Vil du vere med og leggje til rette for gode tenester til barn, unge og familiar?

HAFS barnevernteneste har ledig eit 100 % vikariat som merkantil koordinator. Vi ser etter deg som likar å skape struktur, koordinere oppgåver og vere ein viktig støtte for både leiing og tilsette.

Som merkantil koordinator har du ei nøkkelrolle i den daglege drifta. Gjennom administrasjon, dokumentforvaltning, økonomi og koordinering bidreg du til gode arbeidsprosessar, slik at fagtilsette kan konsentrere seg om oppfølging av barn, unge og familiar.

HAFS barnevernteneste er ei teneste i utvikling, organisert under helse og omsorg, der samarbeid, kvalitet og fagleg utvikling står sentralt. Vi ønskjer medarbeidarar som vil vere med å utvikle gode tenester for barn, unge og familiar.

Du vil mellom anna arbeide med:

vere administrativ støtte for leiing og tilsette
koordinere administrative oppgåver og sikre gode arbeidsprosessar
behandle innsynsbegjæringar
journalføre og dokumentere i fagsystem
følgje opp økonomi og fakturabehandling
planleggje møte, reiser og annan praktisk logistikk
gi administrativ rådgiving og støtte i ulike prosessar
samarbeide med ulike faggrupper og einingar
bidra til utvikling og forbetring av rutinar, prosedyrar og arbeidsprosessar

Kvalifikasjonar

Krav

treårig høgare utdanning innan økonomi og administrasjon, helse- og sosialfag eller pedagogikk
Søkjarar med anna relevant utdanning eller erfaring kan og bli vurderte.
gode norskkunnskapar, munnleg og skriftleg
gode digitale ferdigheiter
førarkort klasse B

Det er ein fordel om du har

grunnleggande engelskkunnskapar
erfaring frå offentleg forvaltning eller administrasjon
erfaring med sak- og arkivsystem eller økonomisystem

Den som vert tilsett må leggje fram godkjend politiattest.

Kven ser vi etter?

Vi ser etter deg som tek ansvar, arbeider strukturert og trivst i ein variert arbeidskvardag. Du samarbeider godt med andre, kommuniserer tydeleg og møter både kollegaer og samarbeidspartnarar på ein serviceorientert og profesjonell måte. Du er fleksibel, løysingsorientert og bidreg til eit godt arbeidsmiljø.

Personleg eignaheit vil bli tillagt stor vekt.

Vi tilbyr

Hos oss får du:

ein variert og meiningsfull arbeidskvardag
høve til fagleg utvikling og kompetanseheving
eit inkluderande og tverrfagleg arbeidsmiljø
rettleiing og god oppfølging
løn etter tariff og gode pensjons- og forsikringsordningar
moglegheit til å påverke utviklinga av tenesta

Vi håpar du har lyst til å bli ein del av laget. Velkomen som søkjar!

Offentleg søkjarliste

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje ligg føre særlege grunnar for unntak frå offentleggjering, vil søkjaren bli kontakta og få høve til å trekkje søknaden før søkjarlista vert gjort offentleg.

Link til søknadsskjema: Søk her

Rapporter annonse