Om stillinga

Ved Høgskulen i Volda (HVO), Avdeling for samfunnsfag og historie, er ei 100 % fast forskings- og undervisningsstilling i sosialt arbeid ledig frå 1.8.2025, primært som førsteamanuensis eller førstelektor. Kandidatar med lang og særleg relevant arbeidserfaring for utlysinga, eller kandidatar som er på god veg til å kvalifisere seg til førsteamanuensis/førstelektor, kan tilsetjast som høgskulelektor.

Vi søker deg som har lyst til å være en del av eit godt fagmiljø, og ønskjer å bidra i vidareutvikling av sosialt arbeid, både gjennom forsking og undervisning.

Stillinga er knytt til Institutt for sosialfag, som har omlag 30 tilsette. Fagmiljøet har brei kompetanse innanfor samfunnsfag, sosialt arbeid, barnevern, og vi har eit mangfaldig forskarmiljø med pågåande prosjekt både nasjonalt og internasjonalt. Instituttet har samarbeid med høgskular/universitet i utlandet om forsking, utveksling og praksis.

For studieåret 2024-2025 har instituttet ca. 500 studentar og ansvar for følgjande utdanningstilbod: bachelor i sosialt arbeid – barnevernspedagog, bachelor i sosialt arbeid – sosionom, master i helse- og sosialfag og master i barnevernsfagleg arbeid. Instituttet tilbyr også fleire vidareutdanningar, samt utdanning på ph.d.-nivå i samarbeid med Høgskulen i Molde.

Kvalifikasjonar

Vi søker etter ein kollega med kompetanse på forsking og undervisning som er relevant for sosialt arbeid. Søkjarar med kompetanse innan psykologi, psykisk helse og problematisk rusmiddelbruk blir prioritert. Det same gjeld søkjarar med klinisk erfaring.

Den som vert tilsett må:

Ha utdanning i sosialt arbeid eller som er retta inn mot kjerneområde i våre utdanningar
Ha interesse for, og helst erfaring med, forsking og utviklingsarbeid
Kunne arbeide sjølvstendig, ta initiativ og vere fleksibel
Ha gode samarbeids- og formidlingsevner
Ha høgt etisk medvit i møte med studentar, praksisfeltet og andre samarbeidspartnarar
Kunne bruke digitale verktøy i arbeidskvardagen
Vere personleg eigna for stillinga

Det tel positivt om søkjarar:

Har profesjonsutdanning i sosialt arbeid
Har klinisk erfaring som psykolog
Kan dokumentere relevant forskingskompetanse
Erfaring med undervisning og formidling
Arbeidserfaring relevant for våre utdanningar
Har eit nasjonalt og/eller internasjonalt forskingsnettverk

Søkaren må ha gode norsk- og engelskkunnskapar, både skriftleg og munnleg. Undervisings- og administrasjonsspråket ved høgskulen er norsk.

For kvalifikasjonar på ulike kompetansenivå (førsteamanuensis, førstelektor og høgskulelektor), viser vi til: Forskrift om ansettelse og opprykk i undervisnings- og forskerstillinger

Når det gjeld kravet om pedagogisk basiskompetanse for tilsetjing i stilling som førsteamanuensis, viser ein til HVO sine interne retningslinjer for pedagogisk basiskompetanse: https://www.hivolda.no/sites/default/files/documents/mal-pedagogisk-basiskompetanse-ved-hvo-forsteamanuensis.pdf

Dagleg arbeidsstad er Høgskulen i Volda.

Aktuelle søkarar kan bli kalla inn til intervju og prøveundervising. Tilsetjing vil skje i tråd med dei faglege behova ved instituttet.

Arbeidsfelt

Den som blir tilsett i stillinga vil undervise og rettleie studentar på bachelor i sosialt arbeid; barnevernspedagog og sosionom. Søkjar med relevant kompetanse blir også forventa å bidra til utvikling av og undervisning i utdanningane på master- og ph.d.-nivå.

Forskingstid inngår i stillinga. Instituttet er involvert i fleire forskingsprosjekt og har god publiseringsaktivitet. Det er venta at alle tilsette er aktive medlemmer i ei av forskingsgruppene ved høgskulen og bidrar aktivt inn i forsking og utviklingsarbeid. Sentrale forskingsområde ved instituttet er barnevern, sosialt arbeid, rusmiddelbruk, familie og oppvekst, og profesjonsutøving.

Vi tilbyr

HVO tilbyr varierte arbeidsoppgåver i ei stor, spanande og samfunnsviktig verksemd.

Avdelinga har eit inkluderande og godt fagleg arbeidsfellesskap, der det er høve til fagleg og personleg utvikling.

Høgskulen i Volda har gode vilkår for forsking, og det finst fleire aktive forskargrupper på ulike fagfelt. Stillinga er løna etter kompetanse og kvalifikasjonar i statens lønsregulativ:

Høgskulelektor 1008 kr. 574 828 - 762 402,-, førstelektor 1198 kr. 741 586 - 829 487 og førsteamanuensis 1011 kr. 670 392 - 847 432.

Generell informasjon

Ved HVO er vi opptatt av mangfald. Medarbeidarar med ulik livserfaring vil gjere oss i stand til å finne gode løysingar på arbeidet vårt. Vi oppmodar difor alle til å søke stillinga utan omsyn til alder, kjønn, funksjonsevne eller etnisk bakgrunn. Du er også velkommen til å søke sjølv om du ikkje kan vise til ei samanhengande yrkeskarriere. Lokala er universelt utforma, og vi legg tilhøva til rette for personar med nedsett funksjonsevne.

Dersom du har nedsett funksjonsevne, innvandrarbakgrunn eller hol i CV kan du bli positivt særbehandla om du kryssar av for dette når du søker stillinga. Vi vil invitere minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på arbeidsgiverportalen.

Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.

Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.

Om søknaden

Alle som søker stillinga må søke digitalt gjennom rekrutteringsportalen Jobbnorge. Du må laste opp relevante vitnemål og attestar. Vi gjer merksam på at søknaden blir vurdert ut frå informasjon som ligg føre ved utløp av søknadsfristen. Det er viktig at du viser korleis din kompetanse fyller kriteria for stillinga

Offentleg søkarliste blir utarbeidd etter at søknadsfristen er ute. Dersom du ønsker å reservere deg frå oppføring på offentleg søkarliste, må dette grunngjevast i Jobbnorge. Du vil bli varsla om reservasjon ikkje blir tatt til følge.

Følgjande dokument/filer skal leggjast ved den elektroniske søknaden:

Vitnemål og attestar, samla i ei fil
CV
Masteroppgåve
Andre vitskapelege arbeid

Kontakt

Nærare opplysningar om stillingane får ein ved å kontakte dekan, Jorunn Sem Fure, tlf.: 97 79 71 94, e-post: jorunn.sem.fure@hivolda.no og instituttleiar, Finn Ove Båtevik, tlf.: 70 07 52 13, e-post batevik@hivolda.no.

Om avdelinga

Avdeling for samfunnsfag og historie har undervisningsansvar for ca. 1300 studentar, fordelte på tre institutt: Institutt for planlegging, administrasjon og skuleretta samfunnsfag (IPAS), Institutt for sosialfag (ISF) og Historisk institutt (HI).

Studiebygda Volda

Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.

Les meir på www.hivolda.no

. Video: https://www.youtube.com/watch?v=wSlL1WkuUXc

Informasjonskapsler på arbeidsplassen.no

Rapporter annonse