Me søkjer etter den nye rådgivaren vår som skal hjelpe oss med å ruste den offentlege tannhelsetenesta i Telemark for framtida!

Me søkjer ein rådgivar med odontologisk bakgrunn som likar å jobbe variert innan ulike fagfelt. Stillinga vil vere under utvikling framover, og innhald og ansvar i rolla vil formast etter kvart som organisasjonen fell på plass. Det vil vere viktig med fleksibilitet rundt dette for personen som skal tiltre. For rett person vil dette vera ei spennande stilling med gode høve til personleg og fagleg utvikling!

I stillinga vil du jobba tett saman med fylkestannlegen, kollegaer i stabsfunksjonar, leiargruppa i tannhelsetenesta og med interne/eksterne samarbeidspartnarar. Du vil leia relevante prosjekt innan utvikling og drift av tannhelsetenesta og jobba med saksbehandling innan ulike felt. Stillinga vil kunne ha ein funksjon som stedfortredar for fylkestannlegen.

Me søkjer ein person som har ein høg arbeidskapasitet, som kan jobbe sjølvstendig og strukturert og som trivst med å ha mange ballar i lufta! Gode samarbeidsevner er ei sterk føresetnad i stillinga.
Fysisk lokasjon kan knytast til fylkeshuset i Skien eller til fylkessenteret i Seljord.

Arbeidsoppgåver

Fagleg rådgjeving, både inn mot overordna arbeid i seksjonen og ut mot klinikkane
Saksbehandling (til dømes innan anskaffingar, eigedomsforvaltning, klagesaker, høyringar med meir)
Tenesteutvikling (til dømes innan analyse/kunnskapsgrunnlag, digitalisering mm)
Arbeide med strategiar og planar for utvikling og drift av tenesta, både fagleg, administrativt, organisatorisk og økonomisk
Leie relevante prosjekt og arbeid med implementering/endringsprosessar
Kvalitetsforbetring (internkontroll, HMS, kompetanseplan)
Stedfortredar for fylkestannlegen kan tilleggas stillinga
Delta i nasjonale fag/nettverksgrupper

Kva oppgåver du vil ha hovudvekt på, vil me kunna ha dialog om og tilpasse, avhengig av erfaringa og bakgrunnen din.

Kvalifikasjonar

Utdanning

Master i odontologi, med norsk autorisasjon som tannlege. Krav om erfaring frå arbeid som klinisk tannlege.

Ønska erfaring

God kjennskap til organisering av tannhelsetenesta, samt forståelse for samfunnsoppdraget til den offentlege tannhelsetenesta og rammeføresetnadene som følger med
Erfaring innan administrative oppgåver som til dømes HMS, klagesaker, anskaffelsar/innkjøp, politiske saker eller liknande
Erfaring frå strategi-, endrings- og utviklingsprosessar
Erfaring frå prosessleiing, implementeringsprosessar og/eller rådgiving
Erfaring innan kvalitetsutvikling og tenesteutvikling

Det er forventa at du har digital kompetanse til å utnytta IKT-løysingane frå fylkeskommunen, ser moglegheiter i ny teknologi og er motiverte for å ta i bruk nye digitale løysingar.

Personlege eigenskapar

Me trur du vil trivast hjå oss dersom:

du har godt humør og liker å bidra til eit godt arbeidsmiljø
du har god organisasjonsforståing og bruker forståinga til å løyse oppgåvene
du har gode kommunikasjonsevner som du aktivt bruker for å skapa tryggleik og forståing i møte med andre
du har evna til å jobba sjølvstendig og ta initiativ
du jobbar systematisk og strukturert, med god gjennomføringsevne

Personlege eigenskapar vil bli sterkt vektlagde.
Fylkeskommunen skal vera ein omstillingsdyktig organisasjon, og arbeidsgivar tek atterhald om at arbeidsstad og arbeidsoppgåver kan endrast ved behov.

Me tilbyr

Utfordrande og allsidige arbeidsoppgåver i ein organisasjon som utfører samfunnsnyttige oppgåver
Fleksibel arbeidstid
Gode høve for fagleg og personleg utvikling
Offentleg pensjonsordning, gruppelivs- og ulukkesforsikring
Sentralt plassert arbeidsplass i Skien med kantine, garderobe og innandørs sykkelparkering. Arbeidsplassen ligg rett ved kollektivknutepunkt i Skien sentrum. Eventuell arbeidsplass i Seljord kan også verte avtala.

Kontaktinformasjon

Live Lid Breiland, Seksjonsleder, 91740886, live.lid.breiland@telemarkfylke.no

Nøkkelinformasjon:

Arbeidsgiver: Telemark Fylkeskommune

Referansenr.: 4917158602
Stillingsprosent: 100%
Fast
Søknadsfrist: 28.02.2025

Informasjonskapsler på arbeidsplassen.no

Rapporter annonse