Vil du vere med på laget vårt?

Vi har no ledig faste stillingar for intensivsjukepleiar/ sjukepleiar med relevant spesialutdanning. Sjukepleiarar som planlegger å ta vidareutdanning i intensivsjukepleie og har relevant erfaring frå sengepost/ intensivseksjon, oppfordras også til å søkje.

Vi er ein blanda intensivseksjon med medisinske og kirurgiske pasientar, samt postoperativ overvaking. Vi driv behandling av akutt og kritisk sjuke pasientar med til dømes CPAP, BIPAP og respiratorbehandling. Seksjonen har nytt og moderne overvakingsutstyr og nyoppussa akuttrom. Vi bruker PICIS elektronisk kurve.

Seksjonen disponerar i alt 13 sengeplassar og har 32,2 stillingar for intensivsjukepleiarar. Vi har eit godt fagmiljø med intensivsjukepleiarar og overlegar i anestesi, samt LIS-lege anestesi. Vi har fagdagar inkludert i turnusen. Turnus er for tida D/A/N, og med arbeid kvar 3. helg.

Kristiansund sjukehus og Molde sjukehus vil bli slått saman til eit nytt fellessjukehus, Sjukehuset Nordmøre og Romsdal (SNR) med planlagt innflytting i 2025. Det nye akuttsjukehuset vert plassert på Hjelset i Molde kommune. På veg mot nytt sykehusbygg skal vi saman utvikle ein arbeidsplass som skal ivareta både pasientane, pårørende og tilsette. Arbeidsstad er ved Kristiansund sjukehus. Når det nye sjukehuset står ferdig på Hjelset, blir det din nye arbeidsstad.

Er dette noko for deg er DU velkomen til å søkje på stillinga. Ta gjerne kontakt for ein prat! For informasjon om Molde og Kristiansund - sjå her!

Arbeidsoppgåver

Utøve sjukepleie til pasientar med akutt og komplekse sjukdomsbilete
Bruk av avansert medisinsk teknisk utstyr i behandlinga

Kvalifikasjonar

Norsk autorisasjon som sjukepleiar
Spesialsjukepleiar med intensivutdanning ev anestesisjukepleiar med erfaring frå intensiv
Autorisert sjukepleiar med erfaring og ønskje om vidareutdanning i intensivsjukepleie kan også søkje midlertidig stilling.
Må beherske norsk skriftleg og munnleg

Personlege eigenskapar

Du er fleksibel og positiv
Du trivast i eit arbeidsmiljø med høgt tempo
Du har vilje til å bidra til å styrke eigen og andre sin kompetanse
Du er endringsorientert og ønskjer å vere med på å utvikle seksjonen vidare

Personleg eignaheit og ønskje om vidareutdanning i intensivsjukepleie vil verte vektlagt ved tilsetting.

Vi tilbyr

Kompetansebygging
Utfordrande og engasjert fagmiljø
Rikt og engasjert kulturmiljø i ein triveleg kystby
Sterkt tverrfagleg samarbeid
Ein inkluderande arbeidsplass
Løn etter gjeldande overeinskomstar
Medlemskap i god offentleg pensjonsordning og fordelaktige forsikringsvilkår

Byen vår! Kristiansund er perla på Nordmøre med naturskjønn plassering ut mot havet. Den hyggjelege småbyen har eit intimt bysentrum og byr på eit variert utval kaféar og spisestadar. Byen si plassering byr på eit unikt friluftsliv. Havet tilbyr båtliv, seilsport og fiske, og dei næraste fjella gir flotte mogelegheiter for fotturar, klatring og skikøyring. Kristiansund har eit rikt kulturtilbod med Noregs største distriktsopera, fleire musikkfestivalar, fotofestival og eit nytt kulturbygg kor det jamleg vert arrangert konsertar og andre kulturarrangement. Kristiansund har òg bynær flyplass med fleire daglege avgangar til Oslo og Bergen med mogelegheit for vidare flybytte. Les meir om Kristiansund og Nordmøre her

Kontaktinformasjon

Kari Jordahl Kjøl, Seksjonsleiar, Kari.Kjol@helse-mr.no

Arbeidssted

Herman Døhlens vei 1
6508 Kristiansund

Nøkkelinformasjon:

Arbeidsgiver: Helse Møre og Romsdal HF

Referansenr.: 4714481679
Stillingsprosent: 100%
Fast
Søknadsfrist: 29.02.2024

Informasjonskapsler på arbeidsplassen.no

Rapporter annonse