Bargoviidodat virggis

Sámi allaskuvlla ekonomiijaossodagas lea bajitdási ovddasvástádus ekonomiijahálddašeamis. Dása gullá ekonomiijaraporteren, rehketdoallu, bušeahttajuohkin ja oastimat.

Mii ohcat ráđđeaddi/seniorráđđeaddi 100 % virgái ekonomiijaossodagas.

Mii ohcat vuosttažettiin ráđđeaddi geas lea almmolaš háhkamiid gelbbolašvuohta ja bargohárjáneapmi.
Ekonomiijaossodat veahkeha olles sámi allaskuvlla oastimiiguin. Dat eaktuda lagas ovttasbarggu organisašuvnna siskkobealde.

Virgái gullet earret eará čuovvovaš barggut
• Plánet ja čađahit oastinproseassaid ja gilvvuid almmolaš njuolggadusaid ektui
• Čuovvolit stáhta oktasaššiehtadusaid ja gulahallat e.e. stáda oastinguovddážiin
• Resursaolmmoš olles ásahussii sisaoastinsuorggis
• Bušeahtačuovvoleapmi ja analysa oastinsuorggi siskkobealde
• Hukset ja čuovvulit siskkáldas bearráigeahču vuogádaga
• Muđui doarjut ekonomiijaossodaga bargguid, bargi gelbbolašvuođa mielde
• Virgái sáhttet maid biddjot eará doaimmat dárbbu mielde

Virggehas raportere Sámi allaskuvlla ekonomiijahovdii. Virggi sajádat organisašuvnnas ja bargoviidodat sáhttá rievdat ásahusa dárbbuid mielde.

Gelbbolašvuođagáibádusat

Gáibiduvvo relevánta universitehta dehe allaskuvlla dási oahppu juogo juridihka, ekonomalaš - hálddahuslaš fágain, servodatdiehtagis, dahje eará relevánta fágain, mii unnimusat vástida bachelorgráda, muhto lea sávahahtti ahte lea mastergráda. Relevánta reálagelbbolašvuohta sáhttá buhttet oahppogáibádusa.

Lea ovdanmunnin jus lea buorre gelbbolašvuohta oastinreaidduin nugo KGV ja dan hálddašeamis.

Eaktuduvvo maid buorre gelbbolašvuohta Excelas.

Dasa lassin lea ovdamunni dovdat stáhta njuolggadusaid, earenoamážit dan mii guoská oastimiidda. Relevánta bargovásáhus lea maid ovdamunni.

Buorit bargonávccat ja ovttasbargonávccat gáibiduvvojit.

Virggi barggut gáibidit nuppástuhttinnávccaid ja iešheanalašvuođa. Persovnnalaš heivvolašvuohta virgái deattuhuvvo.

Son guhte virgáibiddjo ferte bures máhttit sihke davvisámegiela ja ovtta skandináva giela beaivválaš bargogiellan.

Son guhte virgáiduvvo ferte čuovvut daid lágaid, njuolggadusaid ja šiehtadusaid mat áigges áigái gustojit virgái.

Gelbbolaš ohccit sáhttet gohččojuvvot jearahallamii.

Bálká

Virgi bálkáhuvvo virgekodas 1364 seniorráđđeaddi dahje 1434 ráđđeaddi. Bálká mearriduvvo ohcci oahpu ja bargohárjáneami vuođul.

Formála lassigelbbolašvuohta sámegielas unnimustá 60 oahppočuoggá bachelordásis lassin dan mii lea biddjon gelbbolašvuođagáibádussan virgealmmuhusas, addá 20 000 r. lassibálkká vuosttašgeardde virgáibidjamis Sámi allaskuvlii.

Bálkkás gesso 2 % geatnegahtton divat Stáda penšuvdnakássii.

Mii fállat

Buori bargobirrasa gos lea stuora fokus alla kvalitehtii ja ovdánahttimii
Heivehahtti bargoáiggi ja máŋggabealat čálgofálaldagaid
Miellahttuvuođa stáda penšuvdnakássas
Vejolašvuođaid fágalaš ovdánahttimii

Ohcan

Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaiguin:
• CVain
• Bargo- ja oahppoduođaštusaiguin
• Bivdit du maiddái almmuhit unnimusat guokte referánsa.

Jus lea váttisvuohta deavdit elektrovnnalaš CV:a, de sáhttá váldit oktavuođa
Jobbnorge áššebálvalusain e-poasta: kundeservice@jobbnorge.no dahje riŋget telefovdnii: 75
54 22 20.

Máŋggabealatvuohta ja searvadahttin

Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis.

Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii.

Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš.

Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.

Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.

Oppalaččat

Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.

Fárrendoarjja máksojuvvo stáhta njuolggadusaid mielde.

Finnmárkkus lea sierra ortnet geahpedit lohkanloana ja vearrogeahpádus. Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.

Virggis lea 6 mánu geahččalanáigi.

Oktavuođadieđut

Eanet dieđuid virggi birra oažžu ekonomiijahoavddas Mikkel Anders Kemi,tlf. +47 78 44 84 12/mob.tlf. + 47 90 13 45 39 e-poasta mikkelak@samas.no dahje direktevrras Anne-Marie Gaino, tlf: 996 90 188, e-poasta: annemg@samas.no

Informasjonskapsler på arbeidsplassen.no

Rapporter annonse