Er du god til å sjå ressursane i folk og hjelpe dei vidare i livet? Då kan du vere den vi ser etter!

Nav Nordfjord søkjer ein engasjert rettleiar til avdelinga arbeid og helse frå desember 2025.

Hos oss får du ein variert og meiningsfull arbeidskvardag, der du møter nye utfordringar med eit positivt og løysingsorientert team rundt deg. Du blir ein viktig del av eit fagmiljø som jobbar for å skape moglegheiter for menneske – kvar einaste dag.

Nav Nordfjord er eit vertskommunesamarbeid som omfatter kommunane Bremanger, Gloppen, Stad og Stryn. Vi leverer kommunale og statlege Nav-tenester til innbyggjarane og verksemdene i alle dei fire kommunane, og har 44 tilsette fordelte på fire lokasjonar. Denne stillinga har arbeids- og oppmøtestad Stryn.

Arbeidsoppgåver

Følgje opp brukarar som er sjukmelde eller får arbeidsavklaringspengar
Vere mottaksvert tre dagar i veka to timar per dag – du blir den første folk møter når dei kjem til Nav
Rettleie og motivere brukarar på vegen tilbake til arbeid
Kartlegge arbeidsevne, ressursar og moglegheiter
Samarbeide tett med arbeidsgjevarar, fastlegar og andre samarbeidspartar for å finne gode løysingar

Kvalifikasjonar

I denne rolla må du:

Ha utdanning på minimum bachelornivå. Relevant utdanning og/eller erfaring kan kompensere for utdanningskravet.
Ha gode evne til å kommunisere både munnleg og skriftleg på norsk
Vere trygg på digitale verktøy og nysgjerrig på ny teknologi

Det er ein fordel om du har:

Erfaring med å rettleie menneske i krevjande livssituasjonar
Kjennskap til Nav sitt samfunnsoppdrag
Kjennskap til arbeidsmarknaden og næringslivet i regionen

Personlege eigenskapar

Du bryr deg om folk og ønsker å hjelpe
Du har engasjement og evne til å motivere andre
Du trivst med å jobbe både sjølvstendig og saman med andre

Vi tilbyr

Ein meiningsfull jobb i eit godt og støttande arbeidsmiljø
Gode moglegheiter for fagleg utvikling
Fleksibel arbeidstid med moglegheit for heimekontor og trening i arbeidstida
Stillinga blir plassert i stillingskode 1434 rådgivar. Lønsspennet er frå kr. 550.000 til 600.000 per år. For særleg kvalifiserte søkarar kan noko høgare løn vurderast.
God pensjonsordning, låneordning og forsikringar gjennom Statens pensjonskasse

Les meir om Nav som arbeidsgivar

Kontaktinformasjon

Kari Tonning, Avdelingsleiar, 452 33 070, kari.tonning@nav.no

Arbeidsstad

Tonningsgata 4
6783 Stryn

Nøkkelinformasjon:

Arbeidsgivar: NAV

Referansenr.: 5018722865
Stillingsprosent: 100%
Fast
Søknadsfrist: 07.10.2025

Informasjonskapsler på arbeidsplassen.no

Rapporter annonse