Det er ledig 100 % fast stilling som psykolog/psykologspesialist ved DPS Volda ambulant seksjon.

DPS Volda ambulant seksjon er ein av tre seksjonar underlagt DPS Volda. Ambulant seksjon arbeider med tverrfagleg heimebehandling og utgreiing til pasientar som er over 18 år. Seksjonen består i dag av eit ambulant akutteam, eit ambulant allmenteam og eit ACT-team. Pasientopptaksområdet er søre Sunnmøre. Seksjonen har kontorlokale i Volda sentrum.

Denne stillinga er knytt til Allmennteamet og ACT;
ACT er eit tverrfagleg team med psykiater, spesialsjukepleiarar, sosionom og ergoterapeut med vidareutdanning. ACT reiser heim til pasientane og har fokus på eit heilskapleg behandlingstilbod. Teamet nyttar i hovudsak ei recoveryorientert tilnærming over lang tid, ofte fleire år. Det er fokus på psykisk og somatisk helse, økonomi, bustad, kosthald, nettverk, ADL fungering m.m. ACT ynskjer å koordinere tenestene rundt pasientane og vere ein del av eventuelle ansvarsgrupper. Behandlingskontakta med pasientane skjer der pasienten oppheld seg.

Ambulant allmennteam tilbyr heimebehandling til menneske som av ulike grunnar ikkje kan kome seg til poliklinikken for medisinvurdering, behandling og utgreiing. Ein tilbyr også behandling til nyleg utskrivne pasientar som treng vidare behandling når dei kjem heim eller heimebehandling som alternativ til lengre innlegging i døgnavdeling. Teamet deltek også i samarbeid om alvorleg sjuke/kroniske pasientar og TUD-pasientar (tvungent vedtak utan døgnopphald) i kommunen.

Teama er tverrfagleg samansett med psykiater, sosionom, vernepleiar, sjukepleiar mfl.

Ver venleg å legge ved dine attestar og vitnemål til søknaden.

Arbeidsoppgåver

Kartlegging og utgreiing av funksjonsevne og psykisk helse
Relasjonsbygging med både pasientar og kollega
Inntaksarbeid
Rettleiing av dei som ikkje er spesialistar
Bidra med psykologisk fagkompetanse i seksjonen
Vere ein viktig del av eit tverrfagleg team
Psykologiske vurderingar, diagnostisering og behandling
Samarbeid med ulike faggrupper
Eksternt samarbeid og undervisning
Samtalar med pårørande

Kvalifikasjonar

Psykolog eller psykologspesialist med norsk autorisasjon, psykolog eller psykolog på lisens som fører til autorisasjon kan også søke
Fordel med relevant spesialisering/jobberfaring frå arbeid med rus og/eller psykisk helse
Fordel med erfaring frå tverrfagleg/tverretatleg samarbeid
Erfaring frå rettleiing og undervisning
Ønskeleg med behandlarerfaring
God evne til samarbeid vert vektlagt
Du må ha gode kommunikasjonsevner og gode norskferdigheiter, både munnleg og skriftleg
Må ha førarkort

Personleg eignaheit vert tillagt stor vekt

Personlege eigenskapar

Du er ein positiv, fleksibel og ansvarsbevisst kollega som både kan arbeide sjølvstendig og i eit tverrfagleg samarbeid
Du likar å bidra til kompetanseutvikling
Du må ha evne til å bidra til eit godt arbeidsmiljø
Ved tilsetting vil ein legge vekt på gode eigenskapar når det gjeld kommunikasjon med pasientar, pårørande og samarbeidspartnarar

Vi tilbyr

Sterkt tverrfagleg samarbeid
Ein inkluderande arbeidsplass
Løn etter gjeldande overeinskomstar
Medlemskap i god offentleg pensjonsordning og fordelaktige forsikringsvilkår

Midt i det beste Norge kan by på av fjord og fjell finn du Volda. Opplev dei ville og vakre Sunnmørsalpane som byr på alt frå enkle ruter og oppmerka stiar i flate fjelldalar til utfordrande klatreturar og fantastiske toppturar. Vi byr også på eit særs blomstrande kultur- og idrettsliv og eit framoverlent høgskule miljø. Det er gode kommunikasjonar med flysamband til Bergen og Oslo frå Ørsta/Volda lufthamn. Sjå meir om Volda her. - Og her

Kontaktinformasjon

Solrun Brenk Rønning, Seksjonsleiar, 91570524, solrun.brenk.ronning@helse-mr.no

Arbeidsstad

Hamnegata 20
6100 Volda

Nøkkelinformasjon:

Arbeidsgivar: Helse Møre og Romsdal HF

Referansenr.: 4938224636
Stillingsprosent: 100%
Fast
Søknadsfrist: 08.04.2025

Informasjonskapsler på arbeidsplassen.no

Rapporter annonse