Vik kommune treng sjukepleiar til heimebaserte tenester.

Me har ledig:

60 % vikariat som sjukepleiar frå snarast og ut april 2026, med mogelegheit for forlenging.
Ca 20 % fast stilling som sjukepleiar på helg, frå snarast mogeleg.

Vernepleiarar kan også søkje og bli tilsett i stillingskode 6455.

Stillingane inngår i 3-delt turnus med arbeid i gjennomsnitt kvar 3. helg. Me arbeider etter årsturnusprinsippet, som sikrar føreseieleg arbeidstid for tilsette og kontinuitet for våre brukarar.

Om arbeidsstaden

Kommunen er liten men tenkjer stort, og bygger nye og moderne lokale med sjukeheim, lokale til heimetenester, psykiatri, psykolog, institusjonskjøkken, dagtilbod, rehabilitering og omsorgsbustader. Bli med på spanande framtidsretta utvikling i kommunen!

Heimebaserte tenester yter tenester til alle typar pasientgrupper. Me jobbar med alle typar sjukepleiefaglege prosedyrar, og gir både avansert lindrande behandling, sårbehandlingar og mykje meir. Det er tett samarbeid mellom heimebaserte tenester, Vik helse- og omsorgssenter, psykiatri/rus og rehabiliteringsavdeling.

Me tilbyr

Varierte oppgåver med fokus på fagleg utvikling
Mogelegheit for tilskot til flytting og buutgifter kr 40 000,- årleg i to år.
Tilrettelegging for relevant vidareutdanning og sirkulering mellom ulike avdelingar om ynskjeleg
Årsturnus
Dyktige kollegaer og godt tverrfagleg samarbeid
Gode pensjons- og forsikringsordningar

Arbeidsoppgåver

Utføra arbeidsoppgåver i tråd med lovverk, rutinar og prosedyrar som gjeld for avdelinga
Heilheitleg pleie og omsorg, kartleggingar, behandling og observasjon av brukarar, med fokus på brukarmedverknad
Vera pådrivar for eigenmeistring
Vera ansvarsvakt
Deltaking i ulike prosjekt
Dokumentasjon, laga og evaluera tiltaksplanar
Avansert sjukepleie og lindrande behandling
Rettleiing, undervisning og informasjon til pasientar, pårørande, studentar og kollega
Tverrfagleg samarbeid med andre yrkesgrupper

Me søkjer

Me søkjer sjukepleiar som ynskjer å arbeide med pasientomsorg til brukar/pasient på ein god måte, og yte tenester av høg kvalitet.

Krav til kompetanse:

Norsk autorisert sjukepleiarutdanning. Vernepleiarar kan også søkje
Me ynskjer også søkjarar under utdanning, som får autorisasjon i nær framtid
God norsk munnleg og skriftleg kompetanse
Gyldig politiattest må leggjast fram ved tilsetjing
Krav om førarkort

Personlege eigenskapar

Du er engasjert og positiv.
Du er ryddig, strukturert og systematisk.
Du har evne til å arbeide sjølvstendig, og tek ansvar.
Du er fagleg trygg, modig og raus- og evnar å gjera tenesta, tilsette og brukarar gode.
Du har gode kommunikasjonsferdigheiter og evnar å samarbeide i eit tverrfagleg perspektiv.
Du er løysingsorientert med god evne til gjennomføring.

Personlege eigenskapar vil bli vektlagde.

Andre opplysningar

Vik kommune praktiserer meiroffentlegheit. Dersom du ikkje ynskjer at namnet ditt skal offentleggjerast, må du grunngje dette i søknaden.

Søknadsprosedyre

Alle søknader på ledige stillingar i Vik kommune skal registrerast i søknadsportalen. Me ber om at dokumentasjon på eventuell utdanning og tidlegare arbeidserfaring blir lasta opp i portalen, saman med søknaden.

Dersom du treng hjelp med søknaden, kan du ta kontakt på tlf. 57 69 82 00.

Link til søknadsskjema: Søk her

Informasjonskapsler på arbeidsplassen.no

Rapporter annonse