Regionalt kompetansesenter for habilitering og rehabilitering søker ein engasjert og strategisk leiar.

Senteret er ein viktig aktør i arbeidet med å styrke kompetanse, forsking og fagutvikling innan habilitering og rehabilitering i regionen. Samarbeid med øvrige relevante kompetansesenter/miljø i Noreg er òg ei viktig oppgåve.

Senteret har følgande hovudoppgåver:

Forsking og fagutvikling: Bidra til og gjennomføre forskingsprosjekt.
Nettverksbygging innan habilitering og rehabilitering i Helse Vest: Bidra til å vedlikehalde og vidareutvikle desse
Undervisning og kunnskapsspreiing innan habilitering og rehabilitering
Regional koordinerande eining: Ansvar for å styrke koordineringa mellom ulike aktørar innan habilitering og rehabilitering
Regional vurderingseining: Sikre kvalitet og lik praksis ved vurdering av rehabiliteringsbehov

Regionalt kompetansesenter har regional funksjon som særleg er retta mot helsepersonell innan habilitering og rehabilitering. Les meir om oss her

Om ReHabiliteringsklinikken: Les meir om oss her

Klinikken består av Avdeling for fysikalsk medisin og rehabilitering (AFMR), Habiliteringstenesta for vaksne (HAVO) og Regionalt kompetansesenter for habilitering og rehabilitering.

ReHabiliteringsklinikken greier ut og behandlar menneske med medfødde og erverva skadar, og vi har fleire regionale funksjonar og ein nasjonal funksjon, og er tyngdepunktet for spesialisert habilitering og rehabilitering for vaksne i Helse Vest.

Arbeidsoppgåver

Drifts- og personalansvar for alle faggrupper i senteret
Leie og vidareutvikle kompetansesenteret sitt arbeid innan forsking, fagutvikling og nettverksbygging
Leie Regional vurderingseining for rehabilitering (tilvisingar til private rehabilitering rehabiliteringsinstitusjonar)
Sikre god koordinering av regionen sine habiliterings- og rehabiliteringstilbod
Bidra til innovasjon og utvikling av framtidas habiliterings- og rehabiliteringstenester
Representere senteret i regionale og nasjonale samarbeidsfora
Sørge for at undervisning og kompetanseheving når målgruppene

Kvalifikasjonar

Har høgare helsefagleg utdanning, fortrinnsvis på master- eller doktorgradsnivå
Har leiarerfaring, gjerne frå spesialisthelsetenesta eller andre helseorganisasjonar
Har systemforståing og evne til å halde eit overordna regionalt fokus, samstundes som du har kjennskap til nettverk elles i landet
Har kompetanse på samhandling og prosjektleiing, samt kunnskap om brukarperspektivet
Har erfaring frå både spesialist- og primærhelsetenesta, med særleg kjennskap til habilitering og rehabilitering
Er strategisk, har gjennomføringsevne og er utviklingsorientert med gode samarbeidsevner
Har interesse og driv for digitalisering innan habilitering/rehabilitering
Er opptatt av å utforske moglegheitsrommet for utvikling og samarbeid

Personlege eigenskapar

Du har evne til å sjå heilskapen og identifisere langsiktige mål for habilitering og rehabilitering.
Du har evne til å kommunisere klart og tydeleg, både munnleg og skriftleg, med ulike målgrupper. Dette inkluderer å engasjere og inspirere tilsette, samarbeidspartnarar og brukarar
Du er ein dyktig brubyggar som kan etablere og vedlikehalde samarbeid med ulike aktørar som helseføretak, kommunar, brukarar og andre regionale og nasjonale partar
Du er ein handlekraftig leiar som oppnår resultat i krevande og komplekse prosessar
Du er ein person som aktivt leitar etter nye løysingar og metodar, særleg innan digitalisering og framtidsretta tilnærmingar til habilitering og rehabilitering
Du har evne til å navigere i eit komplekst landskap med ulike aktørar og krav, samtidig som ein handterer endringar og tilpassar organisasjonen etter behov

Vi tilbyr

Ei spennande og utfordrande leiarstilling med stor moglegheit for påverknad
Gode faglege utviklingsmoglegheiter i eit kompetent og engasjert miljø
Gode pensjonsordningar

Arbeidsstad: Pt. Nesttun, men planlagd samlokalisering med resten av ReHabiliteringklinikken på Nordås i 2028/29

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Kjersti Agnete Erdal, Klinikkdirektør, 55918400

Arbeidsstad

Østre Nesttunvegen 2
5221 Nesttun

Nøkkelinformasjon:

Arbeidsgivar: Helse Bergen

Referansenr.: 4887297752
Stillingsprosent: 100%
Fast
Søknadsfrist: 12.01.2025

Informasjonskapsler på arbeidsplassen.no

Rapporter annonse