BIR Ressurs søkjer no etter bemanning til biogassanlegget som er under oppføring på Voss. Her er moglegheita til å ta del i oppstarten av eit nytt anlegg. Vi søkjer deg som vil vere ein pådrivar for at dette anlegget set ein høg standard for drift av biogassanlegg og ønskjer å vere med på å løfte ein grøn bransje i vekst. Som fagoperatør vil du oppleva stor grad av ansvar, og det blir forventa deltaking i utvikling av rutinar og løysingar for drifta av anlegget. Du vil inngå i eit team som saman skal levere tenester og produkt til kundar til rett tid og med rett kvalitet, samstundes som den biologiske prosessen går 24 timar i døgnet, 365 dagar i året.

Anlegget skal no bemannast med 3 fagoperatørar. Operatørane vil rapportere til driftssjef, men vil òg få støtte frå andre funksjonar i BIR Ressurs. Arbeidstid vil normalt vere dagarbeid. Alle tilsette på anlegget må rekna med å delta i vaktordning.

Fagoperatør elektro/automasjon

Fagoperatør elektro/automasjon vil få ansvar for oppfølging av det elektriske anlegget med automasjon og IT. Stillinga inngår òg som ein del av teamet som skal drifte anlegget sin prosess. Stillinga inneber difor òg ein vesentleg del av arbeidet utanfor det elektrofaglege.

Ansvar og arbeidsoppgåver

Inngå i operatørteamet og følgje opp dagleg produksjon
Operasjon av utstyr, bemanna kontrollrom ved behov
Teknikar for elektrisk anlegg, automasjon og IT. Følgja opp vedlikehald og leverandørar
Registrera, gjennomføra og ferdigstilla arbeidsordrar i vedlikehaldssystem
Orden og reinhald i samarbeid med resten av teamet
Delta i kontinuerleg forbetring av prosessar ved aktiv bruk av kvalitetssystem og HMS-rutinar

Kvalifikasjonar

Fagbrev elektro/automasjon eller andre relevante fag er ynskjeleg
Erfaring med drift og vedlikehald av elektriske anlegg
Erfaring frå drift av prosessanlegg
Erfaring med bruk av vedlikehaldssystem
Truckførarbevis klasse C1 er ynskjeleg
Meistrar norsk og engelsk munnleg og skriftleg

Vi kan tilby

Moglegheit for fagleg utvikling
Eit trivleg arbeidsmiljø med høg kompetanse
Gode velferdsordningar, bedriftshelsetjeneste og pensjons- og forsikringsordningar
Vera med på å utvikla eit heilt nytt anlegg.

Søknader vert vurderte fortløpande

For ytterlegare informasjon ta kontakt med driftsjef Øyvind Birkeland på telefon: 901 26 396 eller e-post: oyvind.birkeland at bir.no

Informasjonskapsler på arbeidsplassen.no

Rapporter annonse