Bjørgvin bispedøme har ledig stilling som sokneprest i Nordfjord prosti med sokna Eid og Stårheim som tenestestad!

I Nordfjord står folkekyrkja sterkt. Prostiet er ein stad der fjord og fjell, tradisjon og fornying går hand i hand. Her finn du eit levande kulturliv med operahus, rikt musikkliv og sterke frivillige miljø – og ei folkekyrkje som står midt i fellesskapen.

Vi ser etter deg som ønsker å vere med på å vidareutvikle folkekyrkja i lag med stab, folkevalde og frivillige. Vi ønsker oss ein prest som vil:
-      Forkynne med kunnskap og nærleik
-      Arbeide for at kyrkja er synleg i lokalsamfunnet og opplevast som ei kyrkje som er relevant i menneskes liv
-      Engasjerer seg for at fleire samlast til gudstenester, og arbeider for å utvikle kyrkjelege møtestader som er inkluderande og trusstyrkande fellesskap

Soknepresten vil ha ei koordinerande rolle i forhold til dei to andre sokneprestane i Stad kommune.
Nordfjord prosti inneheld fem kommunar: Gloppen, Stryn, Bremanger, Stad og nordre del av Kinn. Sokna Eid og Stårheim ligg i Stad kommune, og dei to sokna har til saman ca. 4600 medlemmer. Nordfjordeid (Eid) er sentralt plassert i Nordfjord, lengst nord i Bjørgvin bispedøme, og er kommunesenter med sentrale funksjonar som t.d. Nordfjord sjukehus.

Sokna ligg vakkert til på begge sider av Eidsfjorden og Hornindalsvatnet med fine turområde sommar som vinter. Her er eit rikt utbygd idretts- og kulturliv, inkl. skisenter og operahus. I sokna er det fem barneskular og ein ungdomsskule, samt vidaregåande skule med godt og allsidig tilbod på fleire linjer.
For meir informasjon om Nordfjord, sjå Nordfjord

Det er tre kyrkjer i området; Eid, Stårheim og Heggjabygda. Eid, prostesetet i Nordfjord prosti, har eit kyrkjetun ved Eid kyrkje. Her er det fleire samlingsrom der det vert drive konfirmantundervisning, trusopplæring, barnegospel, nattkafé, laurdagsgraut og andre møteaktivitetar. Dei fleste større samlingar på prostiplan vert lagd hit.

I denne delen av Stad kommune er det fire bedehus der dei fleste driv med arbeid for barn, ved sidan av foreinings- og møteverksemd.
Ved Eid kyrkjetun er det og kontorlokale for dei kyrkjeleg tilsette. Prosten leier prestetenesta i prostiet, og kallar inn prestane jamleg til konvent for fagleg utvikling og kollegafellesskap.

Vi ber om at søknad med CV, vitnemål og referansar vert sendt elektronisk via Webcruiter.

Arbeidsoppgåver

Gudstenester og kyrkjelege handlingar
Strategisk utviklinga av gudsteneste og forsamlingsliv i samarbeid med råd og tilsette
Ta del i planlegging, undervisning og gjennomføring av konfirmantarbeidet
Ta del i rekruttering, oppfølging og opplæring av frivillige
Beredskap etter gjeldande ordning for Den norske kyrkja

Kvalifikasjonar

Cand.theol. med praktikum eller tilsvarande/master i teologi og praktikum
Medlemskap i Den norske kyrkja

Personlege eigenskapar

Evne til å byggje lag og samarbeide, men også til å arbeide sjøvstendig
Evne til å inspirere og engasjere i det kyrkjelydsbyggande arbeidet i lag med råd og tilsette
God formidlingsevne til alle aldersgrupper
Erfaring og motivasjon knytt til strategisk kyrkjelydsbyggande arbeid
Interesse for teologien som fag
Søkjar må kunne samarbeide også liturgisk med kollegaer uavhengig av kjønn eller teologisk usemje

Vi tilbyr

Stillingskode 1555 sokneprest etter KA sitt tariffområde
Medlemskap i kollektiv pensjonsordning KLP
Reiseutgifter godtgjort etter gjeldande regulativ
Til løna kjem særskilte regulativmessige godtgjersler
Arbeidsrettleiing (ABV)
Prestebustad på Eid

Andre opplysningar

Søkjar bør ha førarkort klasse B og disponere bil.

Skriftspråket er nynorsk.

Bjørgvin bispedøme skal vere ein arbeidsplass med rom og respekt for mangfald, uavhengig av kjønn, alder, etnisk bakgrunn, seksuell orientering og funksjonsevne. Vi oppfordrar alle kvalifiserte kandidatar til å søke.

Det vil bli utarbeida ei offentleg søkjarliste etter offentleglova § 25, jf. kyrkjeordning for Den norske kyrkja § 42. Dersom du ønskjer unntak for denne, må du grunngje det i søknaden. Søkjarlista kan bli offentleg sjølv om du ber om unnatak. Grunnlag for handsaming etter personvernforordninga er artikkel 6 nr. 1 bokstav b og artikkel 9 nr. 2 bokstav b og g.

Den som blir tilsett må vise tilfredsstillande politiattest (barneomsorgsattest) jf. politiregisterloven § 39 jf. trossamfunnsloven § 20.

Kontaktinformasjon

Mari Saltkjel, Prost Nordfjord prosti, 45914954
Therese Nesse Mokkelbost, HR-sjef i Bjørgvin bispedøme, 93612276

Arbeidssted

Sjøgata 90
6770 Nordfjordeid

Nøkkelinformasjon:

Arbeidsgiver: Den norske kirke

Referansenr.: 4945650513
Stillingsprosent: 100%
Fast
Søknadsfrist: 25.05.2025

Informasjonskapsler på arbeidsplassen.no

Rapporter annonse