Om stillinga

I Vest politidistrikt, ved Geografisk driftseining Bergen, Askøy og Øygarden (GDE Bergen, Askøy og Øygarden), Bergen Vest politistasjonsdistrikt, Avsnitt for politipatrulje er det ledig eit vikariat som politioverbetjent (stillingskode 0287) med funksjon som avsnittsleiar. Arbeidet er utført på dagtid og turnusteneste kvar tredje helg. Varigheita til vikariatet er til og med 01.10.26 med moglegheit for forlenging

Bergen Vest politistasjonsdistrikt består av Avsnitt for politipatrulje, Avsnitt for for etterforsking, førebyggarar og sivile medarbeidarar. I tillegg har politistasjonsdistriktet ansvar for etterretning og risikovurdering av partnarvald for GDE BAØ. Som leiar av avsnitt for politipatrulje vil du oppleva ein meiningsfull arbeidskvardag som ein del av eit dyktig fagmiljø og godt sosialt arbeidsmiljø beståande av engasjerte kollegaer. Stillinga er plassert i Fyllingsdalen, med fast oppmøte der. Arbeidet er utført på dagtid i tett samarbeid med tilsvarande stillingar i GDE BAØ med turnusteneste kvar tredje helg.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Me søkjer ein resultat- og medarbeidarorientert leiar som er motivert av leiaroppdraget og har evner og interesse for utvikling av avsnittet og oppgåver knytte til politipatruljen. Den me søkjer må trivast med høgt arbeidstempo, vera god til å prioritera og ha gjennomføringsevne. Det er forventa at ein har gode samarbeids- og kommunikasjonsevner og bidreg positivt inn i eit godt og aktivt arbeidsmiljø.

Som avsnittsleiar ved eininga tilbyr me spennande utfordringar i eit hektisk og godt arbeidsmiljø. Som medarbeidar i politiet blir du kjenneteikna av å vera modig og heilskapsorientert, du viser respekt og er tett på.

Som leiar må du i tillegg kunna leia i samsvar med medarbeidarplattforma vår, setja retning, driva endring, motivera og utvikla medarbeidarar, og skapa resultat i samhandling med andre.

Me trur på styrken med mangfald og oppmodar personar med ulike kulturelle bakgrunnar til å søkja, slik at me kan halda fram med å byggja ein inkluderande og representativ organisasjon.

Arbeidsoppgåver

Avsnittsleiar med personal- og resultatansvar på eige avsnitt
HMS-ansvar på eige avsnitt
Leia og utvikla avsnittet, under dette ha hovudfokus på medarbeidarar, fag og produksjon
Leia avsnittet i samsvar med definerte strategiar, planar og mål
Vareta dagleg leiing og bidra til fagleg utvikling ved avsnittet
Leggja til rette for at oppgåver kan utførast med føresett kvalitet og at ressursane blir utnytta effektivt med fokus på effektiv tenesteproduksjon
Medverka til godt arbeidsmiljø i ein hektisk kvardag
Inngå i patruljetenesta ved behov og tredje kvar helg
Bidra aktivt i leiargruppa til politistasjonen, følgja opp avgjerdene i leiargruppa og setja i verk vedtekne endringar
Andre oppgåver pålagde av overordna

Kvalifikasjonar

Dette må du ha for å vere kvalifisert:

Vitnemål frå politiskule/politihøgskule
God resultatoppnåing i tidlegare stillingar
Brei politifagleg bakgrunn
Kunnskap om arbeid med helse, miljø og tryggleik
God skriftleg og munnleg framstillingsevne
God resultatoppnåing i tidlegare stillingar
Det er forventa at søkjar har førarkortklasse B med utrykkingskompetanse og har IP 4-kompetanse, eller forpliktar seg til snarleg å opparbeida denne kompetansen
Du må ha plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetjing, jf. politiloven § 18 og politiregisterloven § 41.

Det er også ønskjeleg med:

Relevant etter- og eller tilleggsutdanning innan leiing
Leiarutdanning og/ eller leiarerfaring
Vidareutdanning innan etterforsking og etterforskinsleiing
Brei politifagleg kompetanse
God kunnskap om aktuelt lov- og avtaleverk
Erfaring med endringsprosessar og endringsleiing

Personlege eigenskapar

Resultatorientert med evne til å ta avgjerder og ha god gjennomføringsevne
Motivere og skape resultat i samhandling med andre
Gode evner til kommunikasjon og relasjonsbyggjing
Evne til å tenke klart i en hektisk arbeidskvardag, og leie andre gjennom det same
Samfunnsorientert med forståing for eininga si rolle i samfunnsoppdraget til politiet
Setje retning, drive endring og bidra til god verksemdsutvikling
Har godt heilskapleg blikk og evne til taktisk og systematisk arbeid

Som medarbeidar i politiet er du modig og heilskapsorientert, du viser respekt og er tett på. Som leiar må du i tillegg kunne leie i samsvar med dei etiske retningslinjene våre og vår medarbeidarplattformen. Les meir her.

Dette kan vi tilby om du vel oss

Stillinga vert lønna som politioverbetjent med funksjon som avsnittsleiar (stillingskode 0287) med årslønn: kr. 820.000,-.
Medlemskap i Statens pensjonskasse, med mellom anna gode pensjons- og forsikringsordningar. Les meir på www.spk.no
Gode arbeidsvilkår (dagtid, turnus, trening i arbeidstida, o.l)

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her.

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å skrive eit kort søknadsbrev, registrere utfyllande CV og leggje ved relevante vitnemål og attestar.
Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.

Cookies for en trygg og bedre tjeneste

Rapporter annonse