart, slik at mål og forventningar blir forstått og følgde opp i kvardagen
finn gode løysingar, også når tempoet er høgt og presset er stort
bidreg til utvikling og inspirerer andre til å tenkje nytt og forbetre arbeidet vårt
har blikk for heilskapen, ser samanhengar og forstår korleis avdelinga heng saman med resten av føretaket

Kvifor skal du velje oss?

Hos oss får du:

Ein spennande og variert jobb der du får kombinere leiing med operativt arbeid.
Moglegheit for fagleg og personlig utvikling blant anna gjennom leiarutviklingskurs.
Eit triveleg arbeidsmiljø med engasjerte medarbeidarar som støttar kvarandre.
Praktiske fordelar som god tilgang til parkering like ved kontoret.

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Dagmar Haugeberg, Konstituert avdelingsleiar, 52732073, dagmar.haugeberg@helse-fonna.no

Arbeidsstad

Karmsundgata 120
5528 Haugesund

Nøkkelinformasjon:

Arbeidsgivar: Helse Fonna HF

Referansenr.: 4913820554
Stillingsprosent: 100%
Fast
Søknadsfrist: 29.09.2025

Informasjonskapsler på arbeidsplassen.no

Rapporter annonse