Me søker etter miljøarbeidarar til fast stilling ved Hauatunet bufellesskap på dag/kveld. Me har ledig 80-100% stilling.

Hauatunet er eit døgnbemanna bufellesskap for 8 personar med psykiske utfordingar.

Kva får du jobba med hos oss?

Miljøarbeid, tilrettelegging og hjelp til daglege gjeremål, behandling, individuelle samtalar, rettleiing, forholda seg til nye retningslinjer, samarbeid med andre tenester kommunalt/interkommunalt m.m.

Me kan tilby:

Ein jobb med meining og faglege utfordringar som vil gi deg meistring.
Arbeid med engasjerte kollegaer som ønsker at du skal trivast og lykkast.
Moglegheiter for etter- og vidareutdanning i samsvar med vår kompetanseplan.
Moglegheiter for å søka om stipend for relevant kompetanseutvikling.
Støtte og opplæring for å hjelpa deg å komma godt i gong i den nye rolla di.
Kjekke tilsettgoder som blant anna gratis parkering, rabatt på treningssenter og tilbod om gunstig mobilabonnement.
Moglegheit for å bli med i bedriftskunstlaget og kommunalt kor (KORe’ Vindafjord)
Ein av Norges sikraste pensjonsordningar: offentleg tenestepensjon.
Forsikringsordningar som gruppelivsforsikring, yrkesskadeforsikring og tenestereiseforsikring.
Lønn etter gjeldande tariff og avtaleverk
Med vår helgeavtale kan du tene ekstra per time når du tek på deg fleire helgevakter - meir jobb i helga, meir pengar i lomma!

Kvalifikasjonar:

Norsk autorisasjon som helsefagarbeidar.
Kandidatar med vidareutdanning i rus og psykiatri oppfordrast til å søka.
Det er ønskeleg med relevant erfaring frå psykisk helsearbeid og liknande bufellesskap.
Du må beherska godt norsk, både skriftleg og munnleg. Skriftspråket i kommunen er på nynorsk.
Førarkort klasse B. Bruk av eigen bil kan førekomme.

Personlege eigenskapar:

Reflektert, engasjert og løysingsorientert.
Gode kommunikasjons- og samarbeidsevner, samt relasjonelle ferdigheiter som gjer ein i stand til å snakke med bebuarane, deira pårørande, kollegaer og samarbeidspartnarar.
Robust, trygg og open personlegheit.
God arbeidskapasitet, er utholdande og tolmodig.
Evne til å arbeide sjølvstendig og i saman med andre.

Personlege eigenskapar vil bli vektlagt.

Andre opplysningar:

Det er eit krav om godkjent politiattest for den som tilsettes i stillinga.
Det er eit krav om at ein fyller ut egenerklæringsskjema for MRSA og tuberkulinstatus, før tiltredelse.

Slik søker du:

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.

Link til søknadsskjema: Søk her

Informasjonskapsler på arbeidsplassen.no

Rapporter annonse