Vår resepsjonssjef søker nye utfordringar, og me søkjer derfor etter ein interessert og engasjert person til å bli ein del av teamet vårt her på Gaupnetunet. Stillinga er ledig frå 01.04.2025, men det kan også avtalast seinare oppstart. Du kan søke både 80 eller 100 % stilling, 60 % kan også vurderast.

Me søkjer deg som har utdanning innan hotellfag/reiseliv og/eller erfaringsbasert kompetanse frå bransjen. Me legg stor vekt på vertskapsrolla og ønskjer at alle våre gjester skal trivast hos oss, med ønskje om å kome att. Du må ha evne til å vere motiverande, som del av leiarteamet ved hotellet. Me ønskjer at du set den gode serviceopplevinga høgt, er framoverlent og kvalitetsbevist og at du er villig til å stå på. Det er viktig at du er sjølvgåande, og ser kva arbeidsoppgåver som må gjerast i det daglege. Du vil få ansvar for marknadsføring- og salsaktivitetar og rapporterer til dagleg leiar.

Det er viktig å kunne kommunisere like godt på engelsk som på norsk, gjerne også på andre framandspråk.

Ansvarsområder/arbeidsoppgåver:

Passe på at oppgåvene på hotellet fungerer i det daglege, og at alle funksjonane ved hotellet til ei kvar tid ivaretek vertskapsrolla på ein god måte.
Ansvarleg for turoperatørar og salsarbeid i forhold til dei.
Ansvarleg for marknadsføring- og salsaktivitetar i samarbeid med dagleg leiar.
Møte alle gjester på ein profesjonell og engasjert måte
Halde resepsjonen, lobbyen, baren og restauranten ryddig og innbydande
Ivareta gjestene og hotellet sin sikkerheit
Aktivt jobbe med meirsal og oppsal av bedrifta sine produkt
Kombinert administrativ og operativ jobb
Dagleg drift av resepsjonen, inkludert innsjekk, utsjekk, telefon-/mail-henvendelsar og håndtering av spesielle forespørslar
Fakturaoppfølging
Bygge bedrifta sin posisjon lokalt og langs reiseruta gjennom kreative sals og marknadsføringstiltak
Marknadsføring på SoMe, Google AdWords, eiga webside m.m.
Diverse forefallande resepsjonsarbeid

Me kan tilby ei sjølvstendig og utfordrande stilling, løn etter avtale. Spørsmål kan rettast til dagleg leiar Anja S. Drevdal, tlf. 951 82 131 eller styreleiar Hans Olav Sandvik, tlf. 957 81 491.

Skriftleg søknad med CV kan sendast elektronisk til anja@gaupnetunet.no.

Søknadsfrist: 10 mars

Informasjonskapsler på arbeidsplassen.no

Rapporter annonse