Einingsleiar heimetenester – Kvinnherad kommune

Vil du vere med å utvikle framtidige tenester i omsorg, helse og sosial i Kvinnherad kommune? Ei av kommunen sine mest spanande stillingar vert ledig våren 2026, då vår noverande leiar skal gå av med pensjon.

Me er på jakt etter ei ny stjerne som vil ta stafettpinnen vidare og som får heilskapleg ansvar for drift, utvikling og leiing av eininga.

Dette er ei av dei mest sentrale leiarstillingane i kommunen. Heimetenestene omfattar fleire avdelingar, meir enn 200 medarbeidarar og rår over eit betydeleg budsjett. Som einingsleiar vil du ha heilskapleg ansvar for drift, fag og utvikling – og for tenester som er heilt avgjerande i kvardagen til innbyggarane våre.

Du blir del av leiargruppa for omsorg, helse og sosial, og vil ha ein nøkkelrolle i arbeidet med å sikre berekraftige og moderne tenester.

Er du ein strategisk og engasjert leiar med hjarte for folk og framtid, så er dette jobben for deg!

Arbeidsoppgåver:

Økonomi, fag og folk – frå A til Å
Utvikle og følgje opp strategiar og mål i tråd med politiske vedtak og sektorplanar
Drive fram innovasjon, digitalisering og smarte løysingar
Bygge gode samarbeidsrelasjonar med tilsette, brukarar, pårørande og andre samarbeidspartnarar
Delta aktivt i leiargruppa for omsorg, helse og sosial, og vere ein pådrivar for samhandling og fellesskap

Dine kvalifikasjonar:

Relevant utdanning (bachelor- eller masternivå)
Interesse for ny teknologi, velferdsløysingar og tverrfagleg utvikling
Evne til å motivere og utvikle medarbeidarar
Leiarutdanning og leiarerfaring med gode resultat
God forståing for kommunal drift og lovverk

Dine personlege eigenskapar:

Tydeleg, trygg og inspirerande
Strategisk, og handlingsorientert
Gode kommunikasjonsevner
Relasjonsbyggande og inkluderande

Kvifor Kvinnherad?

Gratis SFO og låge barnehageprisar - eit reelt pluss for barnefamiliar
Ny barneskule på Husnes (2026) rett ved Kvinnherad Arena; med hall, klatrevegg og moderne læringsmiljø!
Trygt og godt oppvekstmiljø for barn og unge
Studielånslette - inntil 25 000 kr årleg dersom du bur og jobbar her
Natur i verdsklasse - Fjord, fjell og frisk luft gir livskvalitet utan sidestykke
Bustadetablering - Startlån som gjer det enklare å kjøpe eigen bustad
Ein kommune i utvikling - du får kjekke kollegaer og være med i ein organisasjon som vil framover

Me tilbyr

Ei spennande og meiningsfull leiarstilling. Handlingsrom og påverknadskraft på utforming av løysingar i framtidas heimetenester. Eit profesjonelt leiarfellesskap med høg kompetanse. Me jobbar med kontinuerleg forbetring.

Link til søknadsskjema: Søk her

Vi bruker cookies

Rapporter annonse